جګړې په تخار کې نږدې ۳۰۰ زره کورنۍ کډوالې کړې

(Last Updated On: June 25, 2019)

د تخار مسوولینو په ډاګه کړې، چې په دې ولایت کې د جګړو له کبله په تېره یوه اوونې کې تر دری سوه زره کورنې بیځایه شوې دي.

لس ورځې کیږي، چې د تخار په اشکمش، نمک آب ، بهارک او خواجه غار ولسوالیو کې د وسلوالو طالبانو او امنیتي ځواکونو ترمنځ جګړه روانه ده. دې جګړې خلکو ته مالي زیانونه اړولي او زرګونه کورنۍ یې د کورونو پریښودو ته اړې کړي، چې په تالقان ښار کې ناوړه حالت لري او له حکومت څخه د مرستې غوښتعونکي شوي دي.

بېځایه شوې کورنۍ وایي، اوس هم له ګڼو ستونزو سره مخ دي او له حکومت څخه غواړي، چې سیمې یې ژر له وسلوالو پاکې کړي، چې بېرته خپلو کورنو ته ستانه شي.

مسوولین وايي، لدغو بېځایه شویو څخه دوه زره او اووه سوه کورنیو ته خوراکي توکي وېشل شوي.

په تخار کې د طبیعي پېښو پروړاندې د مبارزې ادارې مشر فرید احمد نیکپور وايي له نورو مرستندویو بنسټونو سره مو په همغږۍ کې پر دوه زره او ۷۰۰  کورنیو پاخه خواړه او خیمې وېشلي دي.

دا په داسې حال کې ده، چې د طالبانو واکمني د تخار مرکز ته رسیدلې او د دولتي ځواکونو عملیات اوس هم په بهارک ، دشت قلعه او اشکمش ولسوالیو کې روان دي.

About Ariana News

Avatar

Check Also

د خواف ـ هرات د ۴۳ کیلومتره اوسپنې پټلۍ د غزولو تړون لاسلیک شو

(Last Updated On: December 12, 2019) د خواف ـ هرات د اوسپنې پټلۍ د لومړي …