Connect with us

تازه خبرونه

اروپایي ټولنه د افغانستان له سیلاب ځپلیو سره مرسته کوي

Ariana News

خپور شوی

 په

(Last Updated On: وږی ۲۵, ۱۳۹۹)

اروپايي اتحادیې په هېواد کې د وروستیو سیلابونو قربانیانو ته لږ تر لږه ۱۵۰ زره یورو بشري مرسته ځانګړې کړې ده.

دې ادارې په ډاګه کړې، چې په کاپیسا، میدان وردګ، پکتیکا، پنجشېرر او پروان ولایتونو کې به پر۳۵۰۰۰ سیلاب ځپلیو کورنیو بېړنۍ مرستې ووېشل شي.

د د غه بنسټ د څرګندونو له مخې؛ دا مرستې د اروپایي ټولنې له بېړنيو مرستو رسولو له صندوق سره تر سره کیږي، چې د سره صلیب او سرې میاشتې نړیوال فدراسیون لخوا له طبیعي پېښو څخه زیانمنو ته رسیږي.

د دې بنسټ په اعلامیه کې راغلي، چې د افغانستان سرې میاشتې ټولنه به د اروپايې اتحادیې دغه مرسته بېړنۍ مرسته پر سیلاب ځپلیو کورنیو ووېشي.

په اعلامیه کې راغلي: په افغان ټولنه کې د پلارواکۍ فرهنګ ته په پاملرنه دغه پروګرام د جنسیتي حساسیت په نظر کې نیسي، چې ښځو او نرینه وو ته د برابر او خوندي لاسرسي زمینه برابروي؛ ځکه، چې د کرونا ویروس راڅرګندیدل اوس هم یو مهم ګواښ دی. شخصي محافظتي تجهیزات لکه ماسکونه، دستکشې او لاسي صنایع به د مرستو د یوې برخې په توګه ووېشل شي.

دا په داسې حال کې ده، چې تېره میاشت په ۱۴ ولایتونو کې سیلابنه راوتل او په زرګونه کورونه یې ویجاړ او خلک زیانمن  کړل.

د دغه بنسټ د څرګندونو له مخې؛ دغو سیلابونو کورونه، کرنیزې ځمکې تباه کړي او د کورنیو معیشت او د خوراکي توکو پر امنیت یې منفي اغېز کړی دی.

تازه خبرونه

په هند کې د کرونا ویروس مثبتې پېښې له ۶ میلیون پورته شوې

Ariana News

خپور شوی

په

توسط

Reuters
(Last Updated On: تله ۷, ۱۳۹۹)

په هند کې له تېرو څلیریشت ګړیو راپدیخوا د کروانا ویروس ۸۲۱۷۰ مثبتې پېښې ثبت شوي، چې له دې سره یې ټول شمېر له ۶ میلیون ناروغانو واوښت.

د هند روغتیا وزارت په ډاګه کړې، چې په دې هېواد کې د دغه ویروس د مثبتو پېښو شمېر اوس ۶۰۷۴۷۰۳ ته رسیدلی دی.

دغه راز په تېرو څلیریشت ګړیو کې لږ تر لږه ۱۰۳۹ پر کرونا اخته ناروغان مړه شوي، چې ور سره په هند کې له دې ناروغۍ د مړو شویو ټول شمېر ۹۵۵۴۲ ته ورسیده.

د کرونا ناروغي په هند کې، چې د نړۍ دوه یم ډېر وګړي لرونکی هېواد دی؛ اوس د نړۍ له بل هر ځای څخه ترې د دې ویروس د ګړندۍ ودې راپورونه خپریږي.

ویل کیږي، چې پدې هېواد کې به په راتلونکیو څو اوونیو کې پر کرونا د اخته کسانو شمېر له امریکا، چې اوسمهال یې پر کرونا د اخته کسانو شمېر ۷.۱ رسیږي؛ هم ډېر شي.

د جان هاپکنز پوهنتون د څرګندونو له مخې؛ په نړۍ کې په هرو درې نویو پېښو کې او د مړینو په هرو پېنځه پېښو کې یو یې د هندوستان دی.

Continue Reading

تازه خبرونه

داکتر عبدالله پاکستان ته د اړیکو د نوي فصل د پرانستې په نیت سفر کړی

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله نن دوشنبه سهار وختي اسلام اباد ته د خپل درې ورځني سفر پر مهال ویلي، چې په دې سفر کې به د افغانستان او پاکستان لپاره یو نوی څپرکی پرانستل شي او له پاکستاني چارواکو سره به د افغانانو ترمنځ د خبرو اترو په اړه هم نظرونه تبادله کړي.

