Connect with us

تازه خبرونه

د ننګرهار په چپرهار ولسوالۍ کې ۱۷کسانو ته مرګ و ژوبله اوښتې

خپور شوی

د

(Last Updated On: لړم ۲, ۱۴۰۱)

د ننګرهار ولایت چارواکو په ډاګه کړې، چې تېره شپه د دغه ولایت د چپريهار ولسوالۍ د چينو په کلي کې افغان ځانګړیو ځواکونو هوايي او ځمنکي عمليات کړي، چې په کې نهه تنه وژل شوي او د یوې ښځې او ماشومې په ګډون ۸ تنه نور ټپيان دي.

محمد آصف ځايي استوګن او عیني شاهد وايي، په وژل شویو کې د چپریهار د سیمه ایزو پولیسو قومندان زورو او دهغه دوه ځامن شامل دي. په ټپيانو کې د همدې  کورنۍ یوه میرمن او یوماشوم هم دي.

ځايي خلک وايي، مړي اوټپيان د مشرانو جرګې د رييس فضل هادي مسلیم یار د کورنۍ غړي او خپلوان دي.

خان محمد دولتزی ځايي استوګن او عینی شاهد وايي، سیمه ییزو پولیسو په ناپېژندنګلوۍ کې پرځانګړیو سرتېرو ډزې وکړې. له دې سره  کلیوالو فکر وکړ، چې وسلوالو پرسیمه ییزو پولیسو برید کړی؛ ځکه له وسلو سره له کورنو راووتل؛ خو د ځانګړیو ځواکونو سرتېري ګوته په ماشه ناست ول او پرهغو کلیوالو یې ډزې وکړې، چې وسلې ورسره وې.

یوه سرچینه، چې نه غواړي نوم یې واخستل شي وايي، د عملیاتو موخه د داعش دوه مهم غړي وه؛ خو موخې ته له نږدې کیدو سره سم سیمه ییزو پولیسو پر ځانګړیو سرتېرو ډزې کړي او نښته شوې، چې له کبله یې نهه ځايي کسان وژل شوي او اته ټپيان دي.

خپلواکې سرچینې دا خبره نه تائیدوي.

د ننګرهار والي حیات الله حیات وايي، د عملیاتو موخه په سیمه کې داعشیان وه؛ خو په ناپامۍ کې ځايي خلک او سیمه ییز پولیس وژل شوي او  ژوبل دي.

د پيښې د څېړنې لپاره یو لوړ پوړی پلاوی ټاکل شوی اومسوولین وايي، پایلې به ژر له خلکو سره شریکې شي.

دوه میاشتې وړاندې هم په همدې سیمه کې پر یوه ورته پېښه کې ملکي خلک وژل شوي او ژوبل ول.  

خبریال: رحمت الله زیارمل

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!