Connect with us

تازه خبرونه

ارګ د انقرې ناستې ته د ملي اجماع په لټه کې دی

خپور شوی

 په

(Last Updated On: کب ۲۱, ۱۳۹۹)

ځینو سیاستوالو ویلي، چې ولسمشرغني له ځینو سیاسي څېرو سره د سولې بهیر په اړه مشورتي ناسته جوړه کړې او غواړي، چې د انقرې ناستې ملي اجماع را منځته کړي.

د امریکا د بهرنیو چارو وزیر له لیک او د ټولګډنه حکومت جوړولو د طرحې له څرګندېدو وروسته اوس ولسمشرۍ ماڼۍ له سیاسي څېرو سره د سولې په خبرو کې د واحدې طرحې د را منځته کولو په خاطر ناسته تر سره کړه.

ولسمشر اشرف غني د چارشنبې پر ماښام له ځینو سیاسي څېرو سره مشورتي ناسته جوړه کړه، چې په کې د ملي پخلاینې عالي شورا مشر، د ملي شورا د دواړو جرګو مشرانو، عبدرب رسول سیاف، مارشال دوستم، سید منصور نادري، محمد محقق، عطا محمد نور، محمد یونس قانوني، جمعه خان همدرد، ذبیح الله مجددي، د ولسمشر مرستیالانو او د سترې محکمې مشر په کې ګډون کړی و.

د ولسمشر ویاند  دوا خان مینه پال ویلي: په دې ناسته کې د هېواد پر امنیتي وضعیت، د ملي اجماع پیاوړتیا او د مشورتي ناستو پر پرلپسې تر سره کولو ټینګار شوی دی.       

یوشمېر سیاستوال وایي، چې دا ناسته د انقرې ناستې لپاره د واحدې طرحې په را منځته کېدو متمرکزه وه، چې ټاکل شوې د مارچ پر ۲۷ جوړه شي.

عطامحمد نور ته نږدې ستار مراد ویلي: د ناستې چاپېریال داسې جو شوی و، چې په کې ان دولتي مشران د سولې غوښتونکي او د جګړې د درولو غوښتونکي وه. د سولې پر داسې طرحې  پرېکړه وشوه، چې د انقرې په ناسته کې پرې ژر پایلې ته ورسیږي.            

ویل کیږي، چې ولسمشر د سولې په اړه له تازه تحولاتو وروسته په دې هڅه کې دی، چې د مطرحو سیاسي څېرو له راټولولو سره په دې بهیر کې د دولت دریځ پیاوړی کړي.

جمعه جان همدرد ته نږدې  فیض الله ساپي وایي: په ټولیزه توګه یوه مشورتي ناسته وه، د افغانستان پر اړینو سیاسي مسایلو راوڅرخېده؛ خو د ځانګړې پرېکړې ناسته نه وه. یوازې د ملي اجماع د رامنځته کېدو لپاره یوه مشورتي ناسته وه.        

په دې ناسته کې حامد کرزی، محمد کریم خلیلي، صلاح الدین رباني، ګلبدین حکمتیار، سید حامد ګیلاني او یوشمېر نورو سیاسیونو ګډون نه وکړی.

ارګ ویلي، چې دا ډول ناستې به روانې وي او ولسمشر به له نورو سیاسي څېرو سره هم ورته مشوره ولري.

تازه خبرونه

خلیلزاد د امریکا او طالبانو(ا.ا) تر منځ بې باوریو ته ګوته ونیوله

خپور شوی

په

توسط

(Last Updated On: لړم ۱, ۱۴۰۰)

د افغانستان د سولې لپاره د امریکا پخواني ځانګړي استازي زلمي خلیلزاد ویلي؛ سره له دې، چې په دوحه کې د امریکا او طالبانو ترمنځ هوکړه لاسلیک شوی؛ خو اوس هم د دواړو لوریو ترمنځ د بې باورۍ فضا د ټینګار وړ ده.

خلیلزاد له یوې امریکايي رسنۍ سره په مرکه کې څرګنده کړې؛ د طالبانو پر څرګندونو د امریکا د بې باورۍ له کبله اړتیا ده، چې د هغوی هڅې وڅارل شي.

زلمي خلیلزاد ویلي: لکه څرنګه، چې ما مخکې هم یادونه کړې اوسمهال زمونږ تر ټولو لویه ستونزه پر هغوی بې باوري ده. یعنې دا په دې معنا ده؛ هغه څه، چې اوسمهال یې دوی وايي، باید باور ورباندې ونکړو. د امریکا د بې باورۍ په تړاو هغه څه، چې طالبان په تېره بیا له ترهګرۍ سره د مبارزې په تړاو وايي؛ اړینه ده، د هغوی کړنې وڅارل شي.

خلیلزاد د دغې پوښتنې په ځواب کې، چې طالبان د ډیموکراټیک نظام اساساتو په تیره بیا د ښځو حقونو او نجونو زدکړو ته ژمن ندي؛ ويلي، د ښځو حقونو او د نجونو زدکړو په تړاو د طالب مشرانو تر منځ د

نظر اختلاف شته.

 نوموړي په دې اړه زیاته کړې: زه فکر کوم د نجونو د زدکړو په تړاو د طالب مشرانو تر منځ د نظر اختلاف شته؛ مونږ نشو کولی ووايو، چې ټول طالب مشران پر یوه نظر دي. اوسمهال د افغانستان په ۳ تر څلور ولایتونو کې له شپږم ټولګي پورته د ښوونځیو دروازې د نجونو پر مخ پرانیستې دي.

