Connect with us

تازه خبرونه

د ولسي جرګې د رییس د ګوښه کولو هڅې روانې دي

خپور شوی

د

(Last Updated On: لړم ۲, ۱۴۰۱)

د افغانستان د ولسي جرګې غړي د رییس ګوښه کولو هڅې روانې ساتلي او دې موخې ته د رسیدو لپاره لاسلیکونه کوي.

د ولسي جرګې پر رییس د اختلاس تورونو د سندونو له خپراوي وروسته د ولسي جرګې غړیو په دې اړه توند غبرګونونه ښکاره کړل.

په ولسي جرګه کې د کابل  استازی رمضان بشردوست دغه کار ملي خیانت بولي او وایي، لویه څارنوالۍ دې دغه موضوع په جدي توګه وڅېړي او پایله یې باید خلکو ته روښانه شي.

نوموړی د رییس د ګوښه کولو لپاره لاسلیکونه ټولوي او له نورو وکیلانو هم غواړي، چې په دې برخه کې همکاري وکړي.

په ولسي جرګه کې د فراه استازی  سرور عثماني د پارلمان په تاریخ کې یوه توره پېښه بولي او وایي، د جرګې د رییس اختلاص د پارلمان پر تاریخ د یو تور داغ لګیدل دي؛ نوموړی د دې جرګې د ریاست ارزښت نلري او باید څارنوالي دغه موضوع جدي وګڼي.        

په ولسي جرګه کې د کندهار استازی عبدالرحیم ایوبي وایي، دا د شرم ځای دی، چې د ولسي جرګې او دارالانشا رییسانو ځانونه ندي وژلي. په داسې حال کې، چې میلیونونه دالر اختلاص شوي دي او زه به د دوی په وړاندې بېلابېل مدني حرکتونه تر سره کړم.           

د ولسي جرګې لومړی مرستیال همایون همایون ټینګار کوي؛ لس سلنه فساد په دارالانشا کې دی او نوي سلنه نور پټ دی. ما د احتلاس سندونه لویې څارنوالۍ ته لیږلي، چې د فساد او اختلاص دغه موضوع وڅېړي ؛ خو تر اوسه نه دي افشا شوي.

تر دې دمه د ولسي جرګې او د دارالانشا رییسانو د دغه تور په اړه څه نه دي ویلي؛ خو د ولسي جرګې غړي پر فساد د ولسي جرګې د رییس تورنېدل ناورین جوړونکی بولي او وایي، چې دغه ډول موارد به د دې سب شي، چې ملت د خلکو په وړاندې باور له لاسه ورکړي.

خبریال: رفیع صدیقي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!