Connect with us

تازه خبرونه

افغانان باید د خپل راتلونکي پوره مسوولیت پر غاړه واخلي

خپور شوی

 په

(Last Updated On: غبرګولى ۱۱, ۱۴۰۰)

د ناټو عمومي منشي ینس سټولټنبرګ د دوشنبې پر ورځ د ناټو د دفاع او بهرنیو چارو وزیرانو د غونډې په څنډه کې یوې خبري ناستې ته ویلي، چې له افغانستان څخه د بهرنیو ځواکونو له وتلو سره باید افغانان د خپل راتلونکي بشپړ مسوولیت پر غاړه واخلي.

هغه زیاته کړې، چې په افغانستان کې امنیتي وضعیت خورا ستونزمن او ننګوونکی دی.

د پنټاګون چارواکي څرګندوي، چې له افغانستان څخه د امریکايي ځواکونو د وتلو ۲۵ سلنه بشپړه شوې او دا بهیر روان ساتل شوی دی.

د روان کال په اپریل کې د امریکا ولسمشر جو بایډن اعلان وکړ، چې د دې هېواد سرتېري به د روان کال د سپټمبر پر ۱۱ نېټه له افغانستان څخه ووځي.

سټولټنبرګ یوې خبري غونډې ته ویلي، چې د ناټو د وتلو پرېکړه به خطر ولري؛ خو پاتې کیدل به مونږ د نورو ډېرو جګړو، ډېرو تلفاتو او حتا د نورو سرتېرو د ډېرولو له ډېرو خطرونو سره مخ کړي وای.

هغه وایي: له همدې کبله مونږ پرېکړه وکړه، چې په څو اوونیو کې خپل ماموریت (په افغانستان کې) بشپړ کړو. زما په اند مونږ باید پوه شو، چې موخه مو په افغانستان کې د تل لپاره پاتې کېدل نه ول.

هغه ټینګار وکړ، چې د بهرنیو ځواکونو شمېر تر دې دمه له ۱۰۰ زره څخه ۱۰ زره ته راټیټ شوی دی.

هغه وایي: که څه هم پوځي ماموریت  پای ته رسیوو؛ خو مونږ به پر نورو لارو د افغانستان لپاره خپل ملاتړ زیات کړو. مونږ په افغانستان کې خپل ملکي شتون ساتو، چې د افغانستان امنیتي خدماتو لپاره مشورې او د وړتیاوو لوړولو هڅې ترسره کړو.

هغه ټینګار وکړ، چې ناټو به افغان ځواکونه تمویل کړي او د پام وړ پیسې ځانګړې کړو.

هغه زیاته کړې: مونږ نیت لرو، چې افغان امنیتي ځواکونو ته د بهرنيو زدکړو او روزنې زمینه برابره کړو او همدا اوس د مهمې بیخبنا د ساتلو پر څرنګوالي کار کوو.

هغه دا هم ویلي، چې: مونږ شل کاله هلته (افغانستان) یو او ملاتړ به یې روان ساتو؛ خو دا کار نور پر پوځي حضور ناشونی دی.

تازه خبرونه

په قطر کې له چینایي چارواکو سره د اسلامي امارت د مشرانو لېدنې روانې دي

خپور شوی

په

توسط

(Last Updated On: لړم ۴, ۱۴۰۰)

نن د قطر په مرکز دوحه کې د افغانستان د بهرنیو چارو وزیر محترم مولوي امیر خان متقي په مشرۍ یوه پلاوي د چین ولسي جمهوریت د بهرنیو چارو وزیر وانګ پر مشرۍ له پلاوي سره خبرې وکړې.
دواړو لوریو پر ډیپلوماټیکو اړیکو، دوه اړخیزې سوداګرۍ، له افغانستان سره د چین بشري مرستې او افغان زد‌کوونکیو ته په چین کې د لوړو زد‌کړو د فرصتونو رامنځته کولو او په ټوله کې د دواړو هېوادونو په اړیکو کې پر فرصتونو او ننګونو هراړخیزې خبرې وشوې.

د افغانستان د بهرنیو چارو وزیر په ډاګه کړې، چې اسلامي امارت ډاډ ورکوي، چې د افغانستان خاوره به د چین په ګډون د کوم هېواد پرخلاف نه کارېږي.

