تازه خبرونه
غوره ده، چې د نړیوالو سرتېرو تشه پر ملي ځواکونو ډکه شي
د ناتو یو جګپوړی قومندان وایي؛ افغانستان ته د نورو نړیوالو سرتېرو د لیږلو پر ځای غوره ده، چې د ځواکونو تشه د ملي اردو ځواکونه ډکه کړي.
په بروکسل کې د ناتو د پوځي کمیتې یوسل و شپږ اویایمه ناسته د جګپوړیو پوځي قومندانانو په حضور کې پای ته ورسیده. دغه غونډه د ناتو له سرمشریزې یوه اوونۍ مخکې تر سره شوه، چې اصلي محور یې د افغانستان په اړه بحث و.
د ناتو د پوځي کمیتې رییس جنرال پیتر پاول وایي، د پریکنده ملاتړ ماموریت په غونډه کې د ۲۰۱۸ کال لپاره پر انعطاف منونکې او د شرایطو مطابق تګلارې پر وړاندیزونو تمرکز وشو، د بې ثباته امنیتي وضعیتپ پر دلیل، جګپوړیوامنیتي چارواکو د افغان ځواکونو پر زدکړو، سلا مشورو او مرستو ټینګار څرګند کړ.شک نشته، چې با ثباته افغانستان د سیمې د ثبات په ګټه دی او دغه راز د هر فرد ګټه خوندي کوي.
دغه راز د امریکا پوځي ورځپاڼې ستار اند استترایپ، لیکلي، چې د امریکا د استخباراتي ټولنې د یوې پټې څېړنې له مخې؛ د امریکا نوې جګړییزه تګلاره، چې تېره میاشت د امریکا د ولسمشر د ملي امنیت د سلاکارانو لخوا تصویب شوې وه، په کې ویل شوي، چې د طالبانو د پرمختګونو د مخنیوي او د افغان دولت ساتنې لپاره پنځوس زره نورو امریکایی سرتېرو ته اړتیا ده.
د امریکا دفاع وزیر په ناروې کې ویلي، چې افغانستان ته د نورو سرتېرو د لیږلو پرېکړه د ائتلاف پر نورو غړیو هېوادونو پورې تړلې ده.
د امریکا دفاع وزیر جیمز متیس وایي، مونږ به وروستۍ پرېکړې ته ونه رسیږو؛ خو دا، چې متحدان مو وروستۍ پرېکړه ونه کړي. دغه پرېکړه به ژر وشي او مونږ پرې کار کوو. مهمه دا ده، چې مونږ سمه پرېکړه وکړو؛ نه بېړنۍ هغه.
په اروپا کې د ناتو قومندان جنرال کرتیس اسکاپروتي په اوسني جګړه ییز حالت کې د یوې مسلکي او پیاوړې اردو جوړیدل ستونزمن کار بولي؛ خو ټینګار کوي، چې غوره ده د جګړې په ډګرونو کې نیمګړتیاوې د افغان ځواکونو لخوا لیرې شي.
ټاکل شوې د مې پر پېنځه ویشتمه د بلجیم په پلازمېنه بروکسل کې د ناتو سرمشریزه جوړه شي؛ خو مخکې له دې د امریکا د دولت یوه جګپوړي چارواکي ویلي وه، چې ولسمشر دونالد ترمپ سعودي عربستان ته د جمعې په ورځ د سفر پر مهال او د څه باندې ۵۰ اسلامي هېوادونو په غونډه کې د ګډون پر مهال په افغانستان او پاکستان کې له داعش او بنسټ پالو سره د مبارزې مساله تر بحث لاندې نیسي.
خبریال: فهیم نوري
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه3 days ago
په بلوچستان کې د پاکستان د بحري ځواک پر هوايي اډه وسلوال برید وشو