تازه خبرونه
بیات بنیاد د ستارکي موسسې د بشر دوستۍ نړیواله جایزه ترلاسه کړه
د ستارکي موسسې د بشر دوستۍ نړیواله جایزه بیات بنیاد ته د دې له کبله ورکړ شوې، چې په افغانستان کې یې د ګڼو سره د سمعکو یا غوږیو د پام وړ مرستې کړې دي.
د ستارکي بنیاد، چې له ګڼو سره د هغوی د اوریدو په حس کې تخنیکي او طبي مرستې کوي، د بشر دوستۍ نړیواله جایزه یې دا ځل د بیات بنیاد رييس او د هغه میرمنې لیا بیات ته ورکړه.
بیات بنیاد په افغانستان کې له ګڼو سره د سمعکو یا غوږیو مرسته کوي، چې د کڼو د اوریدو حس ور سره ژوندی کیږي.
بیات بنیاد ته د ستارکي د بشردوستۍ نړیواله جایزې د ورکړې مراسم د امریکا د مینه سوتا ایالت په سینت پال ښار کې تر سره شول. په دغو مراسمو کې د امریکا دوه څلويښتم ولسمشر بل کلنتن او یو شمېرو مهمو چارواکو ګډون کړی و.
نوموړي په ډاګه کړې؛ مونږ دلته راټول شوي یو، چې د خپل باور له مخې له هغو کسانو سره پر مرسته کولو فکر وکړو، چې ناهیلي شوي دي. مونږ د خلکو د پیوستون لپاره کار کوو؛ نه دا، چې هغوی یو له بله بېل کړو.
د بیات بنیاد رييس احسان الله بیات وايي؛ دا د افغانستان لپاره ستر ویاړ دی، چې د ستارکي موسسې د بشردوستۍ جایزه تر لاسه کوو.
ښاغلي بیات څرګنده کړې؛ زه او زما میرمن ویاړو، چې د ستارکي د بشر دوستۍ نړیواله جایزه تر لاسه کوو. ما او زما میرمنې په دوه زره شپږم کال کې بیات بنیاد جوړ کړ. مونږ ساده؛ خو لوی ارمان درلود. هغه دا، چې د اړو کسانو لپاره مو لومړنۍ روغتیايي، روزنیزې مرستې برابرې کړو او په ژوند کې یې مثبت بدلون راولو.
بیات بنیاد او ستارکي بنیاد څلور کاله پخوا په افغانستان کې پر کڼو د سمعکو یا غوږیو وېشلو پروګرام پیل کړ.
د بیات بنیاد لوی مشر احسان الله بیات زیاته کړې، چې بیات بنیاد او ستارکي بنیاد تر منځ همغږۍ او دوامداره هڅو په افغانستان کې زرګونه هغو کسانو ته د اوریدو وسایل برابر کړل، چې تر دې د مخه یې د اوریدو حس یا له کاره لویدلی و او یا هم په اوریدو کې یې ستونزې لرلې. دا یو په زره پورې ماموریت و، چې مونږ له خپلو ملګرو سره پرې کار وکړ او په پایله کې مو له افغانانو سره مرسته وکړه او د هغوی په ژوند کې مو مثبت بدلون راوست.
د بیات بنیاد د پروژې مسووله لیا بیات په ډاګه کړې، چې بیات بنیاد او ستارکي په ګډه له هغو زرګونه افغانانو سره مرسته وکړه، چې په لیرې پرتو سیمو کې اوسیدل او د اوریدو حس یې ستونزې درلودې. کله، چې مونږ خلکو ته د ښه، صحي او علمي ژوند کولو زمینه برابروو؛ نو دا نه یوازې له فرد سره مرسته ده، بلکې دا له کورنیو، ټولنې او افغانستان سره هم مرسته شمېرل کیږي.
بیات بنیاد او ستارکي بنیاد په تېرو څلور کلونو کې له څلور زره کسانو سره د سمعکو یا غوږیو مرسته کړې، چې د اوریدو حس یې له کاره لویدلی و.
دا پروګرام په کابل، هرات، بلخ، کندهار، او ننګرهار کې پلی شوی دی.
تازه خبرونه
د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير
د ریاست الوزراء سياسي مرستیال مولوي عبدالکبير د سې شنبې پر ورځ ( د وري اتهویشتمه ) په سپېدار ماڼۍ کې د صنعت او سوداګرۍ وزارت له چارسمبالي نورالدين عزيزي سره وکتل.
نورالدین عزيزي ويلي، له ګاونډ هېوادونو سره ښې سوداګريزې اړيکې د دې لامل شوي، چې په هېواد کې دننه بيې په ښه حالت کې پاتې شي او د لارو بندېدا به پر بازار منفي اغېز ونکړي.
عزیزي زیاته کړې؛ د صنعت او سوداګرۍ وزارت له خصوصي سکټور سره همکار دی، چې له اغېزې یې خصوصي سکتور هم په سمه توګه فعالیت کوي او اسلامي امارت ورته لازمې اسانتیاوې برابرې کړې دي.
د نوموړي د څرګندونو له مخې؛ د اسلامي امارت د ښې اقتصادي پالیسۍ پر بنسټ د سیمې له هېوادونو سره په صادراتو او وارداتو کې د پام وړ پرمختګونه شوي دي. همدارنګه د افغانستان محصولات د منځنۍ آسیا په هېوادونو کې ښه بازار لري او د بازار موندنې لپاره یې په نورو بازارونو کې هم نندارتونونه جوړ کړي دي.
دغه راز مولوي عبدالکبیر د سوداګرۍ او صنایعو وزارت د رهبرۍ له هڅو ستاینه وکړه او څرګندوي: د امارتي ادارو بېسارې هڅې او د افغانۍ د بیې ثبات د دې لامل شوی، چې د خوراکي توکو بیې په ټیټه بیه کې پاتې شي او خلک مو د اړینو توکو د پیرودلو وس ولري.
مولوي عبدالکبیر له ګاونډ هېوادونو سره په سوداګرۍ کې د انډول پر ساتلو د ټینګار ترڅنګ زیاته کړې، چې د کورنیو تولیداتو د ښه کیفیت او د صنعت د ودې او پراختیا په برخه کې باید نورې هڅې هم وشي.
تازه خبرونه
روسیې او تاجکستان د افغانستان پولې ته نږدې ګډ پوځي تمرینات پیل کړل
د روسيې دفاع وزارت په خبرپاڼه کې راغلي؛ دغه پوځي روزنیزې هڅې د اپرېل پر پنځلسمه پيل شوي او د اپرېل تر اتلسمې به روانې وي، چې د ترسره کېدو موخه يې له ناقانونه وسلهوالو ډلو سره د مبارزې او د دولتي پولو ساتنه ده.
د روسيې دفاع وزارت زیاته کړې: د دغو پوځي روزنیزو هڅو د پرانستلو مراسم د تاجکستان د ختلان سيمې د خرب – میدون په غرنۍ دښته کې ترسره شول. دا دوه اړخیزې روزنیزې هڅې به د اپریل له پېنځلسمې څخه تر اتلسمې پورې روانې وي.
د روسیې دفاع وزارت ویلي، چې په دغو ګډو هحو کې د ترهګرو ډلو د له منځه وړلو لپاره د وسلهوالو ځواکونو د کارولو تنظیم، په غرنیو شرایطو کې د دندو د ترسره کولو لپاره د ځواکونو چمتو کول او د روزنې او عملي تجربې موضوع شامله ده. د روسیې پوځي ډله، چې په هڅو کې برخه اخلي په ټولیزه توګه په تاجکستان کې میشت د ۲۰۱ پوځي اډې سرتېري دي، چې د دې هېواد له پولو بهر د روسیې ترټولو لویه پوځي اډه ده.
د ګډ امنیتي تړون ټولنې غړي هېوادونه له افغانستان څخه د ګواښونو پر زیاتوالي اندېښمن دي او د دغو ګواښونو د مخنیوي لپاره پر همکارۍ ټینګار کوي. تاجکستان، قزاقستان، قرغزستان، ارمنستان، بیلاروس او روسیه د ډله ییز امنیتي تړون غړي دي.
په افغانستان کې له ۲۰۲۱ کال راپدیخوا روسیې او تاجکستان د لومړي ځل لپاره له افغانستان سره پولې ته څېرمه ګډ تمرینونه وکړل.
په ورته وخت کې اسلامي امارت د هېوادونو اندېښنې بې بنسټه بولي او وايي، چې د افغانستان خاوره به د هېڅ هېواد پر ضد ونه*کارول شي.
تازه خبرونه
د رسنیو سرغړونې کمیسیون د دوه ټلویزیوني شبکو د تړلو سپارښتنه وکړه
د باختر خبري سرچینې د څرګندونو له مخې؛ د سې شنبې پر ورځ ( د وري ۲۸ ) د رسنیو د سرغړونو مخنیوي کمیسیون د نور او بریا ټلویزیونونو ته سپارښتنه کړې، چې خپرونې ودروي او محکمې ته حاضر شي.
ویل کیږي، چې د دغو شبکو پر وړاندې پرېکړه د ژورنالیزم د اصولو نه مراعاتولو له کبله رامنځته شوې ده.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه1 day ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ16 hours ago
امريکا او متحدین یې پر ايران د نورو بنديزونو لګولو هڅې کوي