عاجل خبرونه

د کندوز قلعه زال ته د طالبانو نومول شوی ولسوال ووژل شو

(Last Updated On: May 22, 2017 1:52 pm)

د کندوز ولایت سیمه ییز چارواکي وایي، چې د کندوز ولایت قلعه زال ولسوالۍ ته د طالبانو نومول شوی ولسوال مولوي دوست محمد په یوه هوایي برید کې وژل شوی دی.

د کندوز ولایت امنیه قومندان جنرال عبدالحمید حمید پېښه منلې او آریانا نیوز ته یې په ډاګه کړې، چې مولوي دوست محمد د خپلو نورو اووه طالب وسلوالو سره په یوه برید کې وژل شوی او څلور نور یې ټپیان دي.  

د کندوز ولایت قلعه زال ولسوالي یوه له ناامنو ولسوالیو څخه ده، چې د طالبانو لخوا د منصوري نومو پسرلنیو عملیاتو له پیل سره سم د روان لمریز کال د غویي پر ۱۶نیول شوې وه او د ملي اردو ځواکونو ترې هغه مهال شاتګ کړی و.

حکومتي ځواکونو د غه ولسوالي له لس ورځني ځنډ وروسته بېرته د طالبانو له ولکې خلاصه کړه.

کندوز ولایت طالبانو ته ډېر ستراتیژیک ارزښت لري، چې د دوه کلونو په بهیر کې دغه ولایت دوه ځله لاس په لاس شوی هم دی.

طالبانو تر دې دمه په دې اړه څه نه دي ویلي.

About Ariana News

Check Also

د وګړیو د احوال ثبتولو ادارې د کاغدي تذکرو د وېش لړۍ ودروله

(Last Updated On: September 18, 2018 6:39 pm) د وګړو د احوال ثبتولو ادارې رییس …