Connect with us

تازه خبرونه

اجرائیه رییس سویس ته دوه ورځني سفر کړی

Ariana News

خپور شوی

 په

(Last Updated On: February 25, 2018)

د اجرائیه ریاست د رسنیو دفتر په ډاګه کړې، چې د ملي وحدت حکومت اجرائیه رییس داکترعبدالله عبدالله تېره شپه په دوه ورځني سفر د ملګرو ملتونو د بشر حقونو نړیوالې شورا په ۳۷ کلنۍ ناسته کې د ګډون په موخه د یو پلاوي په مشرۍ سویس ته ولاړ.

د اجرائیه ریاست څخه په خپره شوې خبرپاڼه کې راغلي، چې اجرائیه رییس به په دې سفر کې د ملګرو ملتونو د سرمنشي او د یوشمېر هېوادونو له مشرانو سره  د افغانستان د روان وضعیت په اړه هم خبرې وکړي.

په دې سفر کې اجرائیه رییس د سویس په غونډه کې پر وینا سربېره د پرسونل ضد ماینونو د کارونې د مخنیوي په نړیواله ناسته کې هم د ملي وحدت حکومت په استازیتوب ګډون کوي.

په خبرپاڼه کې دا هم راغلي، چې په دې غونډه کې به اجرائیه رییس د ملګرو ملتونو له عمومي منشي انتونیو ګوترش، د ملګرو ملتونو د بشري حقونو له لوی کمیشنر زید رعدالحسین او یو شمېر نورو چارواکو سره هم وګوري.

د ژنیو د پرسونل ضد ماینونو د مخنیوي په اړوند غونډه کې د نړۍ د بېلابېلو هېوادونو استازي ګډون کوي.

په افغانستان کې اوس مهال د ماین پاکۍ لسګونه موسسې فعاله دي؛ خو افغانستان له ښخ شویو ماینونو څخه په روانه جګړه کې پاک شوی نه دی.

دغه راز اجرائیه رییس به د سفر پر مهال په ژنیو کې د افغانستان د امنیتي وضعیت او پر نړۍ او سیمې یې د ثبات او سولې اغېز تر سرلیک لاندې هم وینا ولري.

دا لومړی ځل دی، چې د هېواد اجرائیه رییس به د ملګرو مالونو د بشر حقونو نړیوالې شورا کې د یو تازه غړي په توګه وینا کوي.

تازه خبرونه

په افغانستان کې سوله به د سیمې سوداګرۍ ته وده ورکړي -عمران خان

Ariana News

خپور شوی

په

توسط

(Last Updated On: October 30, 2020)

د پاکستان لومړي وزیر عمران خان ویلي، چې په افغانستان کې سوله او ثبات به د ټولې سیمې لپاره ګټور وي او ورسره به نور اقتصادي فرصتونه هم رامنځته شي.

نوموړي د پنجشنبې پر ورځ د افغانستان د سوداګرۍ او صنایعو وزارت له چارسمبالی نثار احمد فیضي غوریاني سره په کتنه کې ویلي: په افغانستان کې سوله به د سیمه ییزو اړیکو د پراختیا او د اقتصادي همکاریو د نويو فرصتونو په برابرولو کې د ټولې سیمې لپاره ګټوره وي.

د پاکستان لومړي وزیر څرګنده کړې؛ پاکستان او افغانستان ښه ډېر اقتصادي فرصتونه لري، چې په ​​وینا یې  یوازې د اقتصاد او سوداګرۍ په برخو کې د همکارۍ له لارې ترلاسه کیدی شي.

عمران خان همدارنګه په افغانستان کې د سولې او ثبات لپاره د پاکستان دوامداره ملاتړ تکرار کړ او د خبرو اترو د سیاسي جوړجاړي پر اړتیا یې ټینګار وکړ.

دغه راز نثار احمد فیضي غوریاني د سولې له بهیره څخه د پاکستان له ملاتړ او د دواړو حکومتونو تر منځ د اقتصادي او سوداګریزو اړیکو د پراختیا له هڅو مننه وکړه.

غوریاني، چې د پاکستان – افغانستان ۲۰۲۰ د سوداګرۍ او پانګونې په ناسته کې د ګډون لپاره اسلام آباد ته تللی؛ د دغه هېواد له لوړ پوړیو چارواکو سره یې لیدلي او د دواړو هېوادونو پر ترانزیتي مسلو او سوداګرۍ یې هر اړخیزې خبرې کړي.

Continue Reading

تازه خبرونه

د سولې خبرو بنسټ باید قرآن کریم او اسلامي شریعت وي – اشرف غني

Ariana News

خپور شوی

په

توسط

(Last Updated On: October 29, 2020)

ولسمشر اشرف غني د اسلام د ستر پیغمبر د زوکړې نمانځغونډې ته په خبرو کې ویلي؛ طالبان څلوېښت کاله د دین په نامه وجنګېدل، خو اوس یې د اسلامي شریعت د احکامو پر ځای له امریکا سره تړون د سولې خبرو بنسټ ګرزولی دی.

ولسمشر غني د اسلام د ستر پیغمبر د زوکړې نمانځغونډې ته، چې په کې یو شمېر دیني عالمانو او امنیتي ځواکونو برخه اخیستې وه ویلي؛ د افغان حکومت بنسټ اسلامي شریعت دی او طالبان باید قرآن او اسلامي شریعت د افغانستان د سولې خبرو اترو بنسټ وګرزوي.

ولسمشر اشرف غني وايي: هغو، چې ۲۰ کاله د دین پر نوم جګړه وکړه؛ اوس وایي، د امریکا تړون. رادې شي د هېواد له دیني عالمانو سره دې خبرې وکړي او نظرونه دې تبادله کړي.

اشرف غني زیاته کړې؛ له سولې پرته، هیڅ څیز د جګړې له لارې تر لاسه کیدی نشي او په اوسني وضعیت کې د افغانانو د وینو تویول جایز ندي.

ولسمشر غني د تاوتریخوالي دوام ته په نغوته او اشاره کې خپل دا ټینګار هم څرګند کړی، چې د افغان حکومت د وېش هره هڅه به ناکامه وي.

 

دغه راز د میلاد نبې نمانځغونډې ته د ارشاد، حج او اوقافو وزارت چارسبمالی قاسم حلیمي ویلي، اسلامي نړۍ د افغانستان اوسنۍ جګړه حرامه نومولې او د دې جګړې پر وړاندې یې د افغان سرتېرو مبارزه شرعي جګړه ګڼلې ده.

په هېواد کې د تاوتریخوالي پېښې دوام لري، چې قرباني یې ملکیان او افغان ځواکونه ورکوي. په داسې حال کې، چې دیني عالمان سولې ته د رسېدو او د شخړو د پای لپاره د پیغمبر (ص) د سنتو پر ځای کول لړین بولي.

Continue Reading

تازه خبرونه

ځوان افغان کرکت لوبغاړی نور احمد د آسترالیا بیګ باش لیګ ته غوره شو

Ariana News

خپور شوی

په

توسط

(Last Updated On: October 29, 2020)

د افغانستان ځوان کرکت لوبغاړي نوراحمد د آسترالیا د میلبورن رنیګدز له کلب سره د لوبیدو تړون لاسلیک کړی او بیګ باش لیګ ته غوره شوی دی.

یاد کلب د دې اوونۍ په لومړیو کې له محمد نبي سره بیا قرار داد کړی و او دادی دغه کلب نن په ډاګه کړه، چې ۱۵ کلن نور احمد هم ورسره له کابله یوځای کیږي.

د میلبورن رنیګدز مشر روزونکي مایکل کلینګر د نور احمد په اړه ویلي؛ مونږ هغه له تېر یو کال راپدیخوا له نږدې څارو، که څه هم هغه د خپل اړوند کار په لومړیو پړاوونو کې دی، خو د داسې وړتیاوو او مهارتونو لرونکی دی، چې د توپ وهونکي هڅې ستونزمنوي.

نوراحمد د کیڼ لاس توپوهونکی دی، چې په ټوله نړۍ کې د ستاینې وړ ګرزیدلی دی.

نوموړي د دې کال په پیل کې له کارایب غوره لیګ سره تړون لاسلیک کړی او په ۲۰۱۹ د محمد نبي پر سپارښتنه یې د تی ۲۰ جام هم خپل کړ.

افغان کرکت لوبغاړي محمدنبي ویلي؛ د رنیګدز پلویان او د بیګ باش مینوال کیدی شي په دې پړاو کې کې د نور احمد په اړه ډېر څه ونلري؛ خو زه تاسې ته ډاډمنوم، چې هغه د ښې او په زړه پورې وړتیا لرونکی دی. زه احساس کوم، چې یوه روښانه راتلونکې به ولري.

د یادونې ده، چې په دې لیګ کې به دی د شپږم افغان په توګه لوبیږي.

Continue Reading
Advertisement

Trending