Connect with us

نړۍ

اسرائیلو د حماس د مشر کور بمبارد کړ

Ariana News

خپور شوی

 په

(Last Updated On: May 16, 2021)

رویټرز څرګنده کړې؛ اسرائیلو د یکشنبې پر سهار / د غویی ۲۶ / په غزه کې د حماس د مشر پر کور بمبارد کړی او حماس هم په تل ابیب کې د اسرائیلو برجونه پر توغندیو ویشتي دي.

د سرچینې د څرګندونو له مخې؛ د اسرائیلو په بمبارد کې څلور فلسطینیان وژل شوي او یو شمېر نور ټپیان دي.

فلسطیني رسنیو خبر ورکړی، چې اسرائیلي الوتکو نن د حماس د مشر یحیی السنوار کور بمبارد کړی دی.

د رسنۍ د څرګندونو له مخې، اسرائیلوړ په یوه بل برید کې یو ډاکټر وژل شوی؛ میرمن او لور یې ټپیان دي.

د اسرائیلو او فلسطین شخړه، چې تېره دوشنبه پیل شوې او تر ننه روانه ده؛ تر دې دمه د ۴۱ ماشومانو په ګډون  ۱۴۹ فلسطینیان وژل شوي دي.

اسرائیلو ويلي، چې د لس کسانو په ګډون د دوی دوه ماشومان وژل شوي دي.

د امریکا، ملګرو ملتونو او مصري ډیپلوماټان هڅه کوي وضعیت بېرته عادي حالت ته راولي؛ خو تر دې دمه کوم پرمختګ ندی شوی.

ټاکل شوې، چې د ملګرو ملتونو امنیت شورا د اړوند شخړې په اړه یوه غونډه وکړي.

پرون اسرائیلو په غزه کې یوه ۱۲ پوړیزه ودانۍ بمبارد کړه، چې د اسوشیټیډ پریس او الجزیرې دفترونه هم په کې ول.

اسرائیلو څرګنده کړې، چې په دې ودانۍ کې فلسطیني سرتېري اوسېدل او ملکي وګړیو ته یې د وتلو خبرداری ورکړی و.

اسوشیټیډ پریس د اسرائیلو دا کړنه غندلې او زیاتوي، چې په ودانۍ کې هیڅ فلسطیني سرتېري نه و.

حماس د غزې د دغې ودانۍ د ړنګولو په غبرګون کې د تل ابیب پر ښار توغندي توغولي دي.

د اسرائیل لومړي وزیر بنیامین نتانیاهو ویلي، چې بریدونه پای ته ندي رسیدلي او دوام به ولري.

تېره دوشنبه د اسرائیلو او فلسطین تر منځ تاوتریخوالی هغه وخت نور هم ترینګلی شو، چې فلسطینیان له خپلو کورونو وشړل شول او اسرائیلي پولیسو فلسطینیان مسجدالاقصی ته نږدې هم لمانځه ته نه پریښودل.

د حماس مشر اسماعیل هنیه پرون په دوحه کې ویلي، چې د نښتو اصلي لامل بیت المقدس دی.

نوموړي پدې اړه ویلي؛ صهیونیسټان فکر کوي، چې دوی کولی شي د الاقصی جومات ویجاړ کړي. دوی فکر کوي، چې خلک مو د شیخ جراح سیمې ته بې ځایه کړي.

هغه په دې اړه زیاته کړې: زه نتنیاهو ته وایم، چې له اور سره دې لوبی نکوي. د نن ورځې د دې شخړې سرلیک د دې جګړې سرلیک دی، چې بیت المقدس، بیت المقدس او بیت المقدس.

اسرائیلو ویلي، چې له غزې څخه پر اسرائیلو سلګونه توغندي توغول شوي؛ خو ډېر یې په هوا کې شنډ شوي دي.

ویل کیږي، چې اسرائیلو پر غزه له ۱۰۰۰ ډېر هوایي بریدونه کړي، چې ګڼ خلک یې وژلي او ټپیان دي.

د رویټرز د څرګندونو له مخې؛ د دواړو لوریو روانه دښمني اوومې ورځې ته غزیدلې؛ خو د بریاوو هیڅ نښه نه لیدل کیږي.

تازه خبرونه

په چین کې د ګازنلیکې له چاودنې ۱۲ کسان وژل شوي

Ariana News

خپور شوی

په

توسط

(Last Updated On: June 13, 2021)

د مرکزي چین د استوګنې په اړوند سیمه کې د ګازنلیکې له چاودنې لږ تر لږه ۱۲کسان وژل شوي دي.

چینايي رسنیو څرګنده کړې، چې چاودنه نن سهار د هوبي ولایت په شیان ښار کې رامنځته شوې، چې لږ تر لږه ۱۳۸ نور یې ټپیان کړي دي.

د راپورونو له مخې؛ د چاودنې له کبله د یوه پلورنځي ودانۍ راپرېوتې او د ۳۷ ټپیانو روغتیایي حالت یې د اندېښنې وړ دی.

د شیان سیمه ییز روغتون له ښاریانو څخه ټپیانو ته د وینې ورکولو غوښتنه کړې ده.

Continue Reading

نړۍ

سعودي عربستان بهرنیو حج کوونکیو ته د مراسمو ترسره کول وځنډول

Ariana News

خپور شوی

په

توسط

(Last Updated On: June 13, 2021)

د سعودي دولتي رسنیو څرګنده کړې، چې د کرونا ویروس د خپریدو د مخنیوي له کبله سږ کال د حج په مراسمو کې یوازې عربستان ۶۰۰۰۰ ځایي وګړي او بهرني استوګن د ګډون حق لري.

د راپورونو له مخې، د حج د مراسیمو برخه اخیستونکي باید له ۱۸ څخه تر ۶۵ کلونو عمر ولري او کرونا واکسین یې هم ترلاسه کړي وي.

د سعودي عربستان د عامې روغتیا وزیرې توفیق الرابیعه یوې خبري غونډې ته ویلي؛ دا پرېکړه د کرونا ویروس د دېرېدو له کبله د خوندي حج د ترسره کولو لپاره په پام کې نیول شوې ده.

هغې زیاته کړې: د کرونا ویروس واکسینو ته پر لاسرسي سربېره اوس هم پر ویروس شک شته او یو شمېر هېوادونو ډېرې مثبتې پېښې ثبت کړي. دغه راز بله ننګونه د ویروس بېلابېلې بڼې دي؛ ځکه، نو مونږ پرېکړه وکړه، چې د حج مراسم لږ څه محدود کړو.

سعودي عربستان ویلي، چې یوازې فایزر، اسټرازنکا، ماډرنا او جانسون واکسین د ډاډ وړ دي.

د کرونا ویروس له خپریدو مخکې، د نړۍ له ګوټ ګوټ څخه لږ تر لږه دوه نیم میلیون حج کوونکیو د حج په مراسمو کې ګډون کاوه.

د سعودي عربستان رسمي څرګندونې ښیي، چې دې هېواد هر کال د دغو مراسیمو له ترسره کولو شاوخوا ۱۲ میلیارد دالر عاید ترلاسه کول.

Continue Reading

تازه خبرونه

د میانمار حکومت پر آنګ سان سوچي د فساد تور ولګاوه

Ariana News

خپور شوی

په

توسط

Photo credit Reuters
(Last Updated On: June 11, 2021)

د میانمار پوځي چارواکو د دې هېواد ګوښه شوې مشره آنګ سان سوچي پر مالي فساد تورن کړې ده.

له پوځي کودتاه وروسته د هغې پر وړاندې دا ترټولو جدي تور دی.

د میانمار محکمې د دې هېواد پخوانې مشره آنګ سان سوچي د پیسو او سرو زرو پر تر لاسه کولو تورنه کړې او که دا تور پرې ثابت شي؛ نو پر ۱۵ کلونو بند به محکومه شي.

هغه د ناقانونه وارداتو او عامه ناکرارۍ د هڅولو په ګډون له شپږ نورو تورونو سره هم مخ ده.

میرمن سوچي د روان کال په فبرورۍ میاشت کې پرې د دې هېواد پوځیانو کودتا  ترسره کړه او له دندې یې ګوښه او په کور کې نظربند ساتل شوې ده.

Continue Reading

Trending

آریانا نیوز: ټول حقونه خوندي دي