عاجل خبرونه

بیات پاور له ګازو څخه د برښنا برابرولو سب ستیشن ګټې اخیستنې ته وسپاره

(Last Updated On: November 25, 2019)

د هېواد په شمال جوزجان کې له ګازو څخه د برېښنا برابرولو دا پروژه د بیات پاور پر مټ بشپړه شوې، چې څلویښت میګاواته برښنا تولیدوي.

د یکشنبې پر ورځ( د لیندۍ ۳) په جوزجان ولایت کې د حرارتي برښنا دا لومړنی سب ستیشن د نږدې څلویښت میلیون امریکایي دالرو پر لګښت د بیات پاور خصوصي شرکت لخوا پرانیستل شو.

د مالیې وزارت سرپرست محمد همایون قیومي ویلی، بیات پاورد دې سب ستیشن د جوړیدو لپاره وروستۍ او نوې تکنالوژي کارولې او د کار پیلیدا یې یو تاریخي پرمختګ دی.

ښاغلي قیومي زیاته کړې، چې په دې سب ستیشن کې تولید شوې برښنا د برښنا شرکت د مزو له لارې په جوزجان، سرپل او فاریاب ولایتونو کې تولید کیږي.

د انرژۍ او اوبو وزارت سرپرست محمدگل خلمي ويلي، تر دې مهاله ۳۷۰ میلیون دالر د کورنیو سرچینو څخه د انرژۍ برابرولو په برخه کې پانګونه شوې او د بیات پاور لخوا د حرارتي برښنا د سب ستېشن جوړیدا هم له  بېخبنایي کارونو څخه ګڼل کیږي.

د جوزجان والي لطف الله عزیزي وایي؛ دا لومړی ځل دی، چې د هېواد د شمال سیمو اوسیدونکي دځمکې لاندې سرچینو له برښنا او انرژۍ څخه برخمن کیږي.

د بیات پاور شرکت لوی مشر احسان الله بیات څرګنده کړې؛ دولت د دې پروژې له لارې په لومړي سر کې هر کال نهه سوه میلیون افغانۍ، چې له ۱۳ میلیون دالرو ډېرې کیږي، تر لاسه کوي او د درېیمې برخې له بشپړیدو سره د دولت د هر کال عواید دوه اعشاریه درې میلیارد افغانیو ته رسیږي.

د یادونې ده؛ د لومړنۍ طرحې له مخې، د بیات پاورشرکت په لومړي پړاو کې دوه پنځوس میګاواته برښنا په  دوه یم پړاو کې ۱۰۰ میګاواته او درېیم پړاو کې ۱۹۲ میګاواتو ته رسیږي.

About Ariana News

Avatar

Check Also

د نظام الدین قیصاري پر کور عملیات د محکمې له سند پرته تر سره شوي – پلاوی

(Last Updated On: January 23, 2020)په بلخ کې د نظام الدین قیصاري پر کور په …