عاجل خبرونه

بیات بنیاد په کابل کې یو شمېر اړو کورنیو ته ژمنۍ مرستې ووېشلې

(Last Updated On: February 4, 2020)

د بیات بنیاد مرستیال څرګنده کړې، چې د تایمني په اړوند سیمه کې اړو کورنیو ته د بیات بنیاد ژمنۍ مرستې د پوښاکي او خوراکي توکو په ګډون ووېشل شوې.

د بیات بنیاد مرستیال حاجي محمد اسمعیل ويلي؛ خوښ یو، چې د کابل ښار په یوه برخه کې مو د بیات بنیاد ژمنۍ مرستې ووېشلې.

نوموړي زیاته کړې، چې د دغو مرستو لړۍ به په مرکز او ولایتونو کې نورو اړمنو کورنیو ته هم ورسیږي.

هغه له نورو سوداګرو وغوښتل، چې له اړو کسانو سره مرستې وکړي.

هغه کورنۍ، چې د بیات بنیاد مرستې یې ترلاسه کړي، د بیات بنیاد له مرستو مننه کوي او وايي، چې دغه بنیاد هر کال له بېوزلو سره مرستې کوي.

دوی له نورو پانګوالو او سوداګرو هم غواړي، چې په هېواد کې د اړو کسانو لاسنیوی وکړي.

بیات بنیاد هر کال په کابل او ولایتونو کې له اړو کسانو سره د خوراکي توکو او نورو اړینو وسایلو مرستې کوي.

دغه بیناد پر دغو مرستو سربېره له هېوادوالو سره د پوهنې، ورزش او روغتیا په برخو کې د پام وړ مرستې کړي دي.

خبریال: سمیع جهش

About Ariana News

Avatar

Check Also

د مصر پخوانی ولسمشر حسنی مبارک د ۹۱ کلونو په عمر مړ شو

(Last Updated On: February 25, 2020) د الجزیرې خبري سرچینې په ډاګه کړې، چې حسني …