Connect with us

تازه خبرونه

اشرف غني یو ټګ او قاتل سړی دی ـ ډونالډ ترمپ

خپور شوی

 په

(Last Updated On: زمری ۲۸, ۱۴۰۰)

د امریکا پخواني ولسمشر ډونالد ټرمپ له سکای نیوز سره په خبرو کې اشرف غني ته د ټګ او قاتل سړي خطاب کړی دی.

د هغه نړیوال ملګري هم هغو راپورونو هک پک او حیران کړل، چې ویل کیږي ده له افغانستان ډېرې پيسې هم له ځانه سره وړي دي.

ده ویلي چې له اوله یې غني نه خوښیده او باور یې نه پرې کاوه.

د امریکا پخواني ولسمشر ډونالډ ټرمپ، چې یو وخت د بګرام هوايي اډې ته راغلی و او اشرف غني یې همغې اډې ته ورغوښتی و؛ وايي، چې اشرف غني ټګ او قاتل سړی دی.

دونالد ترمپ  وایي: ما غوښتل، چې طالبان له افغان دولت سره هوکړې ته ورسي. ما پر غني هیڅ باور نه کاوه. دا مې په ډاګه ویلي، چې غني یو ټګ دی. غنی به ډېر وخت زمونږ له سناتورانو سره پر ډوډۍ خوړلو تېراوه.

پر اشرف غني اوس هغه کسان هم تندې نیوکې کوي او پر ملي خیانت یې تورنوي، چې په حکومت کې یې ورسره ګډه دنده هم تر سره کوله.

د دفاع پخوانی وزیر بسم الله محمدي، چې له اشرف غني سره د هغه له تېښتې یوه ورځ مخکې د کابل بالا حصار ته تللی و؛ پر هغه د ملي خیانت تور لګوي او وايي، چې اشرف غني په ظاهر کې ځان د ملي ځواکونو مدافع معرفي کاوه، خو په پای کې وتښتیده.  

حمدالله محب او فضل محمد فضلي هم له اشرف غني سره یو ځای تښتیدلي دي.

یو شمېر افغانان دوی ته د ملي خاینانو خطاب کوي او وايي، چې هغه باید د ځواب ویلو لپاره افغانستان ته راستون کړای شي.

د کابل اوسیدونکيو ویلي، اشرف غني له دې هېواد سره جفا کړې اوباید محاکمه شي.

تازه خبرونه

د کونړ د شیګل ولسوالۍ امنیه قومندان په ماین چاودنه کې ووژل شو

خپور شوی

په

توسط

(Last Updated On: تله ۲۲, ۱۴۰۰)

چارواکو ویلي؛ نن پنجشنبه د تلې ۲۲ له غرمې مخکې د افغانستان اسلامي امارت د کونړ ولایت په مرکز اسعدآباد کې د شیګل ولسوالۍ د امنیه قومندانۍ  پر رینجر موټر د سړک غاړې ماین چاودنه کړې ده.

ځایی چارواکو ویلي؛ په پېښه کې، چې له غرمې مخکې ۱۱ بجې شوې رامنځته شوې؛ موخه یې د اسلامي امارت د کونړ ولایت د شیکل ولسوالۍ امنیه قومندان و.

امنیتي سرچینو ویلي، چې د شیګل امنیه قومندان په چاودنه کې وژل شوی او ۱۱ کسان نور ټپیان دي.

د کونړ ولایتي روغتون ډاکټرانو هم پېښه تائید کړې او زیاتوي، چې په ټپیانو کې  څلور د اسلامي امارت ځواکونه دي، چې مرکزي روغتون ته رالېږدول شوي.

تر اوسه کومې ډلې د دې برید مسوولیت پر غاړه ندی اخیستی؛ خو داعش په هېواد کې د وروستیو چاودنو تر شا خپل لاس لرل منلي دي.

Continue Reading

تازه خبرونه

جاپان له افغانستان سره ۱۹۰ میلیون ډالر مرسته کوي

خپور شوی

په

توسط

(Last Updated On: تله ۲۲, ۱۴۰۰)

جاپان له افغانستان سره په جي ۲۰ سرمشریزه کې په ډاګه کړې، چې د نړیوالې ټولنې له لارې به له افغانستان سره ۹۰ میلیون ډالر بشري مرسته وکړي.

