تازه خبرونه
روان عملیات به د سولې خبرې وګواښي- پکتیاوال
د پکتیا اوسیدونکیو په هېواد کې د جګړې د ښکلېو خواو له لوري روان عملیات وغندل او وايي، چې د سولې روانې هڅې به له ګواښ او خنډ سره مخ کړي.
په پکتیا کې لسګونه قومي مشرانو، ځوانانو او یو شمېر میرمنو په یوه غونډه کې د طالبانو او افغان حکومت له لوري پسرلني عملیات وغندل او څرګنده شوه، چې که دواړه خواوې اوربند ونکړي د سولې په برخه کې به روانې هڅې پڅې شي.
د ولایتي شورا غړی محمدالرحمان قادري پر وسلوالو طالبانو او افغان حکومت غږ وکړ، چې عملیات ودروي او د سولې په برخه کې وروستۍ هڅې دې نه ګواښي.
د پکتیا اوسیدونکی محمد ایوب توتاخېل وایي، چې د افغان حکومت له لوري د خالد او د وسلوالو طالبانو لخوا په الفتح نومو عملیاتو کې د جګړې له کبله ډېری زیان ملکي وګړي ویني او باید، چې دواړه خواوې روان عملیات ودروي او د سولې لپاره دې ګړندي ګامونه پورته شي.
د پکتیا میرمنې هم د سولې لیواله دي او د جنګ پر ښکېلو خواوو غږ کوي، چې په هېواد کې دې روانه جګړه ودروي او یو بل دې د سولې لار غوره کړي.
د پکتیا اوسیدونکې سپوږمۍ وايي؛ نه یوازې دا، چې په دې ټولنه کې نرینه د جګړې قرباني دي، بلکې میرمنې هم له روانې جګړې زیان ويني.
د پکتیا اوسیدونکي په داسې حال کې د ښکېلو خواوو تر منځ د روانې جګړې د غندلو خبره کوي، چې څلور ورځې وړاندې وسلوالو طالبانو د افغان حکومت د خالد نومو عملیاتو پر وړاندې د الفتح په نوم د عملیاتو اعلان وکړ.
خبریال: فرید الله احمدزی
تازه خبرونه
د ټاپي ګاز شرکت اجرائیه رییس د پروژې له پرمختګه خوښ شو
د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
تازه خبرونه
تحول: په افغانستان کې د بریټانیا د پوځي ماموریت ارزونه
تازه خبرونه
په فاریاب او سرپل کې سېلابونو ځاني او مالي زیانونه اړولي
سیمهییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.
دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.
د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه2 days ago
په بلوچستان کې د پاکستان د بحري ځواک پر هوايي اډه وسلوال برید وشو