Connect with us

تازه خبرونه

اسلام آباد په افغانستان کې د لنډ مهالي حکومت جوړیدل د روان کړکیچ حل لار ګڼي

Ariana News

خپور شوی

 په

(Last Updated On: March 26, 2019)

د پاکستان لومړي وزیر ویلي، چې د افغانستان د ستونزې حل د لنډمهالي حکومت په جوړیدو کې دی او افغان حکومت د سولې د روانو خبرو د ګډوډولو هڅه کوي.

پاکستان د افغان حکومت له لوري له کلونو راپدیخوا د افغانستان په کورنیو چارو کې پر لاسوهنه تورن شوی؛ خو د دغه حکومت لومړي وزیر عمران خان یو ځل بیا داسې څرکندونې کړي، چې د افغان چارواکو غبرګون یې بیا را پارولی دی.

د اجرائيه ریاست ویاند مجیب رحمان رحیمي وایي؛ د افغانستان کورنۍ مسلې له مونږ سره تړاو لري او هیڅ هېواد حق نلري، چې د افغانستان په کورنیو چارو کې لاسوهنه وکړي؛ ځکه د سولې په خبرو کې ستر خنډ پخپله طالبان دي.   

په کور د ننه هغه سیاستوال، چې د غبرګولي له لومړۍ نېټې  وروسته د لنډمهالي حکومت له جوړښت سره همغږي دي او یا غواړي، چې حکومت د یو سرپرست لخوا اداره شي؛ هم د عمران خان څرګندونې بیځایه ګني.

د افغانستان د اسلامي نهضت ګوند ريیس سید اسحاق ګیلاني وایي، چې د افغانستان اکثریت د لنډمهاله حکومت غوښتونکي دي. د دې لپاره، چې د غبرګولي پر لومړۍ د ښاغلي غني واک پای ته رسیږي؛ ځکه، نو له دغې نېټې وروسته څوک زمونږ د لارښوونې اجازه نلري.  

دغه راز د ولسمشر غني د ټاکنیزې ډلې لومړي مرستیال امرالله صالح او د ولسمشریزو ټاکنو نوماند رحمت الله نبیل هم په بېلابېلو تویتونو کې د عمران خان څرګندونو ته تند غبرګون ښودلی او غندلی یې دی.

امرالله صالح بیا یو څو ګامه وړاندې تللی او په مزارشریف کې د لنډ مهالي حکومت په اړه د حنیف اتمر او د عمران خان څرګندونو ته د شک په سترګه ګوري.

د حنیف اتمر په مشرۍ د سولې او اعتدال ټاکنیزې ډلې د یوې اعلاميې په خپرولو څرګنده کړې، چې عمران خان لدې څرګندونو سره ټول ديپلوماتیک نورمونه تر پښو لاندې کړي دي.

پخواني ولسمشر حامد کرزي هم له پاکستان غوښتي، چې د افغانستان په کورنیو چارو کې لاسوهنه ونکړي.

د پوهنتون استاد نصر الله ستانکزی وایي، چې دغه څرګندونې د یو هېواد په کورنیو چارو کې ښکاره او بشپړه لاسونه ګڼل کیږي؛ ځکه، چې امریکا هغه د لوی لاس لرونکی کړی دی.   

سیاسي کارپوه خان اقا رضايي وایي، چې پاکستان د سولې لپاره د ډاډ وړ کړنې تر سره کولی شي؛ خو اجازه نه ورکوو، چې د افغانستان په کورنیو چارو کې لاسوهنه وکړي او په دې اړه پرېکړې وکړي. دا د افغانستان خلک دي، چې د خپل برخلیک په اړه پرېکړه وکړي.   

لدې مخکې هم د پاکستان لومړي وزیر عمران خان په قبایلي سیمو کې د باجوړ خلکو ته د خبرو پر مهال ویلي وه، چې په افغانستان کې نوی حکومت د جوړیدو په حال کې دی. د افغانستان د بهرنیو چارو وزارت هغه وخت په کابل کې د اسلام اباد مستشار احضار کړی و.