نوموړي ډاډ څرګند کړی، چې افغانستان پر همکارۍ او همغږۍ ولاړ متوازن بهرنی سیاست لري. چین زموږ په بهرني سیاست کې مهم ځای لري او په سیمه کې مهم هېواد دی. د افغانستان ثبات د چین په ګډون ټولې سیمې ته ګټور دی.

افغان لوري چین سره د دیپلوماتیکو اړیکو د پراختیا تر څنګ د افغانستان د سوداګرۍ پر پراختیا هم ټینګار وکړ.
مولوي متقي له چینايي لوري وغوښتل، چې د افغان سوداګرو د ستونزو په اوارولو کې مرسته وکړي او له افغانستان څخه چین ته د ونیکس ماربل، قیمتي بوټو، کیشتې، بادام، وچو انځرو، پستو، اینجي او په ځانګړي توګه د جلغوزو د صادراتو په برخه کې لازمې آسانتیاوې برابرې کړي.

د چین د بهرنیو چارو وزیر په افغانستان کې له وروستي مثبت تحول هرکلی وکړ او په ډاګه یې کړه، چې افغانستان او چین تاریخي اړیکې لري او په راتلونکي کې به دواړه هېوادونه د ګډو ګټو پر بنسټ کار وکړي او هیڅکله به د افغانستان په کورنیو چارو کې لاسوهنه ونکړي.

وانګ يي زیاته کړې، چې هېواد یې د افغانستان امنیت، خپلواکۍ او ځمکني بشپړتیا ته درناوی لري.
چینايي لوري همداراز ټینګار له افغانستان څخه پر ملاتړ ټینګار کړی، چې د پراختیا لپاره خپله لار په خپله وټاکي.

دغه راز ویل کیږي، چې د چین د بهرنیو چارو وزیر وانګ يي تېره ورځ د قطر په پلازمېنه دوحه کې د اسلامي امارت د اقتصادي چارو له مرستیال ملا عبدالغني برادر پر مشرۍ له یوه پلاوي سره لیدلي دي.

د ذبیح الله مجاهد د څرګندونو له مخې، په دې کتنه کې پر اقتصادي او سیاسي وضعیت او د دواړو هېوادونو ترمنځ د سوداګریزو اړیکو پر پیاوړتیا تمرکز شوی دی.

د یادونې ده، چې په کابل کې د ایران سفیر آریانانیوز ته ویلي؛ د روانې اوونۍ د چارشنبې په ناسته کې به د ایران، پاکستان، ازبکستان، تاجکستان، ترکمنستان، روسیې او چین د بهرنیو چارو وزیرانو یوه ګډه ناسته د افغانستان د اقتصادي او امنیتي ستونزو او ټولمنلي حکومت په اړه جوړه شي.

Continue Reading

تازه خبرونه

ایران د اسلامي امارت له مشرانو پرته د افغانستان په اړه سیمه ییزه ناسته جوړوي

خپور شوی

په

توسط

(Last Updated On: لړم ۴, ۱۴۰۰)

ټاکل شوې، چې د روسیې په ګډون د افغانستان د ګاونډ هېوادونو د بهرنیو چارو وزیرانو ناسته سبا چارشنبه د لړم پر پېنځمه په تهران کې جوړه شي؛ خو دې ناستې ته اسلامي امارت بلل شوي ندي او  چارواکو  یې ویلي، چې په دې ناسته کې ګډون نکوي.

د ایران د بهرنیو چارو وزرات ویاند سعید خطیب‌زاده ویلي؛ د افغانستان په اړه د سیمه ییزو هېوادونو دغه ناسته به د ایراني ولسمشر ابراهیم رییسي پر وینا پرانیستل شي.

د ایران ایرنا خبري آژانس د ایران په پلازمېنه تهران کې د افغانستان د ګاونډ هېوادونو د بهرنیو چارو وزیرانو د ناستې په تړاو د نوموړي د څرګندونو له مخې په ډاګه کړې؛ د روسیې په ګډون د افغانستان ۶  ګاونډ هېوادونو د بهرنیو چارو وزیرانو ناسته به په حضوري بڼه جوړه شي.

هغه ویلي؛ په دې ناسته کې به د ازبکستان، تاجکستان، ترکمنستان او پاکستان د بهرنیو چارو وزیران په حضوري بڼه او د چین او روسیې د بهرنیو چارو وزیران به انلاین ونډه ولري.

