تازه خبرونه
د هېواد ملي ګټې باید پر سیاسي او سلیقوي چلند زیانمنې نشي- عبدالله عبدالله
اجرائیه رييس عبدالله عبدالله وايي؛ د هېواد بهرنی سیاست د هېواد ملي ګټې دي، چې د سیاسي او سلیقوي چلند له کبله باید زیانمنې نشي.
تېره اوونۍ واشنګتن ته د خپل سفر په بهیر کې، ښاغلي محب له طالبانو سره د متحده ایالاتو خبرو ته په نغوته کې وویل: مونږ نه پوهيږو، چې څه روان دي. د امریکا د بهرنيو چارو وزارت استازي زلمي خليلزاد افغان حکومت په تياره کې ساتلی دی.
له دغو خبرو دوه ورځې وروسته اجرائیه رییس عبدالله عبدالله وویل، چې ملي ګټې د دولتي چارواکو لپاره ترټولو لوړ ارزښت لري او دا باید په بهرنیو پالیسي کې لومړیتوب ولري.
ښاغلي عبدالله د افغانستان د ملي امنیت شورا د مشر حمد الله محب د تېرې ورځې د څرګندونو په غبرګون کې ویلي، چې د افغانستان بهرنی سیاست اماتوره مسئله نده، چې څوک یې په خپل جیب کې وګرزوي.
دغه راز ښاغلی عبدالله له نړیوالې ټولنې سره د متقابل احترام او اړیکو ساتو غوښتونکی شو.
په ورته وخت کې د افغانستان یو شمېر سیاسیونو د ملي امنیت شورا د مشر پر وروستیو څرګندونو نیوکې کړي او وایي، چې هغه باید په اوسني سیاسي پړاو کې امریکا ته تندې خبرې نه وې کړې.
د افغانستان د اسلامي نهضت ګوند مشر سیداسحاق ګیلاني ویلي، زما په اند د دغو خبرو اړتیا نه وه؛ زه یې ډېر نه ملامتوم؛ ځکه د افغانستان حکومت ډېر بې خبره پاتې شوی او حق لري، چې څه نا څه خپل غږ پورته کړي، خو دا، چې مونږ د سولې پر لوري روان یو دا مونږ ته د خیر یو کار دی.
د اطلاعاتو او فرهنګ پخوانی وزیر سید مخدوم رهین وایي، چې ښاغلی محب دغه مقام ته ډېر ځوان دی او په بهرنیو چارو کې له لوړې سیاسي پوهې هم برخمن ندی.
د امریکا د بهرنیو چارو وزارت د اعلامیې له مخې؛ هیل د افغانستان د ملي امنیت سلاکار، محب ته يادونه وکړه، چې د افغانستان د سولې لپاره د امریکا ځانګړی استازی خلیلزاد د بهرنیو چارو وزیر استازی دی او پر زلمي خليلزاد بريدونه پر بهرنيو چارو وزارت بريدونه ګنل کېږي او يوازې د دوه اړخيزو اړيکو او سولې بهير پر وړاندې خند جوړوي.
له هغې وروسته، چې امریکایي چارواکو د ښاغلي محب پر څرګندونو غبرګون وښود؛ نو د افغانستان د ملي امنیت شورا مشر په خپل یو تویت کې په ډاګه کړه، چې حکومت او خلک له امریکا سره د اړیکو پر ارزښت ښه پوهیږي او په ځانګړي توګه له امنیتي ځواکونو سره له مرستو مننه کوي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