تر دوه نورو ورځو به کورني تولیدات د لاجورد له لارې ترکیې ته صادر شي

(Last Updated On: دسمبر 11, 2018)

ټاکل شوې، چې د لاجورد له لارې له افغانستان څخه ترکیې ته د وچې او تازه میوې، مالوچو او نورو کورنیو سوداګریز توکو لومړنۍ ټولګه ولیږل شي.

تاکل شوې د لاجورد له لارې د پنجشبنې پر ورځ( د لیندۍ ۲۲) د افغانستان کورني تولیدات ترکیې ته صادر شي.

د بهرنیو چارو وزارت د اقتصادي همکاریو رییس حسن سروش وایي؛ د دې لارې له پرانیستې سره به سوداګرو ته ډېرې آسانتیاوې برابرې شي، چې له نیمایي ډېر لګښت یې حکومت پرغاړه لري.

د سوداګرۍ خونه د دې پروژې د پرانیستو د پروګرام هرکلی کوي.

د سوداګرۍ خونې مرستیال خانجان الکوزی د دې لارې پرانیسته ښه ګام ګڼي او وایي، چې دا لار به له اروپا او تور سمندرګي سره د افغانستان په نښلولو کې ستر رول ولوبوي.

د نوموړي د څرګندونو له مخې؛ مونږ باید خپلې وړتیاوې پیاوړې آسانتیاوې رامنځته کړو.

افغان سوداګرو له دې مخکې ویل، چې د صادراتو په برخه کې له ډېروستونزو سره مخ دي او له دې کبله ورته ډېر تاوان اوړي.

About Ariana News

Check Also

طالبان دې له افغان حکومت سره مخامخ خبرو ته حاضر شي- پمپیو

(Last Updated On: مارچ 19, 2019)د امریکا د بهرنیو چارو وزیر مایک پمپیو له طالبانو …