Connect with us

تازه خبرونه

اسلامي امارت له لوی امتحان سره مخ دی – ملا هبة الله اخوندزاده

خپور شوی

 په

(Last Updated On: لړم ۱۰, ۱۴۰۰)

په کندهار کې سیمه ییزو چارواکو منلې، چې د افغانستان اسلامي امارت د عالی شورا مشر ملا هبة الله اخوندزاده د لومړي ځل لپاره د کندهار د یوې مدرسې غونډه کې ګډون او خبرې وکړې.

په کندهار کې سرچينې وايي، د مراسمو پر مهال سخت امنيتي تدابير نيول شوي وه، چې تر دې دمه یې وینا هم انځوریزه شوې نده.

د افغانستان اسلامي امارت د عالی شورا مشر ملا هبة الله اخوندزاده د واک له بیا خپلولو وروسته د لومړي ځل لپاره په کندهار کې راڅرګند شو او په یوه مدرسه کې یې لنډه وینا وکړه.

د طالبانو د مشر د شتون انځور او ویډیو تر اوسه نده خپره شوې، په لس دقیقه یي آډیو ټیپ کې یې د اسلامي امارت او د اسلامي شریعت د پلي کېدو لپاره یې دعاوې کړې دي.

د عالی شورا مشر په خپلو خبرو کې څرګنده کړې، چې اسلامي امارت له لوی امتحان سره مخ دی.

ملا هبة الله اخوندزاده زیاته کړې؛ الله پاک دې د افغانستان مظلومو خلکو ته اجر ورکړي، چې شل کاله له کفارو او ظالمانو سره وجنګېدل. زما قصد دغلته تاسې ته دعا ده او تاسې ماته دعا وکړئ. راځئ دعا وکړو، چې له دې سترې آزموینې په بریالیتوب را ووځو.

د اسلامي امارت دوه یم مرستیال ويلي، چې ملا هبة الله په هېواد کې دننه دی او د هېواد د بېلابېلو برخو له استازیو سره ناستې لري.

نوموړی زاتوي: امیرالمؤمنین شیخ ملا هبة الله حفظه الله د اسلامي امارت مشر دی؛ هغه حق لري، چې په هره غونډه کې ګډون وکړي او د افغانانو دردونه واوري او پیغام یې هم دا دی، چې د افغانستان خلک په سوله کې ژوند وکړي.

په وروستیو میاشتو کې داسې راپورونه ورکړ شول، چې ګواکې د اسلامي امارت مشر ژوندی ندی؛ خو د چارواکو لخوا دا راز راپورونه په وار وار رد شوی دی.  

د اسلامي امارت د عالی شورا مشر ملا هبة الله اخوندزاده په ۲۰۱۶ زېږدیز کال کې د ملا اختر محمد منصور له وژل کېدو وروسته د وفادار قومندان په ټوګه غوره شوی دی.

ـــــــــ

کمپاین- مرستې ته سترګې پر لاره!

د خپلو نغدي مرستو لپاره لاندې اوبپاڼې ته سر ښکاره کړئ.

www.helpafg.org

آریانا نیوز او آریانا نړیوالې ټلویزیوني شبکې؛ د بیات بنیاد له دې نوښته، چې په افغانستان کې اړمنو کورنیو ته د خوراکي توکو د برابرولو لپاره بسپنې راټولوي، هر اړخیز ملاتړ کوي.

مونږ د بیات بنیاد د رسمي رسنیز همکار په توګه له تاسې د مرستې غوښتنه کوو، چې دا بنسټ وکولی شي په دې سخت وخت کې د افغان اړمنو کورنیو ته خواړه چمتو کړي.

که له کومې ستونزې سره مخ شوئ پر لاندې برښنا لیک سره اړیکې ونیسئ:

info@bayatfoundation.org

تازه خبرونه

اسلامي امارت دې د لرغونو آثارو ساتنه او رغونه وکړي – خلک

خپور شوی

په

توسط

(Last Updated On: ليندۍ ۱۵, ۱۴۰۰)

د بامیان ولایت یو شمېر اوسیدونکیو ويلي؛ اسلامي امارت دې د لرغونو آثارو ساتنې او بيارغونې ته، چې د ویجاړېدو له ګواښ سره مخ دي؛ پام راواړوي، چې کورنیو او بهرنیو سیلانیانو ته د رتګ زمینه برابره او د دولت اقتصادي عوايد ډېر شي.