عبدالله عبدالله په یوه تویت کې څرګنده کړې: زه هیله من یم، چې دا لیدنه به په ټولو برخو کې د متقابلې همکارۍ نوی څپرکی پرانیزي او په ځانګړي توګه به په افغانستان کې تلپاتې او له درناوي ډکې سولې ته زمینه برابره کړي.

هغه دا هم منلې، چې د دوشنبې پر ورځ يې د یو لوړپوړي پلاوي په ملتیا اسلام آباد ته درې ورځنی سفر کړی دی.

عبدالله په ډاګه کړې، چې هغه به د پاکستان له لومړي وزیر عمران خان، ولسمشر عارف علوي ، د مشرانو جرګې مشر، د ملي شورا مشر، د بهرنیو چارو وزیر او نورو شخصیتونو سره وویني.

د پاکستان د بهرنیو چارو وزارت د یکشنبې پر ورځ څرګنده کړې وه، چې عبدالله به په اسلام آباد کې د ستراتیژیکو مطالعاتو انستیتوت ته یو هر اړخیزه یادونه هم وړاندې کړي.

دا له ۲۰۰۸ زېږدیز کال راپدیخوا پاکستان ته د عبدالله عبدالله لومړی سفر دی.

د پاکستان د بهرنیو چارو وزارت ویلي؛ دا لیدنه به نه یوازې د افغانستان د سولې بهیر او د پاکستان – افغانستان دوه اړخیزې اړیکې پیاوړې کړي، بلکې د خلکو تر منځ د اړیکو پیاوړتیا او لیدنو ته به هم زمینه برابره کړي.

پاکستان له افغانستان سره د ورورۍ اړیکو ته ډېر ارزښت ورکوي؛ ځکه، چې  ګډه تاریخ، عقیده، فرهنګ، ارزښتونه او دودونه لرو.

د دوی د څرګندونو له مخې؛ پاکستان د افغانانو د سولې، ثبات او هوساینې لپاره له هر راز هڅو بشپړ ملاتړ کوي. د داکتر عبدالله عبدالله لیدنه به د دواړو هېوادونو تر منځ اړیکې، ورورګلوي او نږدې همکاري نوره هم  پیاوړې او ورسره مرسته وکړي.

Continue Reading

تازه خبرونه

عبدالله عبدالله د سولې خبرو د پیاوړتیا لپاره پاکستان ته سفر کوي

Ariana News

خپور شوی

په

توسط

(Last Updated On: تله ۶, ۱۳۹۹)

ټاکل شوې، چې سبا د ملي پخلاینې عالي شورا د مشر عبدالله عبدالله په مشرۍ دوه پنځوس کسیز پلاوی د پاکستان پلازمېنې اسلام آباد ته سفر وکړي.

د ملي پخلاینې عالي شورا مشر د سپتمبر پر اته ویشتمه اسلام آباد ته ځي او ټاکل شوې، چې د خپلمنځي خبرو په اړه د پاکستان له لومړي وزیر عمران سره خبرې وکړي.

په پام کې ده، چې عبدالله عبدالله به د پاکستان له لوی درستیز سره د سولې خبرو پر پیاوړتیا هم وغږیږي.

ځينې د نظر خاوندانو ويلي، چې پاکستان کولی شي پر طالبان فشار راوړي او په خپلمنځی خبرو کې رامنځته شوې ستونزه حل کړي.

د ملي پخلاینې عالي شورا ویاند فریدون خوځون څرګنده کړې، چې له عبدالله عبدالله سره د هغه د دوه مرستیالانو په ګډون دوه پنځوس کسیز پلاوی هم ملتیا کوي.

د سولې په چارو کې د دولت وزیره فرخنده زهرا نادري، سید اسحاق ګیلاني، مصطفی مستور هم د دغه پلاوي غړي دي او محمد معصوم ستانکزی او محمد ناطقي به له قطر څخه په اسلام آباد کې له دغه پلاوي سره مل شي.

د نظر ځينې خاوندان په دې باور دي، چې که پاکستان پر طالبانو فشار راوړي؛ کیدای شي په خپلمنځي خبرو کې رامنځته شوې ستونزې حل شي.

دا په داسې حال کې ده، چې ولسمشر غني د شنبې پر ورځ له عمران سره په خبرو کې پر اوربند ټینګار کړی او هغه ته یې د کابل د سفر بلنه ورکړې او دا غوښتنه منل شوې ده.

Continue Reading
Advertisement

Trending