د نوموړي د څرګندونو له مخې د یوشمېر هېوادونو سفیران به هم په دې ناسته کې ګډون ولري.

خطیب‌زاده زیاته کړې، چې د ملګرو ملتونو سرمنشي به هم سبا دغې ناستې ته خپل پیغام راولېږي.

نوموړي په ډاګه کړې: دا ناسته به سبا ته د افغانانو د ارمانونو پر پوره کولو او د دې هېواد پر راتلونکي راوڅرخي.

افغانان دمګړۍ د خپلو ارادو د پلي کولو لپاره له ګاونډ هېوادونو څخه د بشري مرستو هیله لري.

خطیب زاده وایي؛ اوسمهال مونږ د څلور میلیون افغانانو کوربانه یو. د افغانستان حکومت باید د افغانانو غوښتنو ته پام راواړوي د یوې مسوولې ادارې په توګه ورته خدمات وړاندې او د ټولو قومونو او مذهبونو په ګډون دې ټولمنلی او پایداره دولت جوړړولو ته چارې چارې ولټوي.

دا په داسې حال کې ده، چې په کابل کې د ایران سفیر بهادر امینیان  له آریانا نیوز سره په مرکه کې ویلي، چې د تهران په ناسته کې به د سیمې هېوادونه د امنیتي خوندیتوب، اقتصادي ثبات او یو ټولمنلي حکومت په اړه د مسوولیتونو په اړه خبرې وکړي.

Continue Reading

تازه خبرونه

امریکا له ا.ا.ا سره جګړه وبایلله؛ نو بیا یې خبرو ته مخه کړه ـ خلیلزاد

خپور شوی

په

توسط

(Last Updated On: لړم ۴, ۱۴۰۰)

د افغانستان د سولې لپاره د امریکا پخواني استازي زلمي خلیلزاد ويلي؛ امریکا د جګړې په ډګر کې د طالبانو پر وړاندې جګړه وبایلله؛ خو  د بدیل په توګه یې د سولې خبرې غوره کړې.

خلیلزاد وايي؛ امریکا غوښتل، چې د سولې د خبرو پایله بل ډول وي. نه هغه څه، چې د اګست پر ۱۵رامنځته شول.

خلیلزاد له سي بي اس سره په مرکه کې څرګنده کړې، چې که اشرف غني د ائتلافي حکومت د جوړولو لپاره سیاسي هوکړې ته غاړه ایښې وی؛ منځلاريو طالبانو (اسلامي امارت) به په حکومت کې مهم رول لوباوه.

 د خلیلزاد په وینا، امریکا په خپل ماموریت کې د القاعدې د ځپلو په برخه کې بریالۍ شوې، خو د ډیموکراسۍ او ډیموکراټیکو ارزښتونو په ټینګولو کې پاتې راغلې ده.

د زلمي خلیلزاد د څرګندونو له مخې؛ که یو ټولمنلی حکومت جوړ نشي او بشري حقونو ته درناوی نه وي، د افغانستان د بهرنیو اسعارو زیرمې به کنګل او اقتصاد به له سقوط سره مخ شي.

خلیلزاد زیاتوي؛ دا به د اقتصادي بحران لامل شي او په پای کې به په افغانستان کې نوې کورنۍ جګړه پیل شي.

دغه پخواني امریکايي ډیپلوماټ دا هم ويلي؛ پوښتنه دا ده، چې ( پخوانی) ولسمشر غني ولې وتښتېد؟! که غوښتل یې د سولې لپاره له واکه لرې شي؛ نو تصور وکړئ، چې که هغه دا کار یو کال یا شپږ میاشتې مخکې وړاندیز کړی وی؛ نو دواړو لوریو ته د منلو وړ کس به د حکومت په واک کې و، خو هغه داسې ونکړل.

د هغه په ​​وينا؛ د امريکا شل کلن حضور په افغانستان کې د ټولنيز بدلون لامل شو؛ د اوسني حکومت( د افغانستان اسلامي امارت) ساتل نه یوازې د سیمې او نړۍ پر ګټه دی، بلکې ملي یووالی هم پرې رامنځته کېدی شي.

Continue Reading

Trending

آریانا نیوز: ټول حقونه خوندي دي