عاجل خبرونه

د ننګرهار صفر دوه قطعې په شپنیو عملیاتو کې ۵ ښوونکیو ته مرګ و ژوبله اوښتې

(Last Updated On: May 9, 2019)

تېره شپه د صفر دوه قطعې سرتېرو د ننګرهار ولایت د چپريهار ولسوالۍ د شيخانو په کلي کې شپني عمليات تر سره کړي دي.

د سیمې اوسیدونکي وايي، په دې عملياتو کې د ننګرهار د عالي لیسې د سرمعلم نورآغا دوه ځامن او دوه ګاونډيان، چې څلور واړه ښونکي ول؛ وژل شوي او سرمعلم نورآغا سخت ټپي دى.

 ځايي خلک زیاتوي؛ وژل شوي ټول ملکي وګړي دي او له کومې مخالفې ډلې سره يې اړيکې نه درلودې.

د ننګرهار د پوهنې رياست وياند محمد آصف شينوارى تائيدوي، چې د چپريهار پر شيخانو کلي د حکومت په شپنيو عملياتو کې د دوى څلور بې ګناه ښوونکي وژل شوى او يو ټپي دى.

 د ننګرهار ولايت چارواکي د دې عملياتو پخلى کوي؛ خو په دې اړه له نورو معلوماتو له ورکولو ډډه کوي.

خبریال: رحمت الله زیارمل

About Ariana News

Avatar

Check Also

د غزني په ده یک ولسوالۍ کې یوه مسافر وړونکې الوتکه راغورزیدلې

(Last Updated On: January 27, 2020)د غزني والي منلې، چې نن غرمه نږدې یوه بجه/ …