تازه خبرونه
د ولسي جرګې د ټاکنو معترضو نوماندانو د کابل ښار لارې وتړلې
د کابل د ولسي جرګې ټاکنو معترضو نوماندانو کابل ښار ته ورتلوونکې ځینې لارې وتړلې؛ دوی د لومړنیو رایو د باطلیدو او د کمیشنرانو د محاکمې غوښتنه کوي.
د کابل د ولسي جرګې ټاکنو د پایلو د لومړني نوملړ له اعلام وروسته ځینو نوماندانو اعتراض وکړ او کابل ښار ته ځینې ورتلونکې لارې یې وتړلې.
د تانک لوګر د ښاري دروازې معترض نوماندان د ټاکنو خپلواک کمیسیون د کمیشنرانو پر ضد شعار ورکوي او د ټاکنیزو شکایتونو له خپلواک کمیسیون څخه غواړي، چې د کابل ولسي جرګې ټاکنو رایې باطلې کړي او د ټاکنو خپلواک کمیسیون کمیشنران دې محاکمه شي.
معترض نوماند عطاالله فیضاني وایي، چې تورې رایې دې له سپینو هغو بېلې شي؛ پرته لدې یې مونږ نه منو.
قاضي دل آقا نومی معترض نوماند وایي، چې له درغلیو ډک کسان به پارلمان ته لار ونه مومي.
معترض نوماند بیدار ځاځی وایي، چې مونږ د ټاکنیزو کمیسیونونو د غړیو محاکمه غواړو.
د خیرخانې له غاښي کابل ښار ته بله ورتلونکې لار هم د ځینو معترضو نوماندانو لخوا تړل شوې ده.
معترض نوماند عرفان الله عرفان وایي، چې مونږ د قانون پلي کولو غوښتونکي یو.
داوود کلکانی نومی معترض نوماند وایي، چې دا وضعیت مونږ ته د منلو ندی؛ مونږ د عدالت غوښتونکي یو.
د ټاکنیزو شکایتونو خپلواک کمیسیون وایي، د کابل د شکایتونو سترې برخې ته رسیدګي شوې او د معترضو نوماندانو د قانون خلاف اقدامات به پایله ورنکړي.
د ټاکنو خپلواک کمیسیون د ویاند مرستیال ذبیح الله سادات وایي، د معترضو نوماندانو ناقانونه اقدامات به کومه پایله ورنکړي.
د ټاکنیزو شکایتونو خپلواک کمیسیون بیا د معترضو نوماندانو دا اقدام تېروتنه ګڼي.
څه باندې یوه اوونۍ کیږي، چې ټاکنو خپلواک کمیسیون د کابل د ولسي جرګې ټاکنو لومړنۍ پایلې اعلام کړې دي. دا وروستۍ پایلې ندي؛ خو دې چارې د کابل ښار په بېلابېلو سیمو کې د معترضو نوماندانو اعتراضونه را پارولي دي.
دوی وایي؛ که یې اعتراضونو ته، چې د کابل رایو باطلول دي، لاسرسی ونشي؛ اعتراضونه به یې دوام ولري.
تازه خبرونه
زلزله ۵.۲ ریشتری افغانستان را لرزاند
به گزارش مرکز ملی زلزلهنگاری هند، زمین لرزهای به بزرگی ۵.۲ ریشتر بعد از ظهر امروز (پنجشنبه) افغانستان را تکان داد.
مرکز این زلزله منطقه کوهستانی شمال شرق ولسوالی اشکاشم ولایت بدخشان در عمق ۷۰ کیلومتری زمین بوده و برعلاوه افغانستان، درکشورهای تاجیکستان، ازبیکستان و قرغیزستان نیز احساس شده است.
تاهنوز تلفات جانی و خسارات مالی از اثر این حادثه گزارش نشده است.
این در حالی است که در ماه اکتوبر سال گذشته، بیش از ۲ هزار تن در نتیجه وقوع چهار زلزلهی ۶.۳ ریشتری در ولایت هرات جان باختند.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
تازه خبرونه
په تېرو ۶ میاشتو کې ۸ زره ۷۴۷ جنايي پېښې ثبت شوي
د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.
د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.
قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.
نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.
د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.
قانع ویلي: د پاسپورټ رياست لهخوا هره ورځ لس زره پاسپورتونه هېوادوالو ته وېشل کېږي.
د دوی د څرګندونو له مخې؛ د نشهیي توکو کښت، تولید او قاچاق هم صفر ته رسېدلي او په هېواد کې د نشهیي توکو د تولید اته ماشینونه او د نشهیي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.
هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.
د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې