Connect with us

تازه خبرونه

اسلامي امارت د حکومت په کابینه او نورو ادارو کې ۲۷ نوې ګمارنې و کړې

خپور شوی

 په

(Last Updated On: ليندۍ ۲, ۱۴۰۰)

د افغانستان اسلامي امارت چارواکو د حکومت په اړوند پوستونو کې د ۲۷ کسانو نومونه اعلان کړل.

د اسلامي امارت ویاند ذبیح الله مجاهد څرګنده کړې؛ د اسلامي امارت د مشرتابه ملا هبة الله اخوندزاده د سپارښتنې له مخې په حکومتي کابینه او یو شمېر ادارو کې نوي بدلونونه رامنځته شوې دي.

د ذبیح الله مجاهد د  ټویټ په نوملړ کې راغلي؛ مولوي شهاب الدین دلاور د کانونو او پټرولیم وزارت چارسمبالی او ملا محمد عباس اخند د طبیعي پېښو پر وړاندې د مبارزې د چارسمبالي وزیر په توګه ټاکل شوي دي.

پر دې سربېره ٢٥ نور کسان د مرستيال وزيرانو، د قول اردوګانو د قومندانانو او د خپلواکو ادارو د مشرانو په توګه ټاکل شوي دي.

دغه نوې ګمارنې دا دي:

  • د کانونو او پټرولیم وزارت چارسمبالی مولوي شهاب الدین دلاور،
  • د کانونو او پټرولیم وزارت مرستیال حاجي ملا محمد عیسی اخوند،
  • د پېښو پر وړاندې د مبارزې وزارت چارسمبالی ملا محمد عباس اخوند،
  • د طبیعي پېښو پر وړاندې د مبارزې وزارت د مرستیال په توګه مولوي شرف الدین،
  • د طبیعي پېښو پر وړاندې د مبارزې وزارت مرستیال مولوي عنايت الله،
  • د ملي تدارکاتو ریاست مشر مولوي حمدالله زاهد،
  • د ملي تدارکاتو ریاست مرستیال شیخ عبدالرحیم،
  • د پلټنې عالي ادارې مشر مولوي قدرت الله جمال،
  • د پلټنې عالي ادارې مرستیال مولوي عزت الله،
  • د زندانونو ریاست چارسمبالی مولوي محمد یوسف مستري،
  • د زندانونو ریاست مرستیال ملا حبیب الله فضلي،
  • د اداري اصلاحاتو او ملکي خدمتونو کمیسیون مشر مولوي کرامت الله اخوندزاده،
  • د سرحدونو او قبايلو وزارت مرستيال مولوي احمد طه،
  • د سرحدونو او قبایلو په وزارت کې د کوچیانو مشر مولوي ګل زرین،
  • د شهیدانو او معلولینو وزارت مرستیال شیخ مولوي عبدالحکیم،
  • د پوهنې وزارت مرستیال مولوي سعید احمد شهید خېل،
  • د کلیو د بیارغونې او پراختیا وزارت مرستیال مولوي عبدالرحمن حلیم
  • د اطلاعاتو او فرهنګ وزارت مالي او اداري مرستیال مولوي عتیق الله عزیزي،
  • د اطلاعاتو او فرهنګ وزارت د ځوانانو مرستیال ملا فیض الله اخوند،
  • د مخابراتو او معلوماتي ټکنالوژۍ وزارت مرستیال مولوي سیف الدین طیب،
  • د کندهار هوايي ډګر قومندان مولوي فتح الله منصور،
  • د پوځي محکمې اجرائیوي قومندان محمد اسماعیل،
  • د سره صلیب مرستیال مولوي عصمت الله عاصم
  • په کندهار کې د البدر قول اردو مرستیال مولوي رحیم الله محمود،
  • په هلمند کې د عظيم قول اردو مرستيال مولوي عبدالصمد،
  • د مالیې وزارت مرستیال ملا ناصر اخند،
  • د انرژۍ او اوبو وزارت مرستیال مولوي عارف الله عارف،

ویل کیږي، چې د اسلامي امارت مشرتابه شیخ هبة الله اخوندزاده له دې مخکې پر یوه فرمان د هېواد په ۲۰ ولایتونو کې والیان او د هغوی مرستیالان تغییر او تبدیل کړي او اطاعت ترې شوی دی.

