تازه خبرونه
د هېواد د هر قوم او توکم سپکاوی د اساسي قانون خلاف عمل دی
يو شمېر کارپوهانو ویلي، د ګورکاني تیمور په اړه د ولسمشر اشرف غني څرګندونې یوه قوم او یو توکم ته سپکاوی ګڼل کیږي او د منلو ندي.
په ټولنیزو شبکو کې هم د ولسمشر اشرف غني خبرې ناندریزې شوې دي.
د فرهنګ او ملي هویت په تاریخي بحث کې د ولسمشر اشرف غني ګډون او څرګندونو یو شمېر کارپوهان حیران کړي دي. ولسمشر د خپلو خبرو په یوه برخه کې د تیموریانو لومړني امپراتور ګورکاني تیمور ته د ګوډ تیمور خطاب وکړ.
ولسمشر اشرف غني د ګورکاني تیمور په اړه د خپلو خبرو په یوه برخه کې نوموړی ګوډ تیمور ونوماوه او په ډاګه یې کړه، چې د هېواد په شمال او شمال ختیځ کې د اوبخور چنګیز خان ویجاړ کړ او د سیستان ـ هلمند او فراه هغه ګوډ تیمور خاورې ایرې کړ.
د ولسمشر دا خبرې له توندو نیوکو سره مخ شوي او ان په ټولنیزو شبکو کې یې ناندرې راپورته کړي دي.
د ولسمشر د لومړي مرستیال دفتر په یوه خبرپاڼه کې د ولسمشر دغه خبرې امیر تیمور جهانګشاه او د قرآن لرونکي ته سپکاوی یاد کړی او زیاتوي، چې افغانستان په ډېرو حساسو سیاسي شرایطو کې روان دی او بې مسوولیته خبرې به د خلکو تر منځ کرکه او واټن رامنځته کړي.
د ولسمشرۍ لومړي مرستیالۍ ویلي، چې ولسمشر دې له خلکو بښنه وغواړي.
د عبدالرشید دوست په مشرۍ د افغانستان د ملي اسلامي غورځنګ ګوند ویاند بشیر احمد ته ینج په دې اړه ویلي؛ په خواشینۍ، چې ولسمشر د درنو قومونو او توکمونو د فرهنګ او نړیوال تاریخ او د دوی د تاریخي شخصیتونو په اړه، چې په افغانستان کې اوسیږي؛ خپله بالقوه کرکه په ډاګه کړه. هغه څو ځله دغه تېروتنه تکرار کړی او د افغانستان ملي اسلامي جنبش د دې موضوع مخالف دی او مونږ غواړو، چې ولسمشر په دې اړه بښنه وغواړي.
کارپوهان هم د ولسمشر دا خبرې مناسبې نه ګڼي.
د ولسي جرګې غړی عطا محمد دهقانپور ویلي، چې د اساسي قانون د ۲۲ مادې له مخې په افغانستان کې هیڅ راز تبعیض مجاز ندی.
هغه وایي؛ کرکې او تبعصضونه مجاز ندي که هغه ژبنۍ، نزادي او سمتي وي د اساسي قانو سره په ټکر کې دي.؛ ځکه، نو د ملیتونو درناوی واجب دی، چې له ولسمشره نیولې تر وروستي کسه باید ورته پاملرنه وشي.
د ولسمشر ویاند پر خپله فیسبوک پاڼه لیکلي، د ولسمشر دا خبرې د دې ملي شخصیت امیر تیمور پر وړاندې بې احترامي او قصدي نه وې.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټرۍ ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه وه.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
تازه خبرونه
په تېرو ۶ میاشتو کې ۸ زره ۷۴۷ جنايي پېښې ثبت شوي
د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.
د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.
قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.
نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.
د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.
قانع ویلي: د پاسپورټ رياست لهخوا هره ورځ لس زره پاسپورتونه هېوادوالو ته وېشل کېږي.
د دوی د څرګندونو له مخې؛ د نشهیي توکو کښت، تولید او قاچاق هم صفر ته رسېدلي او په هېواد کې د نشهیي توکو د تولید اته ماشینونه او د نشهیي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.
هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.
د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې