تازه خبرونه
د لویو کانونو د استخراج چارې به امریکايي کمپنیو ته وسپارل شي- د کانونو وزارت
د کانونو او پټرولیم وزارت څرګنده کړې، چې د لویو کانونو او طبیعي زیرمو د استخراج چارې او تړونونه به امریکايي کمپنیو ته وسپارل شي.
له هغې وروسته، چې یو شمېر امریکايي شرکتونو د افغانستان په کانونو کې د پانګونې لپاره تیاری وښود؛ نو د افغانستان د کانونو وزارت هم دغو کمپنیو ته د افغانستان د یو شمېر لویو کانونو د استخراج د چارو ورسپارلو ته لیواله شو.
د افغانستان د شفافیت بنسټ ویلي، چې د کانونو او پترولیم په وزارت کې له ژورو اصلاحاتو مخکې باید د کانونو د استخراج او سپړنې تړونونه لاسلیک نه شي.
د افغانستان د شفافیت بنسټ ريیس اکرام افضلي زیاته کړې، چې دمګړۍ د کانونو له استخراجه څارنه نیمګړې ده او په کار ده، چې په تړونونو کې شفافیت یقیني شي.
د نوموړي په وینا؛ په اوسنيو شرایطو کې دغه وزارت له پراخ فساد سره مخ دی، د څارنې وړتیا نلري او که قراردادونه امریکایي شرکتونو ته هم سپارل کیږي، نو کیدی شي بده ګټه ترې پورته شي.
دغې ادارې څرګنده کړې: د ناامنو سیمو د کانونو د استخراج تړونونه تر پوښتنو لاندې دي؛ امنیتي او تخنیکي لګښتونه زیاتیږي، د کانونو د استخراج بهیرناکاموي او خلکو ته روان حالت د زغم وړ ندي.
د افغانستان د ودې او پراختیا بنسټ ریاست هم له حکومت او ولسمشره غوښتي، چې د لویو کانونو او طبیعي سرچینو د استخراج په چارو کې له پوره پاملرنې کار واخلي.
د افغانستان د ودې او پراختیا بنسټ رییس جانان عبدالرحیم زی وایي: د افغانستان کانونه د چا شخصي او ځانګړی مال ندی، هغه باید له سلیقه یي کړنو لیرې وساتل شي.
د کانونو او پترولیم وزارت ویاند عبدالقدیر مطفی وایي؛ د افغانستان د ودې او پرمختګ لپاره په کار ده، چې د یو شمېر کانونو د استخراج چارې بهرنیو شرکتونو ته وسپارل شي.
ښاغلي مطفی د کانونو پر مدیریت ټینګار وکړ او وایي، چې په دې اړه منظم اندونه رامنځته شوي. کله، چې د پانګونې په اړه خبرې کیږي؛ نو د اقتصادي شورا له منظورۍ وروسته لاسلیک او بیا یې چارې پیل کیږي.
که څه هم افغانستان د کانونو په استخراج کې د شفافیت د یقیني کولو لپاره له نړیوالې ټولنې سره ځينې ژمنې کړي؛ خو د افغانستان مدني او څارونکي بنسټونه وايي، چې دغه ژمنې یوازې د کاغذ پر مخ پاتې دي او د شفافیت د یقیني کولو لپاره اساسي ګامونه اوچت شوي نه دي.
خبریاله: لیدا نیازۍ
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