Connect with us

تازه خبرونه

ازبکستان به ډېر ژر له افغانستان سره په سوداګرۍ کې د پاکستان ځای خپل کړي

Ariana News

خپور شوی

 په

(Last Updated On: مرغومی ۱۲, ۱۳۹۶)

د سوداګرۍ خونې مرستیال وایي، ازبکستان د افغانستان سوداګرو ته له ترانزیتي اړخه ډېر ارزښت لري؛ ځکه، نو ډېر ژر به دغه هېواد له افغانستان سره په سوداګرۍ کې د پاکستان ځای خپل کړي.

د سوداګرۍ خونې مرستیال خانجان الکوزی زیاتوي؛ له افغانستان سره د ازبکستان سوداګري  ورځ تربلې د پراخیدو په حال کې ده او  پنځوس سلنه هغه توکې، چې له پاکستان څخه وارد یږي له دې وروسته به یې سوداګري له ازبکستان څخه پیل شي.

د ښاغلي الکوزي د څرګندونو له مخې؛ ازبکستان  افغانستان ته هم نږدې دی او هم د سوداګرۍ او ترانزیت له پلوه د ډېر ازښت وړدی. هڅه کوو، چې د سوداګرۍ د زیاتوالي په واسطه کلنۍ راکړه ورکړه مو یو نیم میلیارد دالرو ته ورسوو.

د اقتصادي چاروکارپوهان هم په دې باوردي، چې که د ازبکستان او منځنۍ آسیا له هېوادونوسره مو اړیکې پراخي شي؛ نو د سوداګرۍ له انحصاره به خلاص شو.

د اقتصادي چارو کارپوه تاج محمد تلاش ویلي؛ سوداګر او افغان حکومت اوس باید هڅه وکړي، چې له ازبکستان څخه په ځانګړي توګه د منځنۍ آسیا  له هېوادونوسره اړیکي پراخي کړي. دا کار مو د سوداګرۍ او د هېواد په اقتصادي اړیکو کې مهم رول لوبوي.

د یادوني وړده، چې دم ګړۍ مو له ازبکستان سره کلنۍ راکړه وکړه ۴۰۰ میلیون دالروته رسیږي، چې د دغې خونې د څرګندونو له مخې به د روان میلا دي کال تر پایه دغه کچه یو نیم میلیارد دالرو ته لوړه شي.

خبریال: اسلم حجاب

تازه خبرونه

د ملګرو ملتونو امنیت شورا پر جلال آباد زندان د داعش برید محکوم کړ

Ariana News

خپور شوی

په

توسط

(Last Updated On: زمری ۱۶, ۱۳۹۹)

د افغانستان دفاع وزارت په ډاګه کړې، چې ځانګړیو افغان ځواکونو تېره شپه په کونړ کې د ننګرهار پر مرکزي زندان د برید سمبالوونکی او هېواد ته له بهره د بهرنیو داعش جنګیالیو د رالیږدولو مسوول نیولی دی.

د یاد وزارت په اعلامیه کې راغلي، چې د هېواد کماندو ځواکونو تېره شپه په کونړ ولایت کې د داعش جنګیالیو یوه اړین قومندان محمد سعید د محمد افضل زوی نیولی دی.

د دغې سرچینې د څرګندونو له مخې؛ هغه د بهرنیو داعشیانو کورنۍ افغانستان ته رادننه کولې او هم یې په جلال آباد ښار کې د وروستي برید مشري پر غاړه لرله.

داعش ویلي؛ د یکشنبې پر ماښام د دوی یوولس جنګیالیو د ۴ تاجکانو، درې هندیانو، درې افغانانو او یو پاکستاني په ګدون پر ننګرهار زندان ډله ییز برید تر سره کړ، چې په کې ۳۰ کسان ووژل شول او ۵۰ نور ټپیان دي.

د دغه برید پر مهال، چې ۱۸ ګړۍ روان وساتل شو؛ د زندان له ۱۷۰۰ بندیانو څخه سلګونه یې پر تېښته بریالي شول.

تېره ورځ د افغانستان د ولسي جرګې غړي عبدالکریم کریمي منلې، چې د ننګرهار له زندانه ۸۰۰ بندیان تښتیدلي دي.

هغه زیاته کړې، چې د جګړې په بهیر کې د زندان له  ۱۷۰۰ بندیانو څخه یوازې ۵۰۰ پاتې دي؛ نور ټول له ندندانه ووتل، چې یوازې ۴۰۰ یې بېرته نیول شوی دي.

د نوموړي د څرګندوړنو له مخې؛ په ۸۰۰ تښتیدلیو بندیانو کې د داعش او طالب په ګډون جنایي مجرمان هم ول.

د چارواکو په وینا؛ په دې زندان کې پرسیاسي او جنایي بندیانو سربېره  طالب او داعش غړي هم ساتل کیدل.

Continue Reading

تازه خبرونه

پر ننګرهار زندان د برید سمبالوونکی په کونړ کې ونیول شو

Ariana News

خپور شوی

په

توسط

(Last Updated On: زمری ۱۵, ۱۳۹۹)

د افغانستان دفاع وزارت په ډاګه کړې، چې ځانګړیو افغان ځواکونو تېره شپه په کونړ کې د ننګرهار پر مرکزي زندان د برید سمبالوونکی او هېواد ته له بهره د بهرنیو داعش جنګیالیو د رالیږدولو مسوول نیولی دی.

