Connect with us

تازه خبرونه

د ننګرهار ولایتي شورا د ټاکنو د تحریم ګواښ کړی

خپور شوی

د

(Last Updated On: لړم ۲, ۱۴۰۱)

د ننګرهار ولایتي شورا له ټاکنیز نوملړه د جاوید زمان غمشریک ویستل ناعادلانه کار وبللو او خبرداری یې ورکړ، چې که له نوموړي سره عدالت ونشي او پر پلویانو یې د شوي برید څېړنه ترسره نشي؛ نو په دې ولایت کې به روانې پارلماني ټاکنې تحریم کړي.

د تېرې شنبې په ورځ د جلال آباد ښار په پېنځمه ناحیه کې د ټاکنو کمیسیون مخې ته د جاوید زمان غنشریک د پلویانو پر سوله ییز احتجاج ځانمرګی برید وشو، چې له کبله یې د نوموړي پېنځه پلویان ووژل شول او پېنځه ټپیان دي.

د دوشنبې پر ورځ د ولایتي شورا رهبرۍ په یوه خبرې ناسته کې دغه برید له ګڼو پوښتنو ډک وبللو.

د ولایتي شورا رييس وايي، د خیمې په امنیت ساتنه کې بې غوري شوې.

د ننګرهار ولایتي شورا رييس احمدعلي حضرت  ویلي؛ د جاوید زمان پر پلویانو د شوي ځانمرګي برید د څېړنې لپاره دې پلاوي وټاکل شي او معالومه دې شي، چې ځانمرګی څه ډول د پولیسو له دوه تالاشیو تېر شو او د جاوید زمان غمشریک د پلویانو په شخصي تالاشۍ کې و پېژندل شو.

د ننګرهار ولایتي شورا مرستیال عبیدالله شینواري ویلي؛ ارګ د ننګرهاریانو وینې ته په سپکه ګوري، چې دا به د نظام لپاره بدې پایلې ولري.

د ننګرهار ولایتي شورا د دارالانشا مشرې حمیرا رفیع  په ډاګه کړې، چې که حکومت په یوه کوچني ځای کې د احتجاج کوونکیو د یوې خیمې امنیت نشي ساتلی؛ په راتلوونکیو ټاکنو کې به د کمپاینونو او عامه پوهاوي غونډې څنګه خوندي کړي.

ولایتي شورا له ټاکنیز نوملړه د جاویدزمان ویستل  ناعادلانه کار وبللو او خبرداری یې ورکړ، چې که له نوموړي سره عدالت ونشي او پر پلویانو یې د شوي برید بشپړه څېړنه تر سره نشي؛ نو په دې ولایت کې به پارلماني ټاکنې تحریم کړي.

خبریال: رحمت الله زیارمل

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!