Connect with us

تازه خبرونه

استشهادي بریدونه سپیڅلي دي- حکمتیار

Ariana News

خپور شوی

 په

(Last Updated On: February 10, 2018)

د حزب اسلامي رهبر انجنیر ګلبدین حکمتیار آریانا نیوز ته په ډاګه کړې، چې په یو لړ بریدونو کې د بېګناه خلکو وژل حرام دي؛  خو استشهادي بریدونه سپیڅلي دي.

ښاغلي حکمتیار د هغو بریدونو په اړه، چې په کې عام وګړي وژل کیږي ویلي: ټول هغه بریدونه، چې په کې بېګناه او بې وسلې خلک وژل کیږي؛ حرام دي، اسلام رد کړي او مونږ یې هم په سختو ټکو کې غندو.

د حزب اسلامي رهبر انتحاري بریدونه حرام بولي؛ خو وایي: استشهادي بریدونه، چې موخه یې عام وګړي نه وي په اسلام کې سپیڅلي دي.

د حزب اسلامي کسانو هم د سولې له بهیر سره له یوځای کیدو مخکې ځانمرګي بریدونه تر سره  کړي؛ خو د حزب رهبر حکمتیار په دې اړه داسې رڼا اچولې: تاسې وایئ انتحاري؛ خو مونږ وایو استشهادي؛ انتحاري هغه بریدونه دي، چې یو چاته ژوند تریخ شوی وي او له ژوندانه تېریږي او ځانوژنه کوي- انتحاري یعنې ځانوژنه. استشهادي هغه بریدونه دي، چې په کې مړه کیدل حتمي او سل په سلو کې یقیني وي؛ خو ابته سپیڅلو موخو ته. مونږ له دې بریدونو بشپړ ملاتړ کوو.

ده دا هم ویلي، چې داعش د ایران له ملاتړه برخمن دی او د ایران لخوا افغانستان ته رالیږدول کیږي.

د نوموړي په باور؛ وسلوال بریدګر د امنیتي ځواکونو په موترو کې رالیږدول کیږي او موخې یې هم په وسلوال پوځ کې د نفوذي کسانو لخوا ښکاره او ځانګړې کیږي.

ښاغلی حکمتیار ملي وحدت حکومت ته په نغوته کې وویل، چې نه یوازې په خپلو کړنو کې ناکام دی، بلکې په نظام، حکومت او اداره کې دننه ځینې داسې کړۍ هم شته، چې په خپلو د تورو ښیښو موترو کې بریدګر له وسایلو سره رالیږدوي؛ ورته د بریدونو زمینه برابروي او د دولت له مخالفینو سره نه یوازې نېغه مرسته کوي، بلکې ملاتړ هم ترې څرګندوي.

د حزب اسلامي رهبر ګلبدین حکمتیار له اوږدو خبرو اترو وروسته د ۱۳۹۵ کال د تلې په میاشت کې له ملي وحدت حکومت سره سیاسي هوکړې ته رسیدلی او دمګړۍ په کابل کې اوسیږي.

د حزب اسلامي د بندیانو آزادیدل، د حزب د قومندانانو قضایي مصئونیت او د ښاغلي حکمتیار خوندیتوب د دغې سیاسي هوکړې غوره برخې ګڼل شوې دي.

دا په داسې حال کې ده، چې له تېرو دوه میاشتو راهیسې په ځانمرګو او ترهګریزو پېښو کې د ښځو او ماشومانو په ګډون ډېر ملکي وګړي قرباني شوي دي.

تازه خبرونه

په کابل ښار کې له دوه چاودنو درې کسان وژل شوي

Ariana News

خپور شوی

په

توسط

(Last Updated On: January 21, 2021)

د کورنیو چارو وزارت څرګنده کړې، چې پنجشنبې پرماسخوتن د کابل ښار د کوټې سنګي  او دارالامان په اړوند سیمو کې د ملي اردو او شخصي موټرو د طالبانو په برید کې لږ تر لږه درې کسان وژل شوي دي.

