Connect with us

تازه خبرونه

افغانستان او ترکمنستان د اقتصادي همکاریو تړونونه لاسلیک کړل

Ariana News

خپور شوی

 په

(Last Updated On: October 3, 2020)

افغانستان او ترکمنستان د چارشنبې پر ورځ ( د تلې ۹) په کابل کې د برښنا او نوري فایبر په اړه د تفاهم درې هوکړه لیکونه او د اقتصادي همکاریو یو تړون لاسلیک کړ.

د دغو هوکړه لیکونو د لاسلیک په مراسمو کې د افغانستان ولسمشر اشرف غني له بیات ګروپ او د ترکمنستان له چالک شرکت څخه هېواد ته د  ۵۰۰ میګاوات برښنا لیږد او نوري فایبر نښلولو تړونونو لاسلیک مننه کړې ده.

احسان الله بیات او د چالک شرکت مشر حکمت سیزار؛ د افغان ولسمشر اشرف غني، د ترکمنستان د بهرنیو چارو وزیر رشید میردوف، د ترکمنستان سفیر اویزوف خواجه سفرګیدویچ، د کانونو او پترولیم وزارت چارسمبالي محمد هارون چخانسوري په حضور کې د ۵۰۰ میګاوات برښنا او نوري فایبر نښلولو تړونونه لاسلیک کړل.

د ولسمشرۍ د څرګندونو له مخې؛ د دغه هوکړه لیک د لاسلیک په مراسمو کې ولسمشر غني ویلي: نن مونږ خپل  پخوانی ښه تاریخ ژوندی کوو او د وروستیو کلونو بد تاریخ جبرانوو.

هغه زیاته کړې؛ د بیات ګروپ او چالک خصوصي شرکت له حضور څخه مننه او دا د دې څرګندوی دي، چې د افغانستان او نړیوالو خصوصي شرکتونو یو بل ته لاس ورکړی او ۵۰۰ میګاواته برښنا تامینوي. ترکمنستان نه یوازې افغانستان، بلکې خپلو ټولو ګاونډ هېوادونو ته ښه ګاونډ دی او مونږ بېرته خپلو لرغونو رېښو ته ورګرځو.

 

تاپ پروژه ( د ترکمنستان څخه افغانستان او پاکستان ته د برښنا لیږد) یوه له مهمو پروژو څخه ده، چې د دې پروژې د لومړي پړاو د جوړیدو تړون دوه اوونۍ وړاندې د افغانستان برښنا شرکت له چالک شرکت سره لاسلیک کړی دی.

د ترکمنستان د بهرنیو چارو وزیر د افغانستان او ترکمنستان دوه اړخیزو همکاریو ته په انغوته او شاره کې ویلي، هېواد یې غواړي، چې د دې لویو پروژو له تطبیق سره د انرژۍ د تامین ترڅنګ د دواړو هېوادونو ولسونو ته یې ګټه ورسېږي او زموږ اقتصادي همکارۍ به د ټولو لپاره موثرې وي.

هغه زیاته کړه چې په دې برخه کې د همکارۍ لپاره زیات فرصتونه شته او ددې اوږدمهالې پروژې ګټې ټولو ته رسیږي.

په پام کې ده چې د دې پروژې د لومړي پړاو په بشپړیدو سره په لومړي قدم کې ۳۰۰ میګاواټه برښنا د هرات او فراه ولایتونو اوسیدونکو ته ووېشل شي.

د افغانستان برښنا شرکت او چالک شرکت ترمنځ د شوې هوکړي پر بنسټ به د دې پروژې لومړی پړاو د یو کال په لړ کې بشپړ شي.

د یادونې وړ ده چې افغانستان به د دې پروژې له ترانزیټي لارې څخه د کال ۵۰ میلیون دالر د ترانزیت حق ترلاسه کړي.

تازه خبرونه

امرالله صالح د تخار په هوايي برید کې د ملکي وګړیو د وژلو ادعاوې رد کړې

Ariana News

خپور شوی

په

توسط

(Last Updated On: October 22, 2020)

د ولسمشر لومړي مرستیال، امرالله صالح هغه تورونه رد کړل، چې ګڼې د تخار په هوايي برید کې ملکي وګړي وژل شوي دي.

امرالله صالح د خپل فیسبوک پر پاڼه لیکلي؛ هغه خبرونه، چې د تخار پر یوه جومات په بمبارد کې ماشومان وژل شوي دي بې اساسه  دي.”

د ولسمشر لومړي مرستیال څرګنده کړې؛ هغه چا، چې پرون زمونږ ځواکونه په وینو کې لت پت کړي، له منځه تللي او مونږ په دې اړه د ډاد وړ ثبوت لرو.

حکومتي سرچینو ویلي، چې افغان هوایي ځواکونو د تخار ولایت د هزاره قرلق د کلي په لوی جومات کې د طالبانو یوه ناست بمبارد کړې ده.

د عیني شاهدانو په وینا؛ په هوایی برید کې ۱۲ ماشومان وژل شوي او نور کسان ټپیان دي.

په جومات کې د طالبانو د شتون په اړه متضاد راپورونه هم خپاره شوي دي.

ټپي ماشومانو ویلي، چې د برید پرمهال طالبان په جومات کې ول. په داسې حال کې، چې ټپي ملا امام ویلي؛ له برید مخکې طالبان له جوماته وتلي وه.

