Connect with us

تازه خبرونه

د کمیشنرانو د پاتې نوملړ کسان د کمیشنر په توګه ‘د منلو وړ’ نه دي

خپور شوی

د

(Last Updated On: لړم ۲, ۱۴۰۱)

ولسمشر اشرف غني حکم کړی چې د ټاکنیزو کمیسیونونو لپاره د کمیشنرانو د غوراوي کمیټه په بیړه خپل کار پیل کړي او په شرایطو برابر شخص د کمیشنر په توګه غوره کړي.

د غوراوي کمیټه بیا وايي چې دوی خپلې چارې بشپړې کړي او د کار بیا پیلول یې ناقانونه چاره ګڼلې ده.

ولسمشر یوولس ورځې مخکې د ټاکنو د خپلواک کمېسیون رييس له دندې ګوښه کړ. اوس ولسمشر د کمیشنرانو د غواروي کمیټې ته امر کړی چې خپل کار بیا پیل کړي او په شرایطو برابر شخص د کمیشنر په توګه غوره کړي. د ولسمشر په فرمان کې راغلي چې د کمیشنرانو د پاتې نوملړ کسان د کمیشنر په توګه ورته د منلو وړ نه دي.

د غوراوي کمیټه وايي چې د ولسمشر دغه فرمان ناقانونه دی. دوی وايي چې ولسمشر باید له هغو کسانو نه یو شخص وټاکي چې دوی یې نوملړ وار له مخې هغه استولی دی.

د غواروي کمیټې غړی، یوسف رشید و وېل: “وروسته تر دې چې د غوراوي کمېټې 21 نفر د ټاکنو خپلواک کمېسیون او 15 تنه نور یې د شکایاتو کمېسیون له پاره ښاغلي ولسمشر او د ملي وحدت حکومت ته معرفي کړل؛ نور نو له قانوني پلوه د دوی کار بشپړ شو”.

د ټاکنو څارونکي بنسټونه هم د ولسمشر دغه فرمان ته په غبرګون کې وايي چې ولسمشر د قانون خلاف فرمان صادر کړی دی.

د افغانستان د ټاکنو د څار بنسټ رييس، جانداد سپین غر و وېل: د خواشني وړ ده چې دا پرېکړه بشپړه د ټاکنو د قانون له څوارلسمې او شپالسمې مادې سره په ټکر کې دی

ویل کیږي ولسمشر په دغه فرمان سره د ټاکنو د قانون شپاړسمه ماده تر پښو لاندې کړې ده. د دغې مادې په دریم بند کې راغلي چې د کمیشنر د عزل، استعفا او مړینې په وخت کې باید ولسمشر د اوو ورځو په لړ کې د پاتې هغو کاندیدانو څخه یو تن غوره کړي چې د غواروي کمیټې ورته استولی دی.

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!