تازه خبرونه
د هېواد په درې سترو پوهنتونو کې زدکړیالان سخت دریځۍ ته هڅول کیږي- څېړنه
د افغانستان د ستراتیژیکو مطالعاتو د یوې څېړنې له مخې؛ د افغانستان په پوهنتونو کې د اسلامي سیاسي نظام په اړه درسونه او لکچرونه، زدکړیالان سخت دریځۍ ته هڅوي.
دغه څېړنه د افغانستان په کابل، هرات او ننګرهار پوهنتونونو کې د اسلامي سیاسي نظام د تدریسي توکو او لکچرونو په اړه تر سره شوې، چې په کې ۳۷۳ زدکړیالان او د ثقافت د دیپارتمنت اته ښوونکي پوښتل شوي دي.
د دغې څېړنې پایلې ښيي، چې دغه تدریسي توکي زدکړیالان سخت دریځۍ ته هڅوي.
څېړونکی رامین کمانگر وایي: هغه زدکړیالان، چې دا درسونه او لیکچرونه اوري ورته د منلو وړ کیږي او په عمل کې له سخت دریځو مخالفانو سره د استدلال ځواک بایلي. دغه راز څېړنه ښیي، چې مونږ لدغې سخت دریځۍ سره مخ شوي یو. روښانه بېلګه یې د لوړو زدکړو په بنسټونو کې لیدل کیږي، چې ورځ تر بلې ځواکمنه کیږي.
د څېړنې په پایله کې راغلي؛ څوارلس په سلو کې پوښتل شویو زدکړیالانو ویلي، چې اوسنی نظام اسلامي ندی او پنځوس په سلو کې نورو پوښتل شویو اوسنی نظام تر یوه بریده اسلامي ګڼلی دی.
دغه راز شپږ دېرش په سلو کې پوښتل شویو کسانو په افغانستان کې د اسلامي خلافت غوښتنه کړې او دوه ویشت په سلو کې بیا اوسنی غوښتي، چې اوسنی نظام باید، پر خلافت اسلامي، امارت اسلامي او یا هم پر فقهي نظام بدل شي.
د پوهنتون استاد ویلي، چې اسلامي خلافت سخت دریځۍ ته لار نه اواروي.
د پوهنتون استاد عبدالمتین شهیدي وایي: کله، چې له اسلامي خلافته خبرې کوو؛ دا د چا او یا کوم فرد ځانګړی اند ندی، چې پر افراطیت یې تورن کړو، بلکې دا د ټولو مسلمانانو هیله ده، چې باید اسلامي خلافت ولرو. البته د اسلام د اسلامي خلافت او د مخالفانو د اسلامي خلافت تر منځ توپیر شته دی.
په دې نظر پوښتنه کې دیني څېړونکي وايي، چې په کار ده په پوهنتونو کې دا ډول حالت بدل شي او د ده په ټکو زدکړیالان له سخت دریځۍ را وګرځول شي.
لیکوال او څېړونکی حفیظ منصور وایي: مونږ باید د سخت دریځۍ له لوستنې تېر شو او جوړوونکيو زدکړو ته زمینه برابره کړو.
لدې مخکې هم ویل کیدل، چې په پوهنتونونو کې سخت دریځۍ او افراطیت ته لمن وهل کیږي.
خبریاله: دیانا صمدي
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو