عاجل خبرونه

عرب لیګ له امریکا څخه د شوې پرکړې د بېرته اخیستو غوښتنه وکړه

(Last Updated On: December 10, 2017 6:56 pm)

د عربي ټولنې یاعرب لیګ په مصر کې له امریکا وغوښتل، چې بیت المقدس د اسرائیلو د پلازمېنې په توګه د منلو پرېکړه بېرته واخلي؛ ځکه، چې له دې سره په سیمه کې تاوتریخوالی ډېرېږي.

په قاهره کې د عربي ټولنې ۲۲ بهرنیو چارو وزیرانو په بېړنۍ ناسته کې وویل، د تېرې چهارشنبې په ورځ د امریکا د ولسمشر دا پرېکړه له نړیوالو قوانینو سرغړونه ده او کوم قانوني حیثیت نه لري.

دوی زیاته کړې؛ امریکا پر ټول بیت المقدس د اسرائیل د دعوې په منلو له هغې پالیسۍ سره ټکر کوي، چې له مخې یې د بیت المقدس کشاله د خبرو له لارې اوارېږي.

دوی دا هم وايي؛ د امریکا دا پرېکړه په سیمه کې تاوتریخوالی ډېروي او وېره شته، چې روان تاوتریخوالی نور هم زیات شي.

د ترمپ له پرېکړې وروسته په بېلابېلو هېوادونو کې لاریونونه وشول او د اسرائیلو او فلسطنیانو ترمنځ تاوتریخوالی ډېر شوی دی.

About Ariana News

Check Also

د هند اعلان شوې مرستې به د اقتصادي پراختیا لامل شي

(Last Updated On: September 20, 2018 4:55 pm) د هېواد د سوداګرۍ نړیوالې خونې مسوولین …