تازه خبرونه

د عشر او زکات راټولولو طرحه وروستۍ شوې – ماليې وزارت

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان مالیې وزارت څرګنده کړې، چې د عشر او زکات راټولولو طرحه وروستۍ شوې او په راتلونکیو څو ورځو کې به د تصویب لپاره کابینې ته وسپارل شي.

د مالیې وزارت ويلي؛ د عشر او زکات راټولولو طرحه یې د حج او اوقافو او کرنې له وزارتونو سره په همغږۍ کې وروستۍ کړې او ټاکل شوې، چې د روانې اوونۍ په وروستیو کې یې کابینې ته د تصویب لپاره ولېږي.

د دغه وزارت ویاند څرګندوي، د طرحې له تصویب او د اسلامي امارت د امیر له لاسلیک او توشیح وروسته به د عشر او زکات د ټولولو لپاره ځانګړی بورډ جوړ شي.

د مالیې وزارت ویاند احمد ولي حقمل آریانا نیوز ته په ډاګه کړې، چې: د لومړي وزیر په رهبرۍ د کابینې په غونډه کې د دې طرحې له تصویب او د امیرالمومنین لخوا له توشیح وروسته به د عشر او زکات د راټولولو لپاره یو ځانګړی بورډ جوړ شي.

دغه راز نوموړي زیاته کړې، چې د عشر او زکات راټولول به شفاف او ډیجیټلي وي.

هغه وایي، چې د یو روڼ بهیر له لارې به په دیجیتلي بنه له هېوادوالو څخه عشر او زکات راټولیږي.

دیني عالم امان الله احمدي د حکومت له دې هڅې هرکلی کوي او وايي، چې د عشر او زکات راټولې شوې پیسې باید مستحقو کسانو ته ورسيږي.

له بلې خوا د اسلامي امارت دغه هڅه د کابل اوسیدونکی احمد ویس اکبري سایي او وایي: لومړی باید مالي وضعیت درک شي او خلکو ته کاري زمینه برابره شي، معاشونه ورکړ شي . بیا؛ نو ټول خلک په ورین تندي هر څه ته حاضر دی؛ خو اوسنی وضعیت ستونزمن دی.

د مالیې وزارت په داسې حال کې د عشر او زکات د راټولولو له طرحې خبرې کوي، چې له وروستیو پېښو وروسته ګڼ شمېر پانګوال له هېواده وتلي او په هېواد کې پاتې هېوادوال له سخت اقتصادي بحران سره مخ شوي دي.

Continue Reading

تازه خبرونه

امریکا د بندیزونو پر لګولو د خپلې ماتې غچ اخلي – چین

خپور شوی

په

توسط

(Last Updated On: مرغومی ۲۶, ۱۴۰۰)

د چین سفیر ویلي؛ امریکا باید د اقتصادي بندیزونو له لارې له افغانانو غچ وانخلي او ټولګډونه حکومت، بشري حقونه او د بیان آزادي دې د وسیلې په توګه نه کاروي.

د چین سفیر  ډاډ څرګند کړ، چې د افغانستان په کورنیو چارو کې به لاسوهنه ونکړي.

د چین سفیر په دې کتنه کې ویلي، چې امریکا باید د اقتصادي بندیزونو له لارې له افغانانو غچ وانه خلي او بشري حقونه، د ښځو حقونه او د بیان آزادي د فشار د وسیلې په توګه ونه کاروي.

د اسلامي امارت د ویاند مرستیال انعام الله سمنګاني ویلي؛ د چین سفیر په دې لیدنه کې ویلي، چې چین د افغان حکومت له لارې له افغانانو سره بشري مرستې کوي.