د افغانستان د اسلامي امارت ویاند د خلیلزاد څرګندونې پاروونکې بولي او د دوحې د هوکړې پر پلي کېدو یې په داسې حال کې ټینګار کړی، چې په وینا یې امریکا له هوکړې سرغړونې کړې دي.

دا په داسې حال کې ده، چې یوه اوونۍ مخکې زلمي خلیلزاد د افغانستان د سولې لپاره د امریکا د ولسمشر د ځانګړي استازي په توګه له خپلې دندې استعفا وکړه او د خپلې دندې پریښودو دلیل یې له افغانستان څخه د ټولو امریکايي سرتېرو د وتلو او په افغانستان کې د ۲۰ کلنۍ جګړې د پای ته رسولو ماموریت بشپړېدل یاد کړل.

Continue Reading

تازه خبرونه

اسلامي امارت دې د هېوادني زعفرانو تولید او سوداګرۍ له پامه نه غورزوی

خپور شوی

په

توسط

(Last Updated On: لړم ۱, ۱۴۰۰)

د خصوصي سکتورغړي  له اسلامي امارته غواړي، چې د زعفرانو او نورو کرنیزو محصولا تو لپاره بېرته هوايي د هلیزو نه فعال کړي.

د هېواد د زعفرانو تولیدوونکيو او سوداګرو ويلي؛ که حکومت د زعفران سکتور ته  پاملرنه ونکړي، نو ښايي په نږدې راتلونکي کې د افغانستان د دغه  ګران بیه بوټي تولید او سوداګرۍ پای  ته ورسیږي.

د افغانستان د زعفرانو د تولید ټو لني غړيو ويلي،  چې په تېره دوه کلونو کې د کرونا وایروس او سیاسي بدلونونو له کبله د هېواد د زعفرانو سکتور ته هیڅ  پاملرنه نده شوي؛ نو، ځکه سوداګري او تولیدي چاري د له منځه تلو سره مخ دي.

د زعفرا نو تولیدوونکي زیاتوي، چې د کرونا له کبله مو په کور دننه او بهر مارکیټ له لاسه وتلی؛ خو د دې سکتور د ژوندي ساتلو لپاره د حکومت کاري هڅې اړینې دي.

د زعفرانو صادروونکی عبدالبصیر عظیمي وایي: مونږ تولید درلود؛ خو د کرونا له کبله مو صادرات بند ول. اوس کو تولید او صادرات دواړه د بندېدو له زیان سره مخ دي او که راته د هوايي دهلیزونو زمینه برابره نشي؛ نو ښايي د زعفرانو کښت او جوړ سیسټم بند او له منځه ولاړ شي.

 د افغانستان د کرنې او مالدارۍ خونې مسوولین هم  له اسلامي امارته غواړي،  چې  د کرنیزو محصولاتو د صادرا تو لپاره مټې رابډوهي او پام ورواړوي.

دوی څرګندوي؛ د افغانستان زعفرانو په دې روستیو کې د خوند او کفیت په سیالۍ کې پر نړیواله کچه ځانته لومړی مقام  ګټلی دی.

د کرنې او مالدارۍ خونې مرستیال میرویس حاجي زاده وایي: زمونږ زعفرانو په تېرو څلور کلونو کې پرلپسې په نړیواله سیالي کې لومړی مقام تر لاسه کړی، چې اوس يي حالت سخت له ستونزو سره مخ دي باید ورته د صادراتو زمینه برابره شي.

د ا قتصادي چاروکارپوهانو هم د کرنې او مالدارۍ له وزارته غوښتي، چې د کورنیو کرنیزو محصولا تو د پراختیا  لپاره سوداګریزې هڅي وکړي.

اقتصادي کارپوه سیدالرحمان عمران وایي: زمونږ ځینو کرنیزو محصولاتو په نړیوال مارکیټ ښه نوم درلود او هم په لوړه کچه پیرودونکي لري؛ خو اوس يي مارکیټ د له لاسه  وتلو په حال کې دی، چې باید دې ستونزې ته د بیړنۍ حل لار پیدا شي.

د یادونې ده،  چې د افغانستان زعفرا نو د تولید  کچه نږدې  شلټنو ته  لوړه شوې ده او په دې سکتور کې  په زرګونه هېوادوا ل په مستقیم اونامستقیم  ډول کار کوي.

Continue Reading

تازه خبرونه

امریکا په سوریه کې د القاعده د یو لوړپوړی مشر د وژلو ادعا کړې

خپور شوی

په

توسط

(Last Updated On: لړم ۱, ۱۴۰۰)

د رویټرز د څرګندونو له مخې؛ د جمعې پر ورځ د امریکایي ځواکونو د قومندانۍ ویاند ویلي، چې د دوی د څارګرې الوتکې په یوه برید کې د سوریې د القاعده شبکې یو لوړ پوړی مشر عبدالحمید المطار وژل شوی.

د هغه په ​​وینا، دغه هوایي برید د رقه ولایت د سالوک ښار په تل ابیض کې رامنځته شوی دی.

د امریکا د پوځ لوی درستیز جان ریګزبي څرګنده کړې: د القاعدې د دغه لوړ پوړي مشر له منځه وړل به پر امریکایي وګړیو، متحدینو او بې ګناه ملکي وګړي د تروریستي ډلې نړیوال بریدونه او ګواښونه وځنډوي.

دا برید د سوریې په جنوب کې د امریکا پر یوه پوځي مرکز له برید دوه ورځې وروسته  ترسره شوی دی.

د رویټرز د څرګندونو له مخې؛ خو ریګزبي ندي ویلي، چې د ډرون دا برید د غچ اخیستنې لپاره رامنځته شوی دی.

Continue Reading

Trending

آریانا نیوز: ټول حقونه خوندي دي