Connect with us

لوبی

آریانا ټلویزیون د بیجینګ د پاراولمپیک د خپراوي حق خپل کړ

خپور شوی

 په

(Last Updated On: مرغومی ۲۱, ۱۴۰۰)

بېجينګ به د ۲۰۲۲ زېږدیز کال د فبرورۍ پر څلورمه نېټه په خپل ملي سټيډيم کې د ژمني اولمپيک د څلیریشتمې لوبې څراغ ولګوي او آریانا ټلویزیون به یې په ژوندۍ بڼه له مهالوېش سره سمې خپرې کړي.

همدارنګه به د یادو لوبو د پرانیستې او پای دواړه مراسم په ژوندۍ بڼه خپاره کړي. د دغ ژمنیو المپیک لوبو سیالۍ به دوه اوونۍ ( د فبرورۍ له ۴ څخه تر ۲۰ ) د ۱۵ سیالانو تر منځ روانې وي او د لوبو تر پیلیدو به لومړنۍ هڅې روانې وساتل شي.

د آریانا ټلویزیون نړیوالې شبکې په بیجینګ کې د سږنیو پاراولمپیک سیالیو د خپرونو حق ترلاسه کړی دی.

د اولمپيک نړيوالې کمېټې او په بيجينګ کې د اولمپيک تنظيموونکیو ټينګار کړی، چې لوبې به د کرونا ویروس د خپراوی له وېرې سره سره د پلان له مخې ترسره شي.

آریانا ټلویزیون تېر کال هم د یاد اولمپیک د خپراوي ځانګړي حقونه درلودل، چې په آریانا نیوز کې هم خپرېدې.

د لوبو تنظیموونکي هڅه کوي، چې یوه تړل شوې کړۍ یا تڼاکې ته ورته حباب نومی سیسټم جوړ او په کې به زرګونه ورزشکاران، روزونکي، د لوبډلو چارواکي، د اولمپیک کارمندان، قراردادیان، رضاکاران او ژورنالیستان د لنډ وخت لپاره محدود وي.

تڼاکه به د سیالۍ سایټونه، هوټلونه او د ورزشکارانو لپاره استوګنځي، د رسنیو آسانتیاوې او د ټرانسپورټ شبکه ولري؛ نه بل څوک وردننه کېدی شي؛ او نه ترې وتلی شي.

په پاراولمپیک کې د ګډون لپاره د کرونا واکسین اړین دي او له ورتګ سره سم به هره ورځ ترې څارنه او کتنه کیږي.

د اوړي د اولمپیک په پرتله د ژمني اولمپیک سیالې ډلې لږ دی. په ژمنیو لوبو کې د الپاین سکی، بیاټلون، بوبسلیډ، سارایي سکي، کرلینګ، سکیټینګ، خلاصه سکي، پر کنګل هاکي، لوج، ګډ نورډیک، کنکال، جمپنګ سکي ، سنو بورډینګ او سپیډ سکیټینګ شامل دي.

دغه راز به بېجينګ د نړۍ لومړی ښار شي، چې د دوبي او ژمي د اولمپيک لوبو کوربتوب کوي.

آریانا ټلویزیون به د پرانیستې مراسم د سې شنبې پر ورځ د فبروري پر څلورمه د ماسپښین له ۴ بجو څخه په ژوندۍ بڼه خپاره کړي.

آریانا ټلویزیون به د چارشنبې پر ورځ د فبروري پر ۵ د سهار له ۱۰ بجې څخه د ماسپښین تر ۳ بجو د کرلینګ، آیس هاکي، سنو بورډینګ او سکي جمپنګ، کراس کنټري سکیینګ او بیاټلون سیالۍ او د ماسپښین له ۳ نیمو بجو څخه لنډ ټریک، فری سټایل سکیینګ او چټک سکیټینګ هغه خپرې کړي.

د اولمپیک ډېرې سیالۍ به پر ژوندۍ بڼه خپرې شي.

دغه راز ArianaNews.af به د پرانیستې مراسمو پوره خپاره کړي.

لوبی

افغانستان له نیډرلینډه درې یو ورځنۍ لوبې وګټلې

خپور شوی

په

توسط

(Last Updated On: سلواغه ۶, ۱۴۰۰)

د قطر په پلازمېنه دوحه کې د افغانستان او نیډرلینډ درېیمه یو ورځنۍ لوبه ترسره او افغان لوبډلې د دغې  لړۍ وروستۍ لوبه د ۷۵ منډو پر توپیر وګټله.

افغانستان لومړی د منډو جوړولو پرېکړه وکړه او په پنځوس آورونو کې يې د پېنځه لوبغاړیو له سوزېدو سره هالینډ ته د ۲۵۵ منډو هدف وټاکه.

سیاله لوبډله بریالۍ نشوه، چې ټاکلی هدف پوره کړي؛ په ۴۳ آورونو کې یې ټوله لوبډله وسوزېده او ۱۷۹ منډې یې جوړې کړې.

فغانستان له دې مخکې د دغې لوبلړۍ دواړه تر سره شوې لوبې ګټلې دي.

د افغانستان او نېدرلنډ تر منځ دا لوبې د کرکټ نړیوالې شورا د ۲۰۲۳ کال د نړیوال جام د غوراوي لپاره تر سره کېږي.

افغانستان په درې واړو لوبو کې ۶۰ نومرو پر لرلو د سوپر ليګ په لښتیلیک کې پېنځم ځای خپل کړ.

د جنورۍ پر ۲۱ لومړۍ لوبه افغانستان د ۳۶ منډو په توپیر سره او د جنورۍ پر ۲۳ تر سره شوې دوه یمه لوبه هم افغانستان د ۴۸ منډو په توپیر ګټلې ده.

دغه لوبلړۍ د جنورۍ له ۲۱ پیل شوې وه او د همدې میاشتې پر ۲۵ د افغانستان پر بري پای ته ورسېده.

Continue Reading

لوبی

افغانستان له نیډرلینډه دوه یمه یو ورځنۍ لوبه د ۴۸ منډو پر توپیر وګټله   

خپور شوی

په

توسط

(Last Updated On: سلواغه ۴, ۱۴۰۰)

د افغانستان او نیډرلینډ ترمنځ د درې یو ورځنیو لوبو څخه، چې دوه ورځې مخکې پیل شوي؛ افغان لوبډله بریالۍ شوه، چې له لومړۍ لوبې وروسته د دوه یمې سیالۍ بریا هم خپله کړي.

افغانستان د یکشنبې پر ورځ د سلواغې پر ۳ او د جنورۍ پر ۲۳هالنډ ته د قطر پر کوربتوب په دوه یمه یوه ورځنۍ لوبه کې د ۴۸ منډو پر توپیر ماته ورکړه.

په دوه یمه یو ورځنۍ لوبه کې افغانستان توپ وهنه پیل کړه او په ۵۰ آورونو کې یې د رحمان الله ګربز پر ۱۰۳ منډو نیډرلینډ لوبډلې ته د ۲۳۸ منډو هدف وټاکه؛ خو په ۱۸۹ منډو کې د هالنډ ټوله لوبډله و سوزېده او نوموړی په دغو نړیوالو لوبو کې له دوه یمې سلیزې جوړولو نه یوازې برخمن شو، بلکې د لوبې غوره لوبغاړی هم ونومول شو.

دغه راز حشمت الله شهیدي هم ۵۴ منډې وکړې او د لوبډلمشر په توګه یې دوه یمه پنځوسیزه هم جوړه کړه.

رحمت شاه، نجیب ځدراڼ او راشید خان هم په ترتیب ۳۵، ۲۰ او ۱۴ منډې وکړې.

همدارنګه توپ اچوونکیو هر یوه مجیب الرحمن څلور، فرید ملک دوه، یمین احمدزي او راشد خان یو- یو مخالف لوبغاړي وسوزول.

افغانستان د ۲۰۲۳ زېږدیز کال د یوې ورځنیو سیالیو نړیوال کپ ته د ورتګ لپاره ۲۳ لوبې لري، چې تر دې دمه یې پېنځه لوبې کړې او پېنځه واړه یې ګټلې او په دې اړه له ۵۰ نمبرو برخمن شوی هم دی.

د کرکټ بورډ د څرګندونو له مخې؛ د دواړو لوبډلو ترمنځ به د یادې لوبلړۍ وروستۍ لوبه د راتلونکې سې شنبې پر ورځ د دوحې په ایشین ټاون کرکټ لوبغالي کې ترسره شي.

Continue Reading

لوبی

په خوست کې د افغان او پاکستانیو لوبغاړیو تر منځ آزادې سیالۍ پیل شوې

خپور شوی

په

توسط

(Last Updated On: سلواغه ۳, ۱۴۰۰)

د سویل ختیځ زون په خوست ولایت کې د یووالي تر سرلیک لاندې د افغانستان او پاکستانيو لوبغاړیو ترمنځ رزمي( آزادې) دوه ورځنۍ سیالۍ پيل شوې، چې په کې ۱۴ ـ ۱۴ لوبغاړیو برخه اخیستې ده.

په خوست ولایت کې د دې سیالیو جوړوونکیو ويلي، له دې سیالیو یې نړۍ ته موخه دا ده، چې په افغانستان کې امن دی، ژوند روان دی او هر هېواد کولی شي په بېلابېلو برخو کې خپل لوبغاړي افغانستان ته له افغانانو سره سیالیو ته راولېږي.

په خوست کې د کی اف ان ټولنې مشر نعمت الله همت زیاته کړې: مونږ په افغانستان کې ډېر قوي لوبغاړي لرو، چې ښې لوبې یې وکړې. مونږ غواړو دا لړۍ نوره هم وغزوو او یو ښه ګاونډيتوب ولرو او نورې نړۍ ته وښیو، چې په افغانستان کې امن دی او د نورو هېوادونو لوبغاړي هم راشي.

له پاکستان څخه راغلي لوبغاړي خوښ دي، چې په افغانستان کې یې سیالۍ وکړې او وايي، چې دوی به هم داسې زمینه برابره کړي، چې افغان لوبغاړي پاکستان ته وبلل شي او هلته هم له مینې ډکې ورته سیالۍ ترسره کړي.

د رزمي لوبو پاکستانی لوبغاړی بسم الله وایي: د کوټې له کچلاغه راغلي یوو؛ ډېر خوښ یوو، خلکو ډېره مینه راکړه او ډېرې ښې لوبې ترسره شوې. مونږ غواړو افغان لوبغاړي پاکستان ته را دعوت کړو، چې دوی هم هلته آزادې سیالۍ ترسره کړي دلته د خلکو له مینې مننه کوو.

د رزمي لوبو یو بل پاکستانی لوبغاړی عبدالرحمان نومی وایي:  دلته ډېرې ښې لوبې وشوې؛ مونږ خوشحاله یوو، چې افغانستان ته راغلي یوو. دلته ډېر تکړه لوبغاړي شته، چې له مونږ سره یې ډېرې ښې سیالۍ وکړې. د دوی وړتیاوو ته باید پام وشي. مونږ غواړو دوی پاکستان ته راشي او هلته دا ډول ټورنمنټ ترسره کړي.

د آزادو سیالیو افغان لوبغاړي بیا وايي؛ د دوی لپاره حکومت او سوداګرو هیڅ لاسنیوی ندی کړی، چې په خبره یې تکړه لوبغاړي لري او ډېري یې بهر ته د سیالیو لپاره د اقتصادي ستونزو له کبله نشي تللی.

د رزمي لوبو افغان لوبغاړی شېر شاه و ایي: په هېواد کې د سپورټ په برخه کې هیڅ پام ندی شوی؛ نه سوداګرو کړی او نه هم ورته حکومت کړی. مونږ تکړه لوبغاړي لرو، چې بهر ولوبېږي؛ خو هغوی اقتصاد کمزوری دی او نشي کولی بهرنیو هېوادونو کې سیالۍ وکړي.

د رزمي لوبو لوبغاړي ممتاز ویلي: که په بهرنیو هېوادنو کې راته د سیالیو زمینه برابره شي، مونږ تکړه لوبغاړي لرو او هېواد ته به ویاړونه راوړي؛ خو مونږ ته هیڅ پام ندی شوی.

هغه له حکومت او سوداګرو څخه د دغې زمینې د برابرولو غوښتنه هم وکړه.

د رزمي لوبو دا لوبغاړي وايي؛ که آسانتیاوې ورته برابرې شي نه یوازې به په هېواد د ننه ښې لاسته راوړنې ولري، بلکي په نړیوالو لوبو کې به هم افغانستان ته ویاړونه راوړي.

Continue Reading

Trending

Copyright © 2022 Ariana News. All rights reserved!