بامیان د هېواد یو له هغو تاریخي ولایتونو څخه دی، چې د بودا سترې مجسمې په کې دي. که څه هم دغه لرغوني آثار د څو کلونو جګړو پر مهال زيانمن شوي؛ خو بيا هم دغه لرغونې سیمه د سيلانيانو په زړونو کې ځای لري او کورني او بهرني سيلانيان ترې ليدنه کوي.

د هېواد يو شمېر اوسېدونکي د باميانو د بودا رغول او په هېواد کې د تاريخي ابداتو ساتل مهم بولي؛ خو وايي، چې په تېرو شل کلونو کې دې مسئلې ته جدي پاملرنه نده شوې.

سیمه ییز سیلاني امان الله محمودزی وایي: مونږ د باميانو د هغې سيمې ليدو ته راغلي یوو، چې تاريخي آثارو په کې موقعيت لري. د طالبانو له واکمنۍ وروسته په هېواد کې امنيت ډېر ښه شوی؛ خلک د پخوا پر پرتله په آسانۍ له يوه ځايه بل ځاى ته تګ راتګ کولى شي.

سیمه ییز سیاح او سیلاني حسین الله ویلي؛ دا یوه تاریخي سیمه ده، چې د لیدلو وړ او زړه راکښونکې ده. که دا بیا ورغول شي؛ نو ډېر سیلانیان به راشي او د سیمې خلکو ته به ورسره کاري زمینه برابره او د اسلامي امارت اقتصادي عواید هم ډېر شي.

عبدالقادر حکیمي نومي سیلاني ویلي: که مونږ اقتصادي پرمختګ ته پام وکړو؛ باید دا ډول تاریخي ځایونه ورغوو او نه یوازې ساتنه یې وکړو، بلکې سیاحت ته هم وده ورکړو. سیلانیان د هغه سیمې په اقتصاد کې مرسته کوي، چې دوی ورځي. که دا مجسمې بیارغول شي، نو د ټولې نړۍ څخه به یې لیدنې ته سیلانیان راشي.

اسلامي امارت په کابل کې له بیا واکمنېدو سره سم د هېواد د لرغونو سیمو د ساتنې او رغونې ډاډ ورکړی دی.

له دې مخکې د غور ولایت فرهنګیانو د جام منار، چې د یونسکو د نړیوالو میراثونو په نوملړ کې هم شامل دی، د ویجاړېدو له ګواښ څخه خبرداری ورکړی و.

دغه 65 مټره لوړ منار د ۱۱۹۰ زېږدیز مال په شاوخوا کې په بشپړه توګه له پخو خښتو څخه جوړ شوی او پر رڼو خښتو، ګچ و خاورې سینګار او ښکلی شوی دی.

له ۲۰۰۲ زېږدیز کال راپدیخوا دغه منار د نړۍ د میراثونو په نوملړ کې د ویجاړېدو له ګواښ سره مخ دی او له تېرو اووه کلونو راپدیخوا کارپوهانو خبرداری ورکړی، چې د سقوط له خطر سره مخ دی.

په کابل کې د افغانستان اسلامي له بیا واکمنېدو وروسته، د یونیسکو عمومي مشر آډري ازولي یوه بیانیه خپره کړه، چې د افغانستان د فرهنګي میراثونو د تنوع په ساتلو کې، د نړیوالو قوانینو پر بشپړ درناوي او د ټولو اړینو تدابیرو نیولو غوښتنه کوي،چې فرهنګي میراثونه د زیان او لوټ کیدو څخه وژغورل شي.

د افغانستان فرهنګي میراثونه زرګونه کلونه لرغونتوب لري؛ دا ټاټوبی د ډېرو تمدنونو څلورلاری و او د پام وړ میراثونه ترې پاتې دي، چې د تاریخ له بېلابېلو پړاوونو تر مونږ رارسېدلي او څه نا څه خوندي پاتې دي، چې د هغه مهال د هنري واک و ځواک ښکارندویي کوي.

د یادونې ده، چې په دې وروستيو کې اسلامي امارت د دې تاريخي منار د ويجاړولو د مخنيوي، رغونې او امنيت خوندي کولو لپاره ٣٠ کسيزه ډله ګومارلې ده.

