Connect with us

تازه خبرونه

د هېواد کروندګر به له مشروع او اصلاح شویو تخمونو برخمن شي

خپور شوی

د

(Last Updated On: لړم ۳, ۱۴۰۱)

د کرنې، اوبو لګولو او مالدارۍ وزارت مسوولین وايي، د مشروع کښتونو د محصولاتو کمښت او بازار ته نه لاسرسی د دې سبب شوی، چې ډېري کروندګر د نشه يي توکو کښت پیل کړي.

د کرنې، اوبو لګولو او مالدارۍ وزارت مسوولین د کوکنارو د کښت پر بدیلو لارو چارو بحث کوي، چې په هېواد کې د نشته یی توکو د کښت پر ځای کروندګروته ښه او نوي کښتونه وروپېژندل شي.

د کرنې او مالدارۍ وزیر نصیراحمد درانی وايي، چې د کوکنارو د کښت د مخنیوي لپاره به له دې وروسته بزګروته، زعفران، الویرا او ځیني نور قیمتي نباتات او نوي اصلاح شوي تخمونه ووېشل شي.

هغه دا ډاډ هم څرګند کړ؛ حکومت اوس پدې هڅه کې دی، چې کروندګر د خپلو محصولاتو له پلورلو ډاډ من شي او د مخدره توکو له کښته لاس واخلي.

دغه راز د کرنې، اوبو لګولو او مالدارۍ وزارت مسوولینو د ۱۹۲ میلیون افغانیو پر ارزښت نوي تړونونه لاسلیک کړل.

د کرنې، اوبو لګولو او مالدارۍ وزیر نصیر احمد درانی وایي: ترهغې، چي مونږ خپلو کورنیو محصولاتو ته د ډاډ وړ بازار پیدا نکړو؛ د نشه یي توکو کښت به همداسې روان وي؛ ځکه په ځینو برخو کې مناسب بازار د دې سبب شوی، چي دغه ناروا کښت ته کروندګر مخه وکړي.

د نشه یی توکو په وړاندې د مبارزۍ وزارت مسوولین وايي، تر هغې، چي په ټولنه کې له نشه یی توکو سره ګډه مبارزه تر سره نشي؛ پایله به یې مثبته نه وي.

دغه راز دوی د دولتي ادارو پر همغږۍ هم ټینګار کړی دی.

د نشه يي تو کو پر وړاندې د مبارزې وزیره سلامت عظیمي وایي؛ ټولې ادارې او ولس باید د نشه یي تو کو د کښت پر وړاندې کډه مبارزه وکړي، چې د دې ستونزې د حل لپاره یوه لار پیدا او بدیل کښتونه وړاندي کړو.

د کرنې او مالدارۍ وزارت مسوولین هڅه کوي، چې د ننګرهار کانال پر یوه دولتي شرکت بدل  او له دې لارې د ننګرهار کانال له ځمکو څخه سمه ګټه پورته شي.

دوی دا هم ویلي، چي په دې پروژه کې به دمګړۍ خصوصي سکتور ته ونډه ورنکړ شي.

یاد وزارت دا ټینګار هم کړی، چې په دې کانال کې به ۱۵ زره کسانو ته د کارزمینه برابره او هم به يي محصولات پراخ شي.

خبریال: اسلم حجاب

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!