عاجل خبرونه

د پکتیا والي له وسلوال بریده روغ رمټ وتلی

(Last Updated On: جون 23, 2018)

په پکتیا کې سیمه ییزو چارواکو منلې، چې د دغه ولایت والي شمیم کتوازی نن سهار مهال له وسلوال بریده روغ رمټ وتلی دی.

د پکتیا والي ویاند عبدالله حسرت ویلي، چې ښاغلی کتوازی د کابل –ګردیز پر لویه لار د لوګر په اړوند سیمه کې د ناڅرګندو وسلوالو تر برید لاندې راغلی؛ خو په دې پېښه کې هیچا ته ځاني زیان ندی رسیدلی.

د پکتیا والي شمیم کټوازی له رسنیو سره په خبرو کې په ډاګه کړې وه؛ هوډ لري، چې پکتیا  ولایت د افغان حکومت او طالبانو تر منځ د سولې خبرو پر ډاډمن ځای بدل او د زون په کچه یوه جرګه هم جوړه شي.

شمیم کټوازی ویلي وه؛ قومي مشرانو  پر حکومت او وسلوالو فشار ډېر کړی، چې خپل شرطونه څرګند او په ګوته کړي.

د نوموړي د څرګندونو له مخې؛ ولسونو داسې هڅې پیل کړي، چې پکتیا  ولایت د طالبانو لپاره د امن سیمه او همدلته د حکومت او طالبانو د خبرو زمینه برابره شي.

شمیم خان کټوازي وړاندې  وویل چې دغه ولسونه د زون په کچه د یوې جرګې د جوړولو هوډ هم لري دا جرګه به پکتیا د سولې ولایت په توګه اعلانوي.

د د دغې پېښې په اړه د څېړنو له پیلیدو هم خبر ورکړ شوی؛ خو تر دې دمه داعش او یا کومې بلې ډلې د پېښې مسوولیت پر غاړه ندی اخیستی.

ویل کیږي، چې په دې برید کې عامو خلکو ته هم ځاني او مالي زیان ندی اوښتی.

About Ariana News

Check Also

اجرائیه رییس عبدالله د ايران له ولسمشر سره لیدلي

(Last Updated On: سپتمبر 25, 2018) د افغانستان د ملي وحدت حکومت اجرائیه رییس داکتر …