Connect with us

تازه خبرونه

افغانستان ته د خپلواکه رادار لومړني تجهیزات راورسېدل

خپور شوی

 په

(Last Updated On: چنګاښ ۲۶, ۱۴۰۰)

د افغانستان د ملکي هوایي چلند ادارې ويلي، چې د شنبې پر ورځ د چنګاښ ۲۶ کابل ته په الوتکه کې د رادار د اړتیا وړ خپلواک لومړني تجهیزات راورسیدل.

د یادې ادارې د څرګندونو له مخې؛ د افغانستان خپلواکه رادار د تجهیزاتو نصبولو قرارداد له یوه فرانسوي شرکت سره لاسلیک شوی، چې ۱۱۲ میلیون یورو ارزښت لري.

سرچینې زیاته کړې، چې د رادار دا تجهیزات به د هېواد په ۱۲ برخو کې د هوایي څار لپاره ولګول شي.

د دغې ادارې د څرګندونو له مخې؛ دا رادار به د هېواد د هوایي ډګرونو فضا له صفر ټکي څخه تر ۴۵۰۰۰ فوټو پورې آسانه څارنه رامنځته کړي.

د افغانستان د ملکي هوایي چلند ادارې چارواکو په کابل هوایي ډګر کې آریانا نیوز ته څرګنده کړې، چې د رادار د درې سیستمونو تجهیزات نن کابل ته رارسیدلي دي.

تازه خبرونه

په مسکو کې د روسیې، چین او پاکستان استازیو پر افغانستان ګډه ناسته کړې

خپور شوی

په

توسط

(Last Updated On: تله ۲۸, ۱۴۰۰)

د روسیې، چین او پاکستان استازیو پرون د سې شنبې پر ورځ په مسکو کې د افغانستان پر اړوند سیاسي، امنیتي اوله شخړې وروسته مسایلو بحث خبرې کړي دي.

درې واړو خواوو د شوني امنیتي ګواښونو په اړه د اندونو تبادله کړې او افغانستان ته یې د بېړنیو بشري او اقتصادي مرستو د برابرولو لپاره خپله ګډه اراده څرګنده کړې ده.

روسیې امریکا ته بلنه ورکړې وه، چې د مسکو په خبرو کې برخه واخلي؛ خو د هغه هېواد د بهرنیو چارو وزارت ویاند نډ پرایس د لوژستیکي ستونزو له کبله په دې خبرو کې ګډون رد کړی وایي، چې امریکا له دې بهیره ملاتړ کوي.

د رویټرز د څرګندونو له مخې، د روسیې بهرنیو چارو وزارت ویلي؛ د چارشنبې پر ورځ به د افغانستان د اسلامي امارت او د نورو هېوادونو استازي هم په ډې خبرو کې برخه واخلي.

د روسیې د بهرنیو چارو وزیر سرګي لاوروف به د چارشنبه په غونډه کې وینا وکړي.

استازي به په افغانستان کې د نظامي او سیاسي وضعیت، د ټولمنلي افغان حکومت پر جوړولو او په افغانستان کې د بشري ناورین په مخنیوي کې د نړیوالې ټولنې د رول په اړه بحث او خبرې وکړي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین او پاکستان په ګډون  ۱۱ هېوادونه بلل شوي دي.

په کابل کې د روسیې سفارت ویلي، چې په دې غونډه کې د کورني سیاست په ګډون له شخړو وروسته رامنځته شوي شرایط، چې د دغه هېواد د بیارغونې لپاره اړین دي وڅېړل شي.

دا په داسې حال کې ده، چې دې غونډې ته د افغانستان د لومړي وزیر د مرستیال مولوي عبدالسلام حنفي په مشرۍ د بهرنیو چارو، اقتصاد، صنعت او سوداګرۍ وزیران او نور لوړپوړي چارواکي ورغلي دي.

Continue Reading

تازه خبرونه

پوتین په جي ـ ۲۰ سرمشریزه کې انلاین برخه اخلي

خپور شوی

په

توسط

(Last Updated On: تله ۲۸, ۱۴۰۰)

کرملین یا د روسیې ولسمشرۍ ماڼۍ نن څرګنده کړې، چې ولسمشر ولادمیر پوتین به دجي – ۲۰ په سرمشریزه کې انلاین ګډون وکړي.
کرملین ویلي، چې پوتین په دې اړه د ایټالیا له لومړي وزیر سره د ټیلیفون له لارې خبرې کړې دي.
د کرملین په څرګندونو کې راغلي، چې دواړو هېوادونو د دوه اړخیزو اړیکو او د افغانستان وضعیت تر بحث لاندې نیولی دی.
له دې مخکې د امریکا بهرنیو چارو وزارت ویلي، چې د افغانستان په اړه د مسکو په غونډه کې به ګډون ونکړي.
د امریکا بهرنیو چارو وزارت ویاند نډ پرایس ویلي: مونږ د مسکو په غونډه کې ګډون نه کوو. پرمختللې ټریکا یو ګټوره او حیاتي اړخ لري. مونږ هڅه کوو په راتلونکيو ناستو کې ولرو؛ اوس په دې غونډه کې د نډې لرلو په حالت کې نه یو.
له دې مخکې د افغانستان لپاره د روسیې د ولسمشر ځانګړي استازي ضمیر کابلوف ویلي وه، چې د هغه هیواد به د افغانستان په اړه د اسلامي امارت له پلاوي او د پاکستان او چین له استازیو سره ناسته ولري.
دا په داسې حال کې ده، چې د افغانستان اسلامي امارت یو لوړپوړی پلاوی نن په اړوند ناسته کې د ګډون لپاره مسکو ته روان شوی دی.

Continue Reading

تازه خبرونه

د افغانستان پر روانو حالاتو د وزیرانو شورا غونډه تر سره شوه

خپور شوی

په

توسط

(Last Updated On: تله ۲۷, ۱۴۰۰)

تېره ورځ د افغانستان اسلامي امارت د لومړي وزیر ملا محمد حسن اخوند پر مشرۍ د وزیرانو شورا غونډه ترسره او پر اړینو مسایلو بحث او خبرې وشوې.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد په څرګنده کړې، چې د لومړي وزیر ملا محمد حسن مرستیال ملا عبدالسلام حنفي د خپلو اقتصادي فعالیتونو راپورغونډې ته وړاندې کړ.

له عبدالسلام حنفي وروسته د افغانستان د بهرنیو چارو وزارت چارسمبالي مولوي امیرخان متقي هم د خپلو بهرنیو سفرونو په اړه معلومات وړاندې کړل.

مجاهد زیاته کړې، چې په دې غونډه کې یوه پلاوي ته سپارښتنه وشوه، چې د نادر پښتون جادې د پلورنځیو د چارو د بیا رغونې او د کانونو د کېندنې چارې وڅیړي او پایله یې لومړي وزیر ته ولیږي.

په دې غونډه کې د لوړو زدکړو وزارت ته هم لارښوونه وشوه، چې د لوړو زدکړو معیاري کولو لپاره هڅې وکړي او همدارنګه خصوصي پوهنتونونه وهڅوي، چې رسمي جواز ترلاسه او خپل فعالیت روان وساتي.

کابینې ټولو اړوند کمیسیونونو ته سپارښتنه کړې، چې د موسسو فعالیتونه وڅېړي او د دغو بنسټونو فعالیتونه باید د هېواد ګټو پر بنسټ وي.

Continue Reading

Trending

آریانا نیوز: ټول حقونه خوندي دي