عاجل خبرونه

ترمپ د طالبانو د سیاسي دفتر د تړلو غوښتنه کړې

(Last Updated On: September 26, 2017 4:58 pm)

ګارډین ورځپاڼې د یوې سرچینې له خولې لیکلي، چې د امریکا ولسمشر دونالد ترمپ له خپل افغان سیال محمد اشرف غني غوښتي، چې په دوحه کې د طالبانو د سیاسي دفتر له تړلو سره هوکړه وکړي، کوم دفتر، چې له دې لارې دوه ځله د افغان دولت پلاوي له طالبانو سره لیدنې وکړې.

 ګارډین ورځپانه د یوې سرچینې له قوله وایي، دغه موضوع د دواړو ولسمشرانو د لیدنې پر مهال تر بحث لاندې راغلې؛ خو ښاغلي غني په دې اړه د پرېکړې لپاره له دونالد ترمپ وخت غوښتی دی.

باور کیږي، چې په قطر کې به د طالبانو د سیاسي دفتر په تړل کیدو د سولې لپاره د افغان دولت هڅې ودریږي.

د سولې عالي شورا ویاند سید امین الدین مظفري مني، چې اوس هم د سولې بهیر ته د وسلوالو مخالفینو د حاضرولو لپاره د دوی کوښښونه دوام لري؛ خو د سولې عالی شورا په رهبرۍ کې له بدلون وروسته په دوحه کې د طالبانو له سیاسي دفترسره اړیکې په بشپړ ډول بندې دي.

ځینې سیاستوال په دې باوردي، چې په دوحه کې د طالبانو د دفتر په تړل کیدو به افغانستان د یوې بلې نااعلام شوې جګړې پر لوري ولاړ شي.

په ولسي جرګه کې د کابل استازی رمضان بشردوست وایي، د طالبانو دا دفتر امریکا  جوړ کړی و او اوس، چې د پروګرام ناکامي ویني؛ د دوحې دفتر تړي.                

دغه ورځپاڼه لیکي، چې سعودي عربستان او عربي متحده امارات هم په قطر کې د طالبانو د دفتر له جوړیدو وروسته د دې دفتر د تړلو لپاره تر فشار لاندې ول.

دا په داسې حال کې ده، چې طالبان د سولې خبرو لپاره د قطر سیاسي دفتر د دوی یوازنی ښکاره ادرس بولي.

About Ariana News

Check Also

پولیسو په ننګرهار ولایت کې د لوی ملي ائتلاف خیمې ټولې کړې

(Last Updated On: September 18, 2018 6:07 pm) د ننګرهار والي ویاند څرګنده کړې، چې …