امرالله صالح په عین حال کې خبرداری ورکړی؛ هغه څوک، چې ګنګوسې خپروي، له قانوني چلند سره به مخ شي.

نوموړي زیاته کړې؛ ما پخپله ثبوت ولیده او په حکومتي او اخلاقي واک مې خپلې خبرې وړاندې کړي دي؛ ډاډه اوسئ.

دا په داسې حال کې ده، چې د ملي دفاع وزارت د جومات په برید کې د ۱۲ طالبانو او څو قومندانانو وژل کیدل تائید کړي؛ خو وایي، چې په پېښه کې د ملکي وګړیو د ادعاوو د څېړلو لپاره یو پلاوي هم ټاکل شوی دی.

Continue Reading

تازه خبرونه

ماین چاودنې په کندهار کې دوه رومانیایي سرتېري ټپیان کړل

Ariana News

خپور شوی

په

توسط

(Last Updated On: October 22, 2020)

بهرنیو ځواکونو څرګنده کړې، چې د افغانستان په کندهار ولایت کې د دوی دوه رومانیايي عسکر ماین چاودنې ټپیان کړي دی.

په افغانستان کې د پرېکنده ماموریت ځواکونو ویلي، چې دغه پېښه تېره ورځ د دغو ځواکونو د ګزمې پر مهال رامنځته شوې ده.

په افغانستان کې پراته ناتو ځواکونو په ډاګه کړې: د اکتوبر پر ۲۱ په کندهار کې د ناتو ځمکني دفاعي ځواکونه د ګزمې په اړوند سیمه کې له ماین چاودنې سره مخ کیږي، چې دوه رومانیايي سرتېري یې ټپیان کړل. ائتلافي ځواکونه د خپلې قرارګاه شاوخوا منظم ګزمه تر سره کوي.

د رومانیا دفاع وزارت ویلي؛ پېښه په داسې حال کې رامنځته شوې، چې د ماین او کمین ضد ځواکونو موتریز کاروان یې ګزمه کوله.

دې وزارت په یوه بیان کې ویلي: د وروستي موتر له تېریدو سره ماین چاودنه کړې، چې په کې دوه افسران هر یو آدریان ایوان سیفراک او لوسیف لوان ریمن ټپیان شوي دي.

دا په داسې حال کې ده، چې له یوې خوا په دوحه کې د  ښکېلو لوریو تر څارنې لاندې د سولې خبرې پیل شوي او له بلې خوا په هېواد کې ورځ تر بلې د تاوتریخوالی کچه مخ پر لوړیدو ده.

Continue Reading

تازه خبرونه

د تخار په هوایي برید کې ۱۲ ماشومان وژل شوي دي

Ariana News

خپور شوی

په

توسط

(Last Updated On: October 22, 2020)

د تخار ولایت د هزاره قرلق کلي پر جومات د بمبارد پر مهال ۱۲ ماشومان وژل شوي او ۱۴ نور ټپیان دي.

عیني شاهدانو ويلي؛ پېښه د چهارشنبې له غرمې وروسته ۳ بجې هغه مهال وشوه، چې په جومات کې  طالبان راټول شوي وه؛ خو له هوایي بریده لس دقیقې مخکې یې جومات پریښی و.

د دوی په وینا؛ د دې پېښې قربانیان هغه ماشومان دي، چې په دې جومات کې  یې له ملا امامه سبق وایه.

تر دې دمه ۸ ماشومان او د جومات ټپي امام روغتون ته وړل شوي دي.

د ټپي ماشومانو په وینا؛ له برید مخکې څو وسلوال طالبان په جومات کې دننه ول.

د جومات ټپي ملا امام  مولوي عبدالاول ویلي، چې وسلوالو طالبانو له برید مخکې جومات پرېښود او هغه ماشومانو ته د دین ښوونه کوله.

سیمه ییز چارواکي وايي، چې د برید موخه وسلوال طالبان ول؛ خو په تېروتنه کې ماشومان وژل شوي دي.

سیمه ییز چارواکي تائیدوي، چې په پېښه کې ۱۲ ماشومان وژل شوي او ۱۴ نور ټپیان دي او په دې هوایي برید کې  ۱۰ وسلوال طالبان هم وژل شوي دي.

د هزاره قرلق کلي د تالقانو ښار لویدیځ لوري ته د قلبرس سیمې ته نږدې پروت دی.

د ځایي چارواکو د څرګندونو له مخې؛ دا برخه له څو کلونو راپدیخوا د طالبانو په ولکه کې ده او کله نا کله پر پوځي اډو بریدونه تر سره کوي.

طالبانو تر دې دمه په دې اړه څه ندي ویلي.

د ملي دفاع وزارت د جومات په برید کې د ۱۲ طالبانو او څو قومندانانو وژل کیدل تائید کړي؛ خو وایي، چې په پېښه کې د ملکي وګړیو د ادعاوو د څېړلو لپاره یو پلاوي ټاکل شوی دی.

د ولسمشر اشرف غني لومړي مرستیال امرالله صالح په پېښه کې د ملکي وګړیو وژل کیدل دروغ بولي او وایي، چې وزل شوي کسان ټول وسلوال طالبان دي.  

حکومتي چارواکو ویلي؛ په دې برید کې هغه طالبان وژل شوي، چې دوه شپې مخکې یې په بهارک ولسوالۍ کې لسګونه افغان ځواکونو ته مرګ و زوبله اړولې وه.

Continue Reading
Advertisement

Trending