عاجل خبرونه

د ننګرهار په ملنګ جان واټ کې چاودنې ۱۰ عام وګړي ټپیان کړل

(Last Updated On: April 4, 2019)

د ننګرهار ولایت د جلال آباد ښار د ملنګ جان واټ په اړوند سیمه کې د ملکي وګړیو پر یوه ملي بس چاودنې د دوه ښځو او دوه ماشومانو په ګډون لس ملکي وګړي ټپيان کړي دي.

له تېرو څو میاشتو راپدیخوا د ننګرهار چارواکو په جلال آباد ښار کې د ګڼې ګوڼې د کمولو په موخه د ښار مرکزي واټونو ته د بې اسناده ریکشو او موترو پر تګ – راتګ او دریدو بندیز ولګاوه او پر ځای یې د ملي بس ترانسپوتي خدمات پيل کړل.

د بس کِلينر عبدالحمیدخان وایي، چې د پنجنشبې پر ورځ ماسپښین مهال دا ملي بس د عامو خلکو سورلۍ ته ولاړ و، چې درز پورته شو.  

د پېښې شاهدان وايي؛ قربانیان ټول ملکي وګړي دي او غوښتل یې، چې په ملي بس کې خپلو کورنو ته ولاړ شي.

د ننګرهار والي ویاند عطالله خوږیاڼی وايي؛ چاویدونکي توکي په ملي بس کې ايښودل شوي وه، چې په کې پېنځه کسان ټپيان شوي دي.

د جلال آباد د حوزوي روغتون داکترانو ويلي؛ د پېښې له ځای څخه لس ټپیان ورلیږدول شوي، چې ټول بستر دي او روغتیایي حالت یې د اندېښنې وړ ندی.

تراوسه د دې پېښې مسوولیت چا پرغاړه نه دی اخیستی.

خبریال: رحمت الله زیارمل

About Ariana News

Avatar

Check Also

حکومت د خلکو د امنیت په ساتنه کې ناکام دی- د بشرحقونو خپلواک کمیسیون

(Last Updated On: August 18, 2019)د بشرحقونو خپلواک کمیسیون د تېرې شپې د واده پر …