دغه راز همهاله د دارالامان په درې لاري کې پر یوه شخصي کرولا د نښلیدونکي ماین چاودنه شوې، چې یو ملکي وګړی یې وژلی او دوه نور ټپیان شوي.

پولیسو دا چاودنه هم تائيد کړې؛ خو د قربانيانو د هويت په اړه يې جزئيات ورنکړل.

دغه دوه پېښې د یو ساعت په دننه کې د ټولنیزو رسنیو وکاروونکیو تر منځ سخته اندېښنه راپورته کړې او د ناامنیو پړه یې پر امنیتي ادارو وراچولې ده.

د فیسبوک کاروونکیو پوښتلي، چې د دې مهال په ګڼه ګوڼه کې څنګه له چاودنې دوه کسان وژل کیدلی شي؟ خو پولیس نشي کولی د چاودنو د عاملینو مخنیوی وکړي.

دا چاودنې له هغې وروسته رامنځته کیږي، چې د اروپا د بشري حقونو سفیرانو په یوه ګډه اعلامیه کې د افغانستان پر ملکي وګړیو د چاودنو غندنه وکړه.

دوی ویلي، چې د پام وړ تلفات د طالبانو او بېلابېلو تروریستي سازمانونو لخوا ملکي وګړیو ته اوښتي دي.

د دوی د څرګندونو له مخې؛ د بشري حقونو د مدافعینو، قاضیانو، ژورنالیستانو، د رسنیو د کارمندانو او د مدني ټولنې د مخکښانو موخه ییزې وژنې د منلو وړ ندي.

دوی د حساب ورلونې او د ټولو بریدونو د بشپړې څېړنې او پلټنې غوښتنه وکړه او زیاتوي، چې ټول مجرمین باید محاکمه شي.

په کابل کې د موخه ییزو وژنو له زیاتوالي وروسته د ولسمشر اشرف غني لومړي مرستیال امرالله صالح ویلي؛ هغه مجرمین، چې نیول شوي باید اعدام شي.

د بندیانو د اعدام په اړه د امرالله صالح څرګندونو ته په غبرګون کې طالبانو خبرداری ورکړی که د دوی بندیان اعدام شي؛ نو دوی به یې غچ واخلي.

د طالبانو ویاند ویلي؛ ټول طالب بندیان، چې د افغان حکومت د محکمو لخوا پر مرګ محکوم شوي؛ د خوشې شویو ۵۰۰۰ بندیانو پرته له نورو بندیانو سره بد چلند به د سولې بهیر ته زیان ورسوي.

Continue Reading

تازه خبرونه

د افغانستان د بحران د حل لپاره به نړیواله تاریخي ناسته راوغوښتل شي

Ariana News

خپور شوی

په

توسط

(Last Updated On: January 21, 2021)

د اسلامي نړۍ د اړیکو مشر محمد بن عبدالکریم عیسی د پنجشنبې پر ورځ( د سلواغې ۲) د افغانستان د بهرنیو چارو وزیر حنیف اتمر سره په لیدنه کې نوموړي ته ډاډ څرګند کړ، چې د افغانستان روان کړکېچ  ته د حل لارې د موندلو لپاره به د اسلامي نړۍ نومیالي دیني عالمان او شخصیتونه راټول او یو تاریخي کنفرانس جوړ شي.

سعودي عربستان ته په درې ورځني رسمي سفر کې اتمر او شیخ ال عیسی په افغانستان کې د وینو تویېدو او تلپاتې سولې او همدارنګه د افراطیت او تروریزم پر وړاندې د مبارزې پر لارو چارو بحث او خبرې کړې دي.

د بهرنیو چاروزارت د څرګندونو له مخې؛ دواړو لوریو د افغانستان پر روان حالت په ځانګړي توګه په افغانستان کې د وینې توئیدنې د درېدو، د سولې ټینګښت، له ترهګرۍ او بنسټ پالنې سره د مبارزې او د اسلامي نړۍ د دیني عالمانو د رول په اړه هر اړخیزبحث او خبرې وکړې.

