Connect with us

تازه خبرونه

اسلامي امارت د بودا پژو له پاتېشونو ساتنه کوي – محمدي

خپور شوی

 په

(Last Updated On: تله ۱۵, ۱۴۰۰)

د بامیان ولایت د اطلاعاتو او فرهنګ مشر مولوي سیف الرحمان محمدي ويلي، چې کلونه مخکې د بودا پژو( مجسمو) له ویجاړولو ځانګړی علت درلود؛ خو اسلامي امارت یې اوس د پاتو برخو ساتنه کوي.

په بامیان ولایت کې د بودا پژې دوه نیمې لسیزې مخکې له څه نا څه نیمګړتیاوو سره دنګې ولاړې وې؛ خو طالبانو یې د خپلې لومړنۍ واکمنۍ پر مهال ځینې نورې برخې هم ویجاړې کړې، چې نړۍ یې په اړه بېلابېل غبرګونونه وښودل.

دا په نړۍ کې د بودا تر ټولو لوړې لرغونې پژې وې، چې صلصال او شمامه نومیږي او اوس ترې لوټې پاتې دي.

د بامیان ولایت د اطلاعاتو او فرهنګ مشر ويلي، چې د بودا پژو له پاتېشونو ساتنه کوي او د سیلانیانو پر مخ یې دروازې پرانیستې دي.

د بامیان ولایت د اطلاعاتو او فرهنګ مشر مولوي سیف الرحمان محمدي وايي؛ د بامیانو د بودا له پژو څخه په لیدنه کوم محدودیت نشته او خلک کولی شي، چې د بامیانو له لرغونو سیمو لیدنه وکړي. دې ولایت ته اوس تر ډېره د ختیځو او لویدیځو ولایتونو سیلانیان راروان دي.

د بودا دې پژو هرې یوې ۵۳ او ۳۵ مټره لوړوالی درلود، چې د افغانستان د هغه وخت له مهمو او لرغونو آثارو څخه شمېر کیدې او د نړۍ ګڼ سیلانیان یې ځان ته جذبول.

لرغونپوهانو ويلي، چې د بودا غټه پژه صلصال په ۵۰۷ او وړه هغه شمامه په ۵۵۴ زېږدیزو کلونو کې پر یوناني او بودايي سبکونو توږل شوې وې.

دیني عالم رحمت الله ویلي؛ د بودا پزې په ۲۰۰۱ زېږدیز کال د عقیدتي مسایلو پر بنسټ ویجاړې شوې.

نوموړی زیاتوي: په لومړي پړاو کې د پژو د ویجاړولو په اړه اسلامي امارت بېړنۍ پرېکړه نده کړې. په دې اړه پوره غور شوی؛ له عقیدوي او اسلامي څېړنو وروسته یې هغه ویجاړې کړې دي.  

د دغو پژو د بیا رغونې لپاره د تېر حکومت د اطلاعاتو او فرهنګ وزارت د یونسکو او یو شمېر هېوادونو پر مرسته هڅې پیل کړې، چې ترې نیمګړې پاتې شوې.

صلصال د نرینه او شمامه د ښځې پژه ده، چې شاوخوا ته یې اته نور لرغوني وړې پژې توږل شوي، چې د دوی د اولادې ښکارندویې بلل کیږي. دادوه سترې پژې له یو بل ۸۰۰ مټره واټن لري.

که څه هم نن په بامیانو کې د هندویزم او بودیزم خبر نشته؛ خو دا پژې د افغانستان په مهمو لرغونو آثارو کې شېرل کیږي او خلک یې سیل ته ورځي.

لرغون پوهانو ويلي، چې لومړی ځل عرب مسلمان د حجاج بن یوسف په وخت کې پر بامیان واکمن شول او څه برخه یې ونړول شوه، د چنګیز خان پر مهال هم زیانمنې شوې او د امیرعبدالرحمن خان په وخت کې یې د نړولو او ویجادولو هڅې شوې دي. په یادو ټولو پېرونو کې یو زیات شمېر لرغوني آثار له دې ځایه لېږدول شوي او پر سره زر پوښل شوي معبدونو ته زیانونه اوښتي دي.

د یادونې ده، چې د سیمې د خلکو او د اسلامي امارت د هغه وخت د یو شمېر مسوولینو لخوا کشمیري طالبان د بودا پژو پر نړولو تورن شوي، چې له هندوانو سره یې د عقدو له مخې دا کار کړی دی.  

تازه خبرونه

د هندي مرستو د لېږد لپاره دې د افغانستان باري موټر وکارول شي – پاکستان

خپور شوی

په

توسط

(Last Updated On: ليندۍ ۱۴, ۱۴۰۰)
د پاکستان د بهرنیو چارو وزارت په یوه خبرپاڼه کې ویلي، چې د دوی له خاورې افغانستان ته د هند د ۵۰ زره ټنه غنمو او طبي تجهیزاتو د مرستې لېږدولو ته اجازه ورکړ شوې ده.

د پاکستان د بهرنیو چارو وزارت په خبرپاڼه کې راغلي؛ حکومت پرېکړه کړې، چې له واګې بندره به افغانانو ته د هندي مرستو د لېږد لپاره د افغانستان خپل باري موټر وکارول شي.

د پاکستان د بهرنیو چارو وزارت زیاته کړې؛ دغه پرېکړه په اسلام آباد کې د هند سفارت چارسمبالي ته استول شوې، چې وروستۍ هڅې هم تر سره کړي.

په افغانستان کې وروستیو سیاسي تحولاتو او بشري ناورین ته په کتو هند پرېکړه کړې، چې له افغانستان سره د پنځوس زره ټنو غنمو او یو شمېر طبي وسایلو مرسته وکړي.

پاکستان مخکې ویلي وه؛ هندي لاریو ته به اجازه ورکړي، چې له دې لارې تېر شي او مرسته شوي غنم او تجهیزات به د پاکستانيو لاریو او یا په پای کې د افغانستان د لاریو له لارې نه یوازې ولېږدوي، بلکې د لېږدولو لګښت به یې هم هند پرې کوي.

د افغانستان د تېر حکومت له نسکورېدو سره امریکا ۲۰ کلنه جګړې پای ته ورسوله، خپل سرتېري، ملکي وګړي او افغان همکاران یې ووېستل او ډیپلوماټیکې اړیکې یې ودرولې؛ خو د افغانستان بهرنۍ شتمنۍ یې کنګل او له دې هېواد سره د نړیوالو موسسو نغدي مرستې وځنډېدې. دې وضعیت د خلکو اقتصاد تر سیوري لاندې راوست او اوس افغانان له سختو اقتصادي ستونزو سره مخ دي.

Continue Reading

تازه خبرونه

اروپایي هېوادونه په کابل کې ګډ ماموریت پیلولو ته لیواله دي – مکرون

خپور شوی

په

توسط

(Last Updated On: ليندۍ ۱۳, ۱۴۰۰)

د فرانسې ولسمشر ایمانویل مکرون ویلي، یو شمېر اروپايي هېوادونه هڅه کوي، چې په افغانستان کې ګډ ډیپلوماټیک ماموریت پیل کړي او سفیران یې کابل ته راستانه شي.

مکرون زیاته کړې؛ په کابل کې د داسې یوې استازولۍ پرانیسته به لویدیځو هېوادونو ته زمینه برابره کړي، چې له څو میاشتني ځنډ وروسته بیا کابل ته راستانه شي.

امریکا او نورو لویدیځو هېوادونو خپل سفارتونه په تېر اګست کې هغه وخت وتړل او خپل ډیپلوماتان یې ووېستل، چې پخوانی حکومت ړنګ شو او اسلامي امارت یو لنډمهاله حکومت اعلان کړ، چې لوړ پوړي غړي یې د امریکا او ملګرو ملتونو تر بندیزونو لاندې دي.

مکرون زیاته کړې؛ دا هڅه د اسلامي امارت له پر رسمیت پېژندلو یا سیاسي خبرو سره توپیر لري… مونږ یوازې غواړو، چې یو استازی ولرو.

مکرون د سعودي عربستان جدې ته له تللو مخکې په دوحه کې خبریالانو ته ویلي: مونږ د څو اروپايي هېوادونو تر منځ د یوې داسې ادارې په اړه فکر کوو، چې د څو اروپایانو لپاره یو ګډ ځای رامنځته شي، چې زمونږ سفیران په کې حضور ولري.

د فرانسې ولسمشر په دې اړه پوره جزئیات ندي ورکړي.

Continue Reading

تازه خبرونه

امریکا د ښځو د حقونو په اړه د اسلامي امارت له فرمان هرکلی وکړ

خپور شوی

په

توسط

(Last Updated On: ليندۍ ۱۳, ۱۴۰۰)
د افغانستان لپاره د امریکا ځانګړي استازي ټوماس ویسټ د ښځو د واده د حقونو او څرنګوالي په اړه د ا.ا.ا د مشرتابه ملا هبة الله اخوندزاده له فرمان هرکلی کړی دی.

نوموړي ټویټ کړی؛ د (اسلامي امارت) له فرمان هرکلی کوو، چې د ښځو د واده او میراث د حقونو په اړه د اسلامي امارت د مشر له پرېکړې هرکلی کوي.

هغه له اسلامي امارت غوښتي، چې په رسنیو کې د کار کولو د حق په ګډون د ښځو حقونه دې خوندي کړي.

هغه زیاته کړې؛ د افغان ټولنې په بېلابېلو اړخونو کې د ښوونې او روزنې، ښوونځیو، کارځیو، سیاست او رسنیو په ګډون د ښځو د مندني او سوداګریزو حقونو د خوندیتوب لپاره هر راز هڅو ته اړتیا ده.

د جمعې پر ورځ د لیندۍ ۱۲ د افغانستان د اسلامي امارت امیر ملا هبة الله اخوندزاده د ښځو د حقونو په اړه په یوه نوي فرمان کې سپارښتنه کړې، چې ښځې ملکیت نه، بلکې آزاد او باعزته انسانان دي.

په فرمان کې ټینګار شوی؛ هیڅوک حق نلري، چې د سولې او یا د دښمنۍ د له منځه وړلو په بدل کې چا ته ښځه ورکړي.

په فرمان کې پر دې هم ټینګار شوی، چې د واده پر مهال د نجونو رضایت اړین دی او هيڅوک نشي کولی چې کونډې ښځې پېغلې نجونې پر زور واده کړي او په واده کې د ښځو رضایت اړین دی.

په دې حکم کې، چې د افغانستان اسلامي امارت د ویاند ذبیح الله مجاهد لخوا رسنیو ته رسیدلی راغلي، چې:

هیڅوک نشي کولی، چې ښځه په جبر نکاح کړي.

ښځه مال او ملکیت ندی، بلکې یو اصیل او آزاد انسان دی او هیڅوک یې په بدو کې نشي ورکولی .

کونډه د خپلې نکاح او برخلیک په اړه د پرېکړې واک لري.

له نوي خاونده د مهر اخیستل د کونډې حق دی.

او هغه کسان، چې څو ښځې لري؛ اړ دي، چې د شرعي احکامو له مخې د ټولو حقونه ورکړي او تر منځ یې عدالت خوندي او رامنځته کړي.

د ښځو د حقونو فعالانې د میرمنو د حقونو په اړه له دې حکمه هرکلی کوی او د عملي کیدو غوښتنه یې کوي.

په دې فرمان کې د اسلامي امارت رهبر ملا هبة الله اخوند حج او اوقافو او اطلاعاتو او فرهنګ وزارتونو ، سترې محکمې او والیانو ته امر کړ، چې پر ښځو د هر ډول ظلم مخه ونیسي.

په افغانستان کې د پخواني حکومت له پرځيدو وروسته یو شمېر میرمنې د خپلو حقونو په اړه اندېښنه ښيي او وايي، چې، زدکړو، کار او سیاست کې یې ونډه پیکه شوې ده.

د یادونې ده، چې د اسلامي امارت د مشرتابه په دې فرمان کې د ښځو د ټولنیزې ونډې، حکومتي کار او سوداګریزو هڅو په اړه سپارښتنو ته کومه نغوته نده شوې.

Continue Reading

Trending

آریانا نیوز: ټول حقونه خوندي دي