جاپاني رسنیو څرګنده کړې؛ د جاپان لومړي وزیر کیشیډا فومیو د جي ۲۰ هېوادونو په ځانګړې سرمشریزه کې ویلي، چې توکیو به د نړیوالو ټولنو له لارې له افغانستان سره ۱۹۰ میلیون ډالر بشري مرستې ولیږي.

کیشیډا د کندوز د اړوند سیمې په یوه جومات د تیرې اوونۍ برید هم وغانده او ژمنه یې وکړه، چې له ترهګرۍ سره د مبارزې له اړوند اړخونو سره به خپلې هڅې چټکې کړي.

هغه ویلي په افغانستان کې د ټولو افغانانو د حقونو ساتنه مهمه ده او ښځې باید د کار او زدکړې حق ولري.

له دې مخکې د اروپایي کمیسیون مشر اورزولا فن ډرلاین د افغانستان او ګاونډ هېوادونو لپاره، چې افغان پناه غوښتونکي مني؛ د یو میلیارډ ډالرو اعلان کړی دی.

دا په داسې حال کې ده، چې د جرمني لومړۍ وزیرې انګېلا میرکل یو ځل بیا د خپل هېواد ۶۰۰ میلیون یورویي مرسته اعلان کړې ده.

Continue Reading

تازه خبرونه

د بهرنیو چارو وزارت لوړ پوړي پلاوی ترکیې ته روان شو

خپور شوی

په

توسط

(Last Updated On: تله ۲۲, ۱۴۰۰)

د افغانستان اسلامي امارت د بهرنیو چارو وزارت ویاند عبدالقهار بلخي ویلي؛ د دې وزارت یو لوړ پوړی پلاوی د ترکیې هېواد د بهرنیو چارو د وزیر مولود چاووش اوغلو په بلنه انقرې ته روان شو.

یاد پلاوی به د ترکیې له لوړ پوړیو چارواکو سره پر دوه اړخیزو همکاریو، سوداګریزو اړیکو، بشري مرستو، کډوالو چارو، هوایي ټرانسپورټ او یو لړ نورو اړوند موضوعاتو خبري وکړي.

یادې سرچینې ویلي؛ له مولوي امیرخان متقي سره په دې سفر کې ملا خیرالله خیرخوا، ملا عبدالحق وثیق، مولوی نورجلال جلالي، شیخ شهاب الدین دلاور، محمد سهیل شاهین، حاجی محمد ابراهیم او عبدالقهار بلخي مل دي.

له دې مخکې د مولوي متقي په مشرۍ يو لوړپوړي پلاوي په دوحه کې د امريکا، چين او ځينو نورو غربي هېوادونو له استازیو سره پر سياسي، اقتصادي او ځينو نورو مهمو موضوعاتو خبرې کړې دي.

پر افغانستان د اسلامي امارت له واکمنۍ وروسته دا لومړی رسمي سفر دی، چې د بهرنيو چارو وزير يې يو بهرني هېواد ته پیلوي.

دغه راز قزاقستان تېره ورځ د افغانستان په اړه د یوی ناستی کوربه و، چې په کې د منځنۍ آسیا د هېوادونو د بهرنیو چارو وزیرانو تر څنګ د هند او روسیې د بهرنیو چارو وزیرانو هم حضور درلود.

د روسیی د بهرنیو چارو وزیر په دې ناسته کې څرګنده کړې، چی د مسکو له ناستی وروسته یوه بله نړیواله ناسته د ملګرو ملتونو تر څارنې لاندی د افغانستان په اړه جوړیږي.

د ترکیې د بهرنیو چارو وزیر مولود چاوش اوغلو په انقره کې له خپل اندونیزیايي سیال رټنو مارسوډي سره یوې ګډې خبري غونډې ته ویلي؛ مونږ د افغانستان وضعیت له نږدې څارو او په پام کې لرو، چې په راتلونکي کې د ځینو بهرنیو چارو وزیرانو سره کابل ته سفر وکړو.

دا په داسې حال کې ده، چې ایران هم په افغانستان کې له ستر سیاسی بدلون وروسته د دې هېواد په اړه د ګاونډ هېوادونو د بهرنیو چارو وزیرانو انلاین ناستی کوربتوب وکړي.

Continue Reading

Trending

آریانا نیوز: ټول حقونه خوندي دي