هغه وایي؛ افغانان حق لري، چې د خپلو دیني او فرهنګي ارزښتونو پر بنسټ یو نظام ولري.

د کورنیو چارو وزارت د ویاند مرستیال انجنیر عزام ویلي؛ د کورنیو چارو وزارت چارسمبالي په کابل کې د چین له سفیر سره د کتنې پر مهال له دې هېواده وغوښتل، چې اسلامي امارت پر رسمیت وپېژني.

د اسلامي امارت د کورنیو چارو وزارت چارسمبالي سراج الدین حقاني په کابل کې د چین له سفیر سره په لیدنه کې ویلي، چې اسلامي امارت د نړۍ او ګاونډ هېوادونو پر وړاندې خپلو ژمنو ته ژمن دی او د افغانستان خاوره به د هیڅ هېواد پر ضد ونه کارول شي.

ده د چین له سفیره غوښتي، چې د افغانستان له اسلامي امارت سره همکاري روانه وساتي او د افغانستان نوی حکومت پر رسمیت وپيژني.

د اسلامي امارت چارواکي د چین د سفیر له قوله وايي، چې هغه د شل کلنې تجربې له مخې له نړیوالو غوښتي؛ افغانانو ته اجازه ورکړي، چې د خپلې خوښې حکومت جوړ کړي او پدې هېواد بهرني افکار ونه تپل شي.

Continue Reading

تازه خبرونه

په تېرو ۲۰ کلونو کې ۵ میلیون کسان روږدی شوي – مولوي حنفي

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان اسلامي امارت د لومړي وزیر اوه یم مرستیال مولوي عبدالسلام حنفي ويلي؛ د افغانستان د اشغال په بهیر کې لږ تر لږه پېنځه میلیون هېوادوال مو پر نشه يي توکو روږدې شوي.

نوموړي له هېوادوالو غوښتي، چې د وطن د آبادۍ لپاره باید خپلې مټې را ونغاړي؛ اقتصادي، ټولنیز، روغتیايي، ناورینونه پخپله مدیریت کړي.

همدارنګه ویل کیږي، چې  تر یوه بریده  به ستونزې وي؛ خو په نږ دې راتلونکي کې  به د هېواد ډېری ستونزي حل شي.

هغه زیاته کړې، چې پر نشه يي توکو د روږ دو کسانو د روغتیا او پالنې چاري د افغانستان اسلامي امارت په غاړه ا خیستی.

مولوي حنفي وایي، چې نړیوالو په جکړه کې ماتي  خوړلې او اوس غواړي، چې د افغانستان د اسلامي امارت پر ضد منفي تبلیغات تر سره کړي.

مولوي عبدالسلام حنفي څرګنده کړې، چې په تېر پېر او د اشغال په وخت کې د افغانستان د آبادۍ لپاره هیڅ کار ونشو؛ خو ځوانان مو روږدي او ټولنیزې ستونزې مو بیخي زیاتي دي.

د افغانستان  د اطلاعاتو او فرهنګ وزارت چارسمبالي ويلي، چې نړیوالو په ګرمه جګړه کې هېوادنۍ ماته وخوړه،  چې اوس يي پر افغانستان د بندیزونه لګولو تر څنګ منفي تبلیغات هم پیل کړي دي.

د اطلاعاتو او فرهنک وزارت چارسمبالي خیر الله خیر خوا ویلي؛ د نړۍ تجروبو ثابته کړې؛ هغه هېوادونه، چې له بندیزونو سره مخ شوي هغوی خپل هېوادونه جوړ کړي. مونږ به حتمي له اوسنیو ستونزو ځانونه وباسوو.

د اسلامي امارت مسوولینو دا ډاډ هم څرګند کړی: ټول هغه هېوادونه،  چې  له افغانستان سره بشري مرسته کوي ترې هرکلی کوو؛ خو د هیڅ هېواد مشروطي مرستي منلی نشو.

Continue Reading

Trending

Copyright © 2022 Ariana News. All rights reserved!