Connect with us

تازه خبرونه

افغانانو د شنبې پر ورځ خپلمنځي خبرې پیل کړې

Ariana News

خپور شوی

 په

(Last Updated On: September 12, 2020)

د افغانانو خپلمنځي خبرې نن شنبه  د تلې  پر ۲۲ د قطر په پلازمېنه دوحه کې له څو میاشتني ځنډ وروسته پیل شوې.

د افغانانو د خپلمنځي خبرو پرانسته د قطر د بهرنیو چارو وزارت استازي محمد بن عبدالرحمن ال ثاني وکړه  او ورپسې د ملي پخلاینې عالی شورا مشرعبدالله عبدالله وینا وکړه.

 عبدالله عبدالله وویل، چې د حکومت د خبرو اترو پلاوی دوحې ته د دې لپاره راغلی، چې له طالبانو سره د څلوېښت کلنې جګړې د پای ته رسولو په اړه خبرې وکړي.

هغه وویل: د افغانستان د خلکو د تېرو ۱۹ کلونو د لاسته راوړنو ساتل او پراختیا د داسې نظام په جوړولو کې مرسته کوي، چې په کې د تېرو څلورلسیزو په اوږدو کې د هېواد د خلکو بې سارې هڅې، جهاد او مقاومت ارزښتونه خوندي پاتې شي.

هغه زیاته کړې، چې افغان پلاوی یو قانوني او ثبات لرونکی نظام غواړي.

عبدالله ویلي؛ روانه جګړه ګټونکی نلري؛ خو د خلکو په غوښتنه سیاسي حل بایلونکی نلري.

عبدالله زیاته کړه، چې د طالبانو او امریکا له هوکړې وروسته ۱۲۰۰۰  افغانان وژل شوي او شاوخوا ۱۵۰۰۰ نور ټپیان شوي دي.

هغه له طالبانو سره د ستونزو په اړه څرګنده کړې: مونږ د سولې لپاره له خپلو زندانونو په ډېر شمېر بندیان خوشې کړي او مونږ له طالبانو هم مننه کوو، چې حکومتي بندیان یې خوشې کړي دي.

دغه راز عبدالله عبدالله له طالبانو سره د بشري اوربند غوښتنه کړې او څرګندوي؛ مونږ تاوتریخوالی بند کړی او له اوربند سره هوکړه کوو.مونږ بشردوستانه اوربند غواړو.

هغه په پای کې ویلي؛ زه باور لرم، چې که مونږ یو او بل ته د ورورۍ، رښتینولۍ او له درناوي ډک لاسو ورکړو؛ نو دغه رامنځته شوې شېبه به د ټول هېواد د ثبات او تلپاتې سولې لامل شي.

دغه راز ملا عبدالغني برادر ویلي، چې دوی به په ښه نیت خبرې پیل کړو؛ خو ټینګار یې کړی، چې باید په افغانستان کې یو اسلامي نظام رامنځته شي.

دا په داسې حال کې ده، چې د نورو هېوادونو استازیو او د امریکا بهرنیو چارو وزیر مایک پمپیو د نن ورځې پرانستونکې ناسته ستایلې  او له دواړو خواوو یې غوښتي، چې د سولې راوستو له دغه رامنځته شوي فرصته ګټه پورته کړي.

تازه خبرونه

Unemployment spikes in Kandahar as conflict intensifies

Ariana News

خپور شوی

په

توسط

(Last Updated On: February 27, 2021)

Kandahar officials said on Saturday that the local unemployment rate is estimated to be at 80 percent due to the ongoing conflict that has raged for the past four months between the Taliban and the Afghan security forces in the province.

“Job opportunities decreased during war without any doubt. If we say that 80 percent of youths are jobless it is correct,” said Habibullah Jailani, head of Kandahar labor and social affairs department.

According to Jailani, they have been forced to appeal to international organizations for help for destitute people.

“We want to distribute humanitarian assistance to them including foodstuff… and to keep them warm,” added Jailani.

Officials, meanwhile, stated that more than 20,000 families have been displaced in the province due to the war.

Residents said that they are suffering enormously, not only because of no work but also because they are being forced to seek shelter in the city.

“War has increased in recent days; we have come here (to Kandahar city) from Dand district,” said Raza Khan, a displaced resident.