د یاد وزارت په اعلامیه کې راغلي، چې د هېواد کماندو ځواکونو تېره شپه په کونړ ولایت کې د داعش جنګیالیو یوه اړین قومندان محمد سعید د محمد افضل زوی نیولی دی.

د دغې سرچینې د څرګندونو له مخې؛ هغه د بهرنیو داعشیانو کورنۍ افغانستان ته رادننه کولې او هم یې په جلال آباد ښار کې د وروستي برید مشري پر غاړه لرله.

داعش ویلي؛ د یکشنبې پر ماښام د دوی یوولس جنګیالیو د ۴ تاجکانو، درې هندیانو، درې افغانانو او یو پاکستاني په ګدون پر ننګرهار زندان ډله ییز برید تر سره کړ، چې په کې ۳۰ کسان ووژل شول او ۵۰ نور ټپیان دي.

د دغه برید پر مهال، چې ۱۸ ګړۍ روان وساتل شو؛ د زندان له ۱۷۰۰ بندیانو څخه سلګونه یې پر تېښته بریالي شول.

تېره ورځ د افغانستان د ولسي جرګې غړي عبدالکریم کریمي منلې، چې د ننګرهار له زندانه ۸۰۰ بندیان تښتیدلي دي.

هغه زیاته کړې، چې د جګړې په بهیر کې د زندان له  ۱۷۰۰ بندیانو څخه یوازې ۵۰۰ پاتې دي؛ نور ټول له ندندانه ووتل، چې یوازې ۴۰۰ یې بېرته نیول شوی دي.

د نوموړي د څرګندوړنو له مخې؛ په ۸۰۰ تښتیدلیو بندیانو کې د داعش او طالب په ګډون جنایي مجرمان هم ول.

د چارواکو په وینا؛ په دې زندان کې پرسیاسي او جنایي بندیانو سربېره  طالب او داعش غړي هم ساتل کیدل.

Continue Reading

تازه خبرونه

په افغانستان کې پر کرونا ۱۰ میلیون کسان اخته شوي- روغتیا وزارت

Ariana News

خپور شوی

په

توسط

(Last Updated On: زمری ۱۵, ۱۳۹۹)

د عامې روغتیا وزارت د موندنو له مخې؛ په ټول افغانستان کې پر کرونا ویروس لس میلیون کسان اخته شوي دي.

د عامې روغتیا وزارت ویلي؛ د ولسمشر د لارښوونې له مخې په هېواد کې یې پر کرونا ویروس د اخته کسانو د شمېر پیداکولو په موخه سروې ترسره کړه، چې ښیي د هېواد ۳۱ اعشاریه پېنځه سلنه اوسیدونکي پر کرونا اخته شوي دي.

د عامې روغتیا وزارت چارسمبالي زیاته کړې؛ په دې سروې کې د هېواد څلور دېرش ولایتونه پر نهه زونونو وېشل شوي، چې په دې کې د کابل ۵۳ سلنه اوسیدونکي، د ختیځو ولایتونو ۴۲،۹ سلنه، په مرکزي ولایتونو کې ۳۶،۳ سلنه، په لودیځو ولایتونو کې ۳۴،۱ سلنه او په شمال ختیځو ولایتونو کې ۳۲،۴ سلنه اوسیدونکي پر کرونا ویروس اخته شوي دي.

د عامې روغتیا وزارت چارسمبالي ویلي، چې دا سروې په ۹ زونونو او څلور دېرش ولایتونو کې پر ۱۱ زره او ۵۰۰ کسانو شوې، چې ښیي د هېواد یو دېرش اعشاریه پېنځه سلنه اوسیدونکي پر دغه ویروس اخته شوي دي.

د عامې روغتیا وزارت د څرګندونو له مخې؛ په ښارونو کې پر کرونا ویروس د اخته کسانو سلنه اووه  دېرش او په کلیو کې اووه ویشت ده.

په دې کې ۳۲ سلنه ښځې او ۲۹ سلنه نرینه دي.

 د عامې روغتیا وزارت چارسمبالی احمد جواد عثماني وایي: ترسره شوې سروې د منګ او عمر له مخې په دوه برخو کې شوې، چې په لومړۍ برخه کې پر له ۵ تر ۱۷ کلنو ماشومانو آزموینه شوې او په دوه یمه برخه کې له ۱۸ کلونو پر پورته عمر لرونکیو کسانو، چې پر کرونا د ټولو اخته کسانو له ډلې ۳۵،۲ سلنه د لوړ عمر کسان  او ۲۵،۳ سلنه ماشومان دي. همدا راز د خپرو شویو معلوماتو له مخې په لویانو کې ۳۳،۹ سلنه نرینه او ۳۷،۲ سلنه ښځې پر کرونا اخته شوې دي او په ماشومانو کې ۲۴،۲ سلنه هلکان او ۲۶،۸ سلنه نجونې پر کرونا ویروس اخته شوې دي.

نوموړي زیاته کړې؛ د نړیوالو معیارونو له مخې که د یوه هېواد ۴۲ سلنه وګړي دا ناروغي تېره کړي کتلوي معافیت رامنځته کیږي، چې افغانستان دغه معیار ته ندی رسیدلی او جدي اړتیا ده، چې خلک روغتیایي سپارښتنې په پام کې ونیسي، چې د کرونا ویروس دوه یمه څپه په هېواد کې خپره نشي.

Continue Reading

Trending