Continue Reading

تازه خبرونه

امنیتي ځواکونو په انګور اډه کې لسګونه میله وسله نیولې

خپور شوی

په

توسط

(Last Updated On: ليندۍ ۱۵, ۱۴۰۰)

د افغانستان اسلامي امارت ځواکونو د دوشنبې پر ورځ په پکتیکا ولایت کې لسګونه میله وسلې، چې د افغانستان – پاکستان له پولې سره خیبر پښتونخوا ته قاچاق کېدې نیولې دي.

د پکتیکا ولایتي چارواکو په ډاګه کړې؛ امنیتي ځواکونو د ډیورنډ کرښې د انګور اډې په سیمه کې هغه ۳۸ میله بېلابېلې وسلې نیولي، چې له پیازو بار په یوه ډاټسن موټر کې ځای پر ځای شوې وې او د پښتونخوا وزیرستان ته قاچاق کېدلې.

د سرچینې په خبرپاڼه کې راغلي؛ د يادو وسلو د لېږد په تړاو یو کس نیول شوی او اعتراف یې کړی، چې وسلې یې له غزني ولایت څخه لېږدولې.

ګاونډ هېوادونو ته د وسلو او نورو پوځي تجهیزاتو د قاچاق مسله د اسلامي امارت له واک ته رسیدو وروسته د افغانانو تر منځ د بحث یوه موضوع ګرزېدلې ده.

د افغانستان اسلامي امارت ګاونډ هېوادونو ته د پوځي تجهیزاتو د قاچاق په اړه اوازې او ادعاوې رد کړي دي.

د کورنیو چارو وزارت ویاند قاري سعید خوستي ویلي، چې د افغانستان د استخباراتو اداره به اجازه ورنکړي، چې یوه مرمۍ هم له هېواده بهر ولېږدوي.

خوستي د ۲۰۲۱ کال د نوامبر پر ۲۶ په ویډیويي پیغام کې څرګنده کړې: مونږ یوې قوي اردو او پوځي تجهیزاتو ته اړتیا لرو او مونږ به هېڅکله چا ته اجازه ورنکړو، چې دغه تجهیزات له هېواده وباسي.

په همدې حال کې تېره میاشت د افغانستان اسلامي امارت چارواکو په رسنیو کې خپاره شوي راپورونه رد کړل، چې ګواکې اسلامي امارت حکومتي ځواکونو پر پاکستان د امریکا پوځي تجهیزات پلورلي دي.

د اسلامي امارت چارواکو ویلي، چې په دې راپورونو کې هیڅ حقیقت نشته او دا یوازې پروپاګند دی.

Continue Reading

تازه خبرونه

د ا.ا.ا د پخوانیو امنیتي ځواکونو د وژل کیدو ادعاوې رد کړې

خپور شوی

په

توسط

(Last Updated On: ليندۍ ۱۵, ۱۴۰۰)

د افغانستان اسلامي امارت د بهرنيو چارو وزارت وياند د لويديځ هغه ادعاوې رد کړې، چې ګواکې د ا.ا.ا ځواکونو د تېر سقوط شوي حکومت د امنيتي ځواکونو غړي او چارواکي وژلي دي.

د افغانستان اسلامي امارت د بهرنيو چارو وزارت د وياند عبدالقهار بلخي دا څرګندونې یوه ورځ وروسته له هغې راپورته کیږي، چې امریکا او یو شمېر لویدیځو هېوادونو د افغان امنیتي ځواکونو د پخوانیو سرتېرو د وژل کېدو راپورونه غندلي او پدې اړه یې د بېړنۍ څېړنې غوښتنه کړې ده.

د بهرنیو چارو وزارت ویاند عبدالقهار بلخي ويلي؛ هغه کسان، چې د ا.ا د عفوې له فرمان سرغړونه وکړي مجازات بشي.

هغه زیاتوي؛ مجاهدین د بخښنې د فرمان پلي کولو ته ژمن دي او د پخوانۍ ادارې کارکوونکي به د پخواني مخالفت له کبله ونه ځورول شي.

بلخي دا هم ویلي، چې پېښې په پوره پاملرنه څېړل کېږي، خو بې بنسټه اوازې د اعتبار وړ ندي.

دا په داسې حال کې ده، چې پدې وروستیو کې امریکا، اروپايي ټولنې، بریټانیا، جاپان او یو شمېر نورو هېوادونو په یوه اعلامیه کې ویلي، چې د افغانستان د پخواني حکومت د امنیتي ځواکونو د غړیو د وژل کېدو راپورونه ورکړ شوي دي.

Continue Reading

Trending

آریانا نیوز: ټول حقونه خوندي دي