“We have come here due to the war, the war has intensified, work opportunities are also less,” said Mohammad Daud, another displaced person.

Kandahar officials have not however provided updated information about the current security situation in the southern province.

Kandahar was where the Taliban originated and where its power base was located until the fall of the city in 2001, which signaled the end of organized Taliban control of Afghanistan.

Continue Reading

تازه خبرونه

نړیوالې ټولنې د افغانستان خلک له سولې بې برخې کړي – اشرف غني

Ariana News

خپور شوی

په

توسط

(Last Updated On: February 27, 2021)

ولسمشر اشرف غني د سرتېري ملي ورځ په نمانځغونډه کې د سرتېرو د ستاینې تر څنګ ویلي، چې د افغانستان خلک سوله غواړي؛ خو څلوېښت کاله کیږي، چې نړیوالې ټولنې د افغانستان خلک ترې بې برخې کړي دي.

ولسمشر اشرف غني  وایي: ۴۰ کاله کیږي، چې نړیوالې ټولنې یو ستر ملت؛ له ژوندیو خلکو، روښانه تاریخ او تمدن سره د سولې له بنسټیز حقه بې برخې ساتلی دی. دا د منلو نده؛ مونږ له درناوي ډکه داسې سوله غواړو، چې د خلکو او امنیتي ځواکونو د ارادې له مخې رامنځته شي. دا سوله راروانه ده. ولې په دې خاوره کې وینې بهیږي؟ آیا زمونږ وینه سره نده؟!            

ولسمشر غني زیاتوي، چې د افغان امنیتي او دفاعي ځواکونو تجهیز یې د کار لومړیتوب دی او په خبره یې له امنیتي ځواکونو پرته به دولت شتون ونلري.

د ولسمشر په خبره طالبان د اسلام په نوم د واک غوښتنه کوي.

هغه زیاتوي: د افغانستان خلکو دولت او ولسمشر غوره کړی او راتلونکی ولسمشر هم د افغانستان خلک ټاکي، چې بیا د خلکو پر اراده بدلیږي او د وخت پر پای یې هم خلک پوهیږي. 

دغه راز د ملي دفاع وزارت چارسمبالي( سرپرست) ویلي، چې افغان ځواکونه له ستونزو څخه ډک کال تېروي.

د ملي دفاع وزارت چارسمبالي شاه محمود میاخېل وایي، چې روان کال د طالبانو د بندیانو د آزادولو او افغان ځواکونو ته د مسوولیتونو د سپارلو پر دلیل امنیتي ځواکونو ته ستونزمن کال و.

هغه وایي: آوازې دي، چې خلک وایي؛ پسرلی به څنګه شي. مونږ ستونزې زغملي، ډېر پسرلي راغلي او تېر شوي دي؛ خلک او امنیتي ځواکونه مو له بحرانه وتلي دي. مونږ ولسمشر او خلکو ته ډاډ ورکوو، چې اندېښنه دې نکوي.   

د یوه وژل شوي امنیتي مامور مور حمیده، چې زوی یې د خپل بدن غړي له وسلوالو مخالفانو سره په جګړه کې له لاسه ورکړي  وایي، چې زه خپله د هېواد لپاره سرښندنې ته چمتو یم. که فزیکي ځواک مې درلود له هېواده به مې خان خار کړی و.

د ملي اردو افسر  شاه زمان وایي: په هېواد ژغورنه کې مې پښه له لاسه ورکړې او په لاسونو کې مې هم سیخونه تېر شوي دي؛ خو زه مایوسه نه یم، بلکې ویاړم . که ۵۰ سلنه ځواک ولرم، بیا به هم سنګر ته ورودانګم.       

ولسمشر غني ژمنه کوي، چې په ۱۴۰۰ لمریز هجري کال کې به د وژل شویو سرتېرو کورنیو ته د استوګنې د زرګونه کورونو د جوړولو بهیر پیل شي.

Continue Reading

تازه خبرونه

مارشال دوستم له ۲۰ میاشتني ځنډ وروسته کابل ته راستون شو

Ariana News

خپور شوی

په

توسط

(Last Updated On: February 27, 2021)

د افغانستان د ولسمشر پخوانی مرستیال مارشال عبدالرشید دوستم نن شنبه( د کب ۹ ) له څه نا څه ۲۰ میاشتو وروسته بیا کابل ته راستون شو.

د حامد کرزي په نړیوال هوایي ډګر کې له نوموړي د ملي پخلاینې عالي شورا مشر عبدالله عبدالله، د ولسمشر امنیتي او سیاسي سلاکار محمد محقق او نورو ښاغلیو تود هرکلی وکړ.

کابل ته له رارسیدو سره سم نوموړي په یوه ګډه خبري ناسته کې یو ځل بیا د نظام پر ملاتړ ټینګار وکړ او طالبانو ته یې خبرداری ورکړ، چې که د سولې خبرې بې پایلې پاتې شي؛ دا ډله به له منځه یوسي.

د افغانستان د ملي جنبش ګوند مشر مارشال عبدالرشید دوستم وسلوالو طالبانو ته په نغوته کې ویلي؛ که پر پوستو بریدونه کوئ، که پر قول اردو ګانو او که دوستم وژنئ د مورشیدې مو شه؛ خو له ګناه خلکو سره څه کار لرئ، دا یو ناځوانه کار دی او هیڅ مسلمان هم دا کار نکوي. که ما وهئ ووهئ او که ولسمشر او امنیت شورا اجازه راکړي؛ زه مو وهم.             

دغه راز دوستم د سولې په بهیر کې د سیاسي اجماع پر اړتیا ټینګار وکړڅرګندوي، چې: زه د بېلابېلو دریځونو او مختلفو هېوادونو ته د سفرونو مخالف يم؛ ځکه مونږ له تېرو بدې تجربې لرو. مونږ سوله غواړو؛ خو مونږ د یوه دولت په توګه باید له لاسه وتلې ولسوالۍ، کلي اونانډې بېرته ونیسو؛ مونږ کومه وسلواله ډله نه یو. پاملرنه په کار ده او که نه جغرافیه به له لاسه ورکړو.

مارشال عبدالرشید دوستم زیاته کړې: مونږ په یوه حساس تاریخي موقعیت کې یو او سیتسي اجماع مو اړینه ده. ولسمشر باید سیاسیون راټول او دا موخه تر لاسه کړي؛ ډېره لږ بې پروایي به مو تاریخ ته ملامته کړي.

مارشال دوستم وایي: د هېواد امنیتي او دفاعي ځواکونو ته د سرتېري د ملي ورځ  مو مبارکه وړاندې کړه او وایي؛ زړورو سرتېرو خپل مورال او روحیه لوړه وساتئ. تاسې دښمن مات کړی. یوه ورځ زه هم تاسې ته ورته یو سرتېری وم او اوس دا دی مارشال یم.

که څه هم د دوحې له بیا پیل شویو خبرو د ګوتو پر شمېر ورځې تېریږي؛ د ملي پخلاینې عالي شورا مشر عبدالله عبدالله د دغې ناستې ګډونوالو ته وویل، چې په دې وروستیو ورځو کې اړیکې ډېرې شوي، د خبرو بل پړاو هم روان دی؛ خو خپلو غوښتنو ته رسېدلي نه یو، ځکه تاوتریخوالي او چاودنو ډېروالی پیدا کړی دی.    

د ولسمشر ستر سیاسي او امنیتي سلاسلاکار او د وحدت اسلامي ګوند مشر محمد محقق هم روانې خبرې پیچلې بولي او څرګندوي: د دوحې خبرو د وضعیت د پېچلي کیدو پر لامل سمه پایله نده ورکړې، د امریکا نوې ادارې هم د هوکړې په اړه د بیاکتنې خبرې کوي، چې دا هر څه بې اغېزې ندي.

مارشال دوستم په وروستیو ولسمشریزو ټاکنو کې د عبدالله عبدالله ملاتړی و او له ولسمشر سره د سیاسي هوکړې له مخې نوموړي ته د مارشالي رتبه هم ورکړشوه. د دغې سیاسي هوکړې له مخې، مارشال دوستم باید د امنیت شورا د ناستو غړیتوب ولري او ورته د ولسمشر د مرستیال په څېر دفتر ورکړشي.

Continue Reading

Trending

آریانا نیوز: ټول حقونه خوندي دي