تازه خبرونه
د نیول شویو سیمو د ساتنې لپاره نوې اردو جوړوو- محمد رادمنش
ملي دفاع وزارت د وسلوالو مخالفینو څخه د نیول شویو سیمو د ساتنې لپاره وړه اردو جوړوي، چې په پسرلي کې به کار پیل کړي.
سره له دې، چې په افغانستان کې ملیشه يي ځواک او سیمه ییزو پولیسو د امنیتي حالاتو په کابو کولو کې غوره رول نه دی لوبولی؛ خو اوس ملي دفاع وزارت خبر ورکوي، چې د وړې اردو په نوم به نوی ( ۳۶ زره کسیز) ځواک جوړ کړي.
د ملي دفاع وزارت د ویاند مرستیال محمد رادمنش وايي، چې دغه اردو به له مخالفینو نیول شوې سیمې وساتي.
د ملي دفاع وزارت د څرګندونو له مخې؛ په وړه اردو کې به د هر ولایت لپاره د همغه ولایت سرتېري جذبیږي او له روزنې وروسته به په خپل ولایت کې دنده تر سره کوي.
د نوموړي په وینا؛ د اردو دا سیمه ییز ځواکونه له پخوانیو سیمه ییزو ځواکونو سره ډېر توپیر لري. نوې سیمه ییزه اردو به د ملي اردو د افسرانو لرونکې وي.
پوځي کارپوهان وايي، چې ملي دفاع وزارت ته په کار ده، چې ملي اردو ته وده او پراختیا ورکړې او په نورو نومونو دې خلک نه وسلوال کوي.
پوځي کارپوه عتیق الله امرخېل وایي، له ورته وسلوالو ټولګیو عادي خلکو ډېر شکایتونه کړي؛ دا خلک اصول نه مني او قانون ته هم درناوی نلري. دوی خپلسري خلک دي او که نه وي هم خپلسري کیږي؛ ځکه له دښمن سره اړیکې پیداکوي، وسلې خرڅوي او قاچاق کوي.
د نوموړي په وینا؛ ملیشې، اربکي، سیمه ییز پولیس دا ټول افغانان دي، چې خپلسري یې کړې او خپلسري شوي دي.
که څه هم خلکو ورته ډېرې نورې اندېښنې هم په ډاګه کړي؛ خو ملي دفاع وزارت ویاند وايي، چې دغه ۳۶ زره کسیز ځواک به په بېلابېلو ولایتونو کې کار پیل کړي او په خپلسري توګه او د زورواکو په اشاره به چارې پر مخ نه وړي.
خبریال: خلیل امید
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
تازه خبرونه
په تېر یو کال کې د افغان ښځو حقونو وضعیت نور هم خراب شو- امریکا
د امریکا بهرنیو چارو وزارت د بشري حقونو په اړه په خپل کلني راپور کې څرګنده کړې، چې د افغان ښځو حقونو وضعیت په ۲۰۲۳ ز. کال کې د ښځو پر وړاندې د محدودیتونو د لګولو له کبله ډېر خراب شوی دی.
وژنې، فزیکي ناوړه ګټه اخیستنه، د زندان سخت شرایط، ناحقه توقیف او اختطاف، د بیان او رسنیو ازادي، د انټرنیټ کارولو او سیاسي مشارکت ازادیو بندیزونو لګولو په ګډون اداري فساد او پوځي څانګې ته د ماشومانو استخدام د بشري حقونو هغه موضوعګانې دي، چې په دې راپور کې ورته نغوته شوې ده.
په دې راپور کې راغلي، چې اسلامي امارت په رسمي ډول د جمهوري پېر په قوانینو کې بدلون ندی راوستی؛ خو داسې فرمانونه یې صادر کړي، چې د نړیوالو کنوانسیونونو له قوانینو او مکلفیتونو سره، چې افغانستان یې ژمنه کړي په ټکر کې دي.
د امریکