Connect with us

تازه خبرونه

زلمي خلیلزاد په مسکو کې د افغانستان پر سوله خبرې کړي

خپور شوی

د

(Last Updated On: لړم ۲, ۱۴۰۱)

په افغانستان کې د سولې د رامنځته کولو لپاره د امریکا د بهرنیو چارو وزارت ځانګړي استازي زلمي خلیلزاد له روسي چارواکو سره هم ليدلي دي.

تاس خبري آژانس د روسيې د بهرنیو چارو وزارت او په مسکو کې د امریکا د سفارت له وینا ویلي، چې زلمي خلیلزاد او د روسيې د بهرنیو چارو وزارت مرستیال ایګور مارګلوف او د افغانستان لپاره د روسيې ځانګړي استازي ضمیر کابلوف د افغان حکومت او طالبانو ترمنځ د سولې د مستقیمو خبرو پر موضوع خبرې کړې دي.

د روسيي د بهرنیو چارو وزارت په ډاګه کړې؛ مسکو په دې باور دی، چې د افغانستان جګړه یوازې سوله ییز حل لري او دیپلوماتیک حل هم د روسيې او هم د سیمې په ګټه دی.

زلمي خلیلزاد د سولې روان ماموریت تېره چارشنبه له اسلام آباده پیل کړ، د پنجشنبې پر ورځ سهار مهال کابل ته راغی او له غرمې وروسته پرته له ځنډه روسيې ته روان شو.

په روسیه کې د امریکا سفارت څرګنده کړې؛ د امریکا استازي زلمي خلیلزاد ټینګار کړی، چې د افغانستان روانه جګړه د خبرو له لارې حل کیږي.

د سولې په چارو کې د امریکا استازي خلیلزاد روسي لوري ته په ډاګه کړې؛ افغانان باید پرېښودل شي، چې خپل راتلونکی پخپله وټاکي، نه هغه حل لار، چې له بهره پرې وتپل شي.

د امریکا سفارت دا هم ویلي، چې د افغانستان له روغې جوړې دواړه هېوادونو(امریکا او روسیې) ته ګټه رسېږي؛ ترهګري به ختمه شي او د نشه یي توکو ګواښ به هم له منځه ولاړ شي.

د روسیې په کوربتوب د لړم پر ۱۸ چې د نومبر له ۹ سره برابره وه د طالب او امریکا د استازیو په ګډون د سیمې د ګڼو هېوادونو له استازیو غونډه جوړه شوې وه، چې په کې طالبانو د امریکایي سرتېرو پر وتو ټینګار څرګند کړی دی.

د امریکا استازی زلمی خلیلزاد به له روسیې څخه عربي هېوادونو او بلجیم ته سفرونه ولري.

 

تازه خبرونه

د اسلامي امارت اقتصادي مرستیال د کجکي بند ملي پروژه وارزوله

Published

on

(Last Updated On: وری ۲۸, ۱۴۰۳)

د ریاست الوزراء اقتصادي مرستیال ملا عبدالغني برادر تېره ورځ هلمند ولایت ته د خپل سفر پرمهال له کجکي بند څخه لیدنه وکړه.

د ریاستالوزراء د اقتصادي مرستیالۍ د څرګندونو له مخې؛د ریاست الوزراء اقتصادي مرستیال د کجکي بند پروژه ملي او حیاتي یاده کړه او په دې برخه کې یې د رامنځته شویو نوښتونو له کبله د مسوولینو هڅې وستایلې.

ملا برادر ویلي، چې وچکالۍ او په بندونو کې د اوبو د کمښت له کبله د برښنا د تولید کچه راټیټه شوې وه؛ خو سږ کال په هېواد کې د اورښتونو له کبله د اوبو کچه لوړه شوې او د کجکي بند په څېر زیاتره بندونه له اوبو ډک شوي دي.

له دې سره به په روان کې کال د کرنې برخه وده وکړي او هم به په هېواد کې دننه د برښنا د تولید کچه لوړه شي.

د کجکي بند د هېواد په کچه یو له لویو بندونو څخه دی، چې د هلمند ولایت په کجکي ولسوالۍ کې  د هلمند پر سیند د موسمي سیلابونو د کنټرول، کرنیزو ځمکو خړوبولو او برښنا د تولید لپاره جوړ شوی دی.

دغه راز د ریاست الوزراء اقتصادي مرستیال ملا عبدالغني برادر د روزګان ولایت له سیلاب ځپلیو سیمو څخه هم لیدنه کړې او هلته یې له سیمه‌ییزو چارواکو او عامو خلکو سره کتلي او د لازمو مرستو د رسولو امر يې کړی دی.

د ریاست الوزراء اقتصادي مرستیال ملاعبدالغني برادر روزګان ولایت ته د سفر پرمهال له سیلاب ځپلیو او زیانمنو کورنیو سره د خواخوږۍ ترڅنګ یوه اندازه نغدي مرسته هم  کړې ده.

دا په داسې حال کې ده، چې د سیمه ایزو چارواکو د معلوماتو له مخې په دغو سیلابونو کې  ۴۶۸ د استوګنې کورونه بشپړ او لږ څه ویجاړ شوي او له پنځوس څخه ډېر پلچکونه او زرګونه جریبه فصلونه سیلابونو وړي دي.

Continue Reading

تازه خبرونه

اروپا مېشتو یو شمېر افغانانو په کابل کې له مولوي عبدالکبیر سره وکتل

Published

on

(Last Updated On: وری ۲۸, ۱۴۰۳)

د ریاست الوزراء سياسي مرستيال مولوي عبدالکبير په کابل کې د اروپا مېشتو افغانانو له يو شمېر استازو او بنسټونو مشرانو سره په کتنه کې څرګنده کړې؛ اوس افغانستان د واحد ملت، واحد اسلامي نظام لرونکی دى او د وېشلو هڅې یې ناکامې شوې دي.

مولوي عبدالکبیر زیاته کړې، چې ملي حاکمیت، ځمکنۍ بشپړتیا، ملي مشارکت او ازادي ډاډمنه شوې او افغانستان د ښې راتلونکې پر لوري ستر ګامونه پورته کوي.

د ریاست الوزراء سیاسي مرستیال وايي؛ اسلامي امارت په سیمه او نړۍ کې نظم او ثبات غواړي او د اسلامي امارت خپلواکۍ ته هم باید درناوی وشي.

نوموړي ویلي؛ د اسلامي امارت لومړیتوب سیاسي او اقتصادي دایمي ثبات او په افغانستان کې د یووالي ټینګښت دی.

په دې کتنه کې د جرمني، بریټانیا، بلجیم، سویډن، اټریش، ترکیې، ناروې او عربي متحده اماراتو  مېشتو افغان بنسټونو استازو او مشرانو په یادو هېوادونو کې د مېشتو افغانانو وړاندیزونه او نظریات د ریاست الوزراء له سیاسي مرستیال سره شریک کړل.

ډاکټر خوشال روهي د نورو په استازيتوب خبرې وکړې او څرګندوي، چې دوی په بهر کې اټولنې لري او د زيات شمېر افغانانو استازيتوب کوي.

هغه زیاته کړې: اسلامي امارت په تېرو درې کلونو کې د پام وړ پرمختګونه او لاسته راوړنې لري، چې افغانان او نړیواله ټولنه ترې راضي ده.

د نوموړي د څرګندونو له مخې؛ اوسنی نظام د ډېرو قربانيو پايله ده او هيچا ته بايد اجازه ورنکړ شي، چې کمزوری او له منځه يې يوسي.

دی وایي، چې په بهر کې میشت افغانان ستر علمي او اقتصادي ظرفیتونه لري، چې اسلامي امارت کولی شي د هېواد په پرمختګ کې ترې ګټه واخلي.

روحي د افغانستان اقتصادي او مالي پالیسي وستایله او څرګندوي: افغانستان د زورواکۍ، فساد، ناامنۍ او غصب له ټاپوګانو ژغورل شوی دی؛ په سيمه او نړۍ کې هیڅوک د جګړې پلوي ندي.

هغه زیاته کړې، چې اسلامي امارت باید خپله کابینه له سرپرستۍ وباسي او تلپاتی حکومت جوړ کړي. هغه د ښځو لپاره د زده‌کړو او کار د دروازې د خلاصولو غوښتنه هم وکړه.

دې استازو او مشرانو ويلي، چې د افغانستان حالات او شرایط له هغه څه سره ډېر توپير لري، چې په اړه يې رسنیز منفي تبلیغات خپرېږي.

دوی دا ډاډ هم څرګند کړ، چې د افغانستان رښتینی انځور به اروپايي هېوادونو ته ورسوي.

Continue Reading

تازه خبرونه

د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا

Published

on

(Last Updated On: وری ۲۸, ۱۴۰۳)

د امریکا پوځ د لومړي ځل لپاره د کابل په نړیوال هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری ونوماوه.

د ای‌بي‌سي نیوز ټلویزیون د راپور له مخې: د امریکا د مرکزي قومندانۍ د ترسره شوې ارزونې ښيي؛ هغه ادعاوې، چې امریکايي پوځیانو له چاودنې مخکې ځانمرګی بریدګر پېژندلی و، ناسمې دي.

امریکايي چارواکو ویلي، هغه ځانمرګی بریدګر، چې ۱۳ امریکايي پوځیان او ۱۷۰ افغانان یې وژلي وه، عبدالرحمن لوګري نومېده.

د دوی د څرګندونو له مخې؛ هغه خپل ځانمرګی واسکټ، چې شاوخوا ۹ کیلوګرامه چاودېدونکي توکي یې لرل چولی دی.

د امریکا د پوځ د ارزونې ډلې یوه غړي ویلي، چې لوګری له ۲۰۱۶ کال راپدیخوا د داعش د خراسان څانګې غړی و او یو ځل د ائتلافي ځواکونو له‌خوا نیول شوی او زنداني شوی هم و.

داعش د دغه برید مسوولیت منلی دی.

د امریکا په ولسي جرګه کې ځینو جمهوري غوښتونکیو د دغه هېواد د یوه سرتېري څرګندونو ته په نغوته کې ویلي، چې د دغه برید مخه نیول کېدی شوه.

دغه امريکايي سرتېری، چې د بريد پر مهال په هوايي ډګر کې و؛ ادعا کوي، چې سرتېرو پر يوه کس شکمن ول، خو د  ډز اجازه یې پرې نلرله.

Continue Reading

Trending

Copyright © 2022 Ariana News. All rights reserved!