د بهرنیو چارو وزیر په افغانستان کې کرکې ، جنګ او وحشت ته په نغوته کې څرګنده کړې؛ نه یوازې دوی له اسلامي عقیدې او لارښوونو سره تضاد لري، بلکې له هیڅ مذهب او دین سره جوړ ندي.

هغه دا هم ویلي، چې د بېلابېلو هېوادونو او سازمانونو افراطیان د ځانګړیو اهدافو د تر سره کولو لپاره افغانستان د مسلمانانو د جګړې پر ډګر( دارالحرب) بدل کړی.

حنیف اتمر زیاته کړې؛ له اوسنۍ روانې ناروا جګړې څخه د افغانستان ژغورل په حقیقت کې له تاوتریخوالي، نړیوال تروریزم او د مخ پر وده بنسټپالنې څخه د اسلامي نړۍ او انساني ټولنې ژغورل دي.

هغه په ډاګه کړې: د سولې بهیر له لارې مونږ غواړو، چې طالبان په سیمه کې له نورو بهرنیو افراطي ډلو رابېل شي او په خپل هېواد کې سوله ییز او سیاسي ژوند ته راستانه شي.

د بهرنیو چارو وزارت په خبرپاڼه کې راغلي، چې اتمر د اسلامي نړۍ د همکارۍ غوښتنه وکړه.

شیخ عیسی ډاډ څرګند کړی، چې جرم او تروریزم په اسلام کې هیڅ ځای نلري او جنایي او تروریستي اعمال باید اسلام ته منسوب نشي.

هغه زیاته کړې: دا زمونږ مسوولیت دی، چې په افغانستان کې د جګړې د پای ته رسولو او د سولې په خوندي کولو کې مرسته او همکاري وکړو.

شیخ عیسی ژمنه وکړه چې په نږدې راتلونکي کې به د اسلامي نړۍ نفوذ لرونکي عالمان، مفکرین، پوهان او مفتیان سره راټول او د افغانستان کړکېچ ته بنسټیزه حللاره ومومي.

د اسلامي نړۍ د اړیکو مشر څرګنده کړې، چې د کنفرانس پایله باید تاریخي او پرېکنده وي. د کنفرانس د پرېکړو او پایلو د څارنې او پلي کولو لپاره به ځانګړی میکانیزم په نظر کې ونیول شي او د دې لپاره، چې کنفرانس ټولګډونه او ډاډمن شي؛ طالبانو ته به هم بلنه ورکړو، چې په دې ستر تاریخي او دیني کنفرانس کې ګډون وکړي.

Continue Reading

تازه خبرونه

وسلوالو طالبانو په بدخشان ولایت کې له پاڅونوالو یو شمېر کلي نیولي

Ariana News

خپور شوی

په

توسط

(Last Updated On: January 21, 2021)

د بدخشان ولایت د ارګو ولسوالۍ پر ځینو برخو د وسلوالو طالبانو په برید کې یو شمېر کلي د سیمه ییزو ځواکونو له واکه وتلي دي.

د بدخشان د پولیسو ویاند ثناالله روحاني منلې، چې په ارګو ولسوالۍ کې پېنځه کلي، چې تازه تر څارنې لاندې راغلي وه او سیمه ییزو پاڅونوالو ترې ساتنه کوله؛ پرون بیا د طالبانو لاس ته لویدلي دي.

ثنا الله روحاني زیاته کړې؛ د افغان ځواکونو او طالبانو تر منځ په نښتو کې دوه پاڅونوال وژل شوي او د یوه پولیس په ګډون درې نور ټپیان دي.

هغه دا هم ویلي، چې امنیتي ځواکونو د ولسوالۍ مرکز ته شاتګ کړی دی.

دغه راز طالبانو ویلي، چې تېره شپه په ارګو ولسوالۍ کې یو ملکي وګړی د افغان ځواکونو لخوا وژل شوی دی.

ځايي چارواکو تر دې دمه پدې اړه څه ندي ویلي.

Continue Reading

Trending

آریانا نیوز. کلیه حقوق محفوظ است