عاجل خبرونه

د ننګرهار د هوايي ډګر پر ساتوونکیو ځانمرګی برید شوی

(Last Updated On: June 1, 2017)

د ننګرهار والي ویاند وايي، په د دغه ولایت د  هوايي ډګر پر ساتوونکیو ځانمرګی برید شوی، چې په کې یو افغان سرتېری او برید ګر وژل شوي او دوه افغان سرتېري او څلور ملکي وګړي ټپیان دي.

د ننګرهار والي ویاند عطاالله خوږیاڼی وايي، ځانمرګي برید ګر خپل کورلا ډوله موتر هوايي ډګر ته څیرمه  د تورخم – جلال آباد پر لویه لار د هغو سرتېرو له امنیتي پوستې سره جنګولی، چې د هوايي ډګر ساتنه کوي.

بلخوا  د بهسودو ولسوالۍ یوه امنیتي سرچینه وايي، چې په دې پېښه کې یو ملکي وګړی هم وژل شوی او پېنځه نور ټپيان دي.

د برید له امله د ملکي کسانو درې موترې هم ویجاړې شوې دي.

تر اوسه کومې وسلوالې ډلې د دې برید مسوولیت پر غاړه نه دی اخستی.

About Ariana News

Avatar

Check Also

د بلخ خلکو د ولسي وګړیو پر وژنه اعتراضي لاریون کړی

(Last Updated On: January 26, 2020)د بلخ ولایت د بلخ ولسوالۍ اوسیدونکیو اعتراضي لاریون کړې …