خبریال:علي اصغري

 

تازه خبرونه

د دوحې خبرې حساسې دي؛ خو د سولې لپاره غوره چانس دی – ناتو

Ariana News

خپور شوی

په

توسط

(Last Updated On: October 23, 2020)

د ناتو سرمنشي ينس ستولتنبرګ د دغې ټولنې د دفاع وزیرانو د دوه یمې ناستې وروسته په ډاګه کړې، چې د دوحې خبرې حساسې دي؛ خو د سولې لپاره تر ټولو ښه چانس دی.

ینس ستولتنبرګ د جمعې پر ورځ په بروکسل کې د ناتو د دفاع وزیرانو د غونډې له دویمې  ورځې وروسته په خپل یوه تویت کې څرګنده کړې: د ترهګرۍ پروړاندې زموږ مبارزه د نن ورځې د دفاع وزیرانو په غونډه کې د اجندا سرلیک وه.

هغه ویلي؛ ناتو په افغانستان کې د سولې له بهیر ملاتړ کوي

د ناتو سرمنشي غونډې ته د وینا پرمهال یادونه کړې، چې دغه سازمان د امریکا او طالبانو او د افغانستان د سولې له خبرو اترو ملاتړ کوي.

هغه یو ځل بیا یادونه کړی، چې د دوحې پیل شوې خبرې د سولې لپاره يو تاريخي فرصت دی.

نوموړي ټینګار کړی، چې ناتو د سولې د بهیر د یوې برخې په توګه په افغانستان کې خپل نظامي شتون تنظیم کړی او شتون مو له شرایطو سره تړاو لري.

ستولتنبرګ په افغانستان کې د ناتو ځواکونو راتلونکی له سولې سره نښلوي او وایي، چې طالبان باید اوربند ته د رسیدو په خاطر د تاوتریخوالي د نه منلو وړ کچه راټیټ کړي. دوی باید له القاعدې او نورو تروریستي سازمانونو سره ټولې اړیکې پرې کړي، چې افغانستان بیا هیڅکله زمونږ هېوادونو ته ګواښ نشي.

نوموړي څرګنده کړې؛ دا ډېره مهمه ده، چې په تېرو دوه لسیزو کې په پوره قربانیو تر لاسه شوې لاسته راوړنې او د ښځو حقونه خوندي وساتو.

له اوږدې مودې وروسته د افغانانو د سولې خپلمنځي خبرې، چې موخه یې په افغانستان کې د روانې شخړې لپاره د سیاسي جوړجاړي لټول دي؛ شپږ اوونۍ دمخه پیل شوي؛ خو د حکومتي او طالبانو د اړیکو جرګه ګیو ترمنځ له څو پرلپسې غونډو او روانو خبرو اترو وروسته اوس هم کوم پرمختګ ندی راغلی.

Continue Reading

تازه خبرونه

مونږ قانوني آزادي او خپلواکي نه غلي کوو – امرالله صالح

Ariana News

خپور شوی

په

توسط

(Last Updated On: October 23, 2020)

د ولسمشر اشرف غني لومړي مرستیال د بشري حقونو د څار ډلې د څرګندونو په غبرګون کې په ډاګه کړې؛ مونږ د هغه چا د نیولو امر کړی، چې د تخار ولایت پر یوه جومات یې د افغان ځواکونو په بمبارد کې د ملکي وګړیو د وژلو خبر خپور کړی.

د بشر حقونو د څار بنسټ ویلي؛ د ولسمشر لومړي مرستیال امرالله صالح د هغه کس د نیولو سپارښتنه کړې، چې تېره ورځ یې د تخار ولایت پر یوه حومات د افغان ځواکونو په بمبارد کې د ملکي وګړیو د مرګ و ژوبلې راپور ورکړی دی.  

د چار شنبې پر ورځ افغان هوایي ځواک د تخار ولایت د هزاره قرلق په لوی جومات کې د طالبانو یوه ناسته بمبارد کړې؛ خو په تېروتنه په کې ۱۲ ماشومان وژل شوي او ۱۸ نور ټپیان شول.

د ولسمشر لومړي مرستیال امرالله صالح له دغې پېښې څو ګړۍ وروسته دا تورونه رد کړل او هغه خبرونه یې بې بنسته وګڼل، چې ګواکې د تخار په جومات کې ماشومانو ته مړګ و ژوبله اوښتې ده.

نوموړي زیاته کړې: هغو طالبانو، چې د چارشنبې پر ورځ زمونږ ځواکونه وژلي وه، د جومات په برید کې په نښه شوي دي.

هغه دا هم ویلي: هغه چا، چې دا زهرجن او جعلي خبر خپور کړی؛ ونیول شو. طالبان کورونه او جوماتونه د ډال په توګه کاروي.

د ولسمشر غني لومړي مرستیال امرالله صالح دا ګواښ هم کړی، چې: له دروغو سرلیکونه جوړ او خپاره کړي؛ ورسره به قانوني چلند تر سره شي.

د بشري حقونو د څار بنسټ مرستیالې پاتریشیا ګاسمن ویلي: د ولسمشر مرستیال امرالله صالح هڅه کوي هغه کسان غلي کړي، چې د تر سره شوي بالقوه غیرقانوني برید خبرونه یې خپاره کړي، چې په کې ګڼشمېر ملکي وګړي د ماشومانو په ګډون وژل شوي او ټپیان دي.

ګاسمن څرګنده کړې: حکومت باید سمدلاسه د صالح په امر نیول شوی کس خوشې کړي او د هوایی برید په اړه بشپړه او بې پرې څېړنه وکړي.

د دغې څرګندونې په اړه امرالله صالح داسې غبرګون ښودلی دی: حکومت د هیچا اساسي حقوق نه محدودوي. مونږ د وژلو د آزادۍ، د سړي تښتونې د آزادۍ، د ځورونې د آزادۍ، د جنسي تېري د آزادې، د غلا د آزادۍ، د ډله ییزې وژنې د آزادۍ، د ځمکو د غصب د آزادۍ او د بشري حقونو د مدافعینو د بندي کولو د آزادۍ پر ضد ولاړ یو.

طالبانو هم پر جومات د هوایي برید په اړه، چې ماشومان او ملکي وګړي په کې وژل شوي؛ د امرالله صالح د دغه راز غچ اخیستنې غندنه کړې ده.

دا په داسې حال کې ده، چې د بشري حقونو څار بنسټ ویلي: که څه هم حکومت اعلان کړی، چې د پېښې په اړه څېړنه کوي؛ خو تراوسه یې خپلې موندنې خلکو ته ندي ښودلي.  

Continue Reading

تازه خبرونه

طالبانو په نیمروز کې ۲۸ سرتېرو ته مرګ و ژوبله اړولې او څو نور ژوندي نیول شوي

Ariana News

خپور شوی

په

توسط

Photo: Social Media
(Last Updated On: October 23, 2020)

د نیمروز ولایت په دلارام ولسوالۍ کې وسلوالو طالبانو پر امنیتي پوستو برید کړی؛ ۲۴ سرتېري وژل شوي، څلور نور ټپیان دي او څو نور ژوندي نیول شوي دي.

د دلارام ولسوال شهناز غدري آریانا نیوز ته ویلي: پېښه تېره شپه د ولسوالۍ په دهمزنګ سیمه کې رامنځته شوې او طالبانو څو نور سرتېري ژوندي نیولي او یو شمېر مړي یې هم له ځان سره وړي دي.

نوموړي زیاته کړې، چې طالبانو ټول تجهیزات له قرارګاه څخه وړي او د ملي اردو لږ تر لږه  شپږ سرتېري یې ژوندي نیولي دي.

که څه هم  دفاع وزارت په دې اړه څه ندي ویلي؛ خو دا تائیدوي، چې دا مهال د هېواد په ۲۶ ولایتونو کې د وسل والو طالبانو او امنیتي ځواکونو تر منځ سختې جګړې روانې دي.

دغه راز د بدخشان په راغستان ولسوالۍ کې یو شمېر افغان سرتېري د طالبانو لخوا محاصره شوي دي. عسکرو رسنیو ته په یوه پیغام کې ویلي، چې دوی د خوراکي توکو او تجهیزاتو له کمي سره مخ دي.

په دې اړه یو شمېر پوځي کارپوهانو ويلي، چې د تجهیزاتو او مرستندویه ځواکونو کمی د پوځي تلفاتو د زیاتوالي لامل دی.

له جګړې اغېزمن هېوادوال له ښکېلو خواوو غوښتي، چې تاوتریخوالی پای ته ورسوي او اوربند ته زمینه برابره کړي.

Continue Reading
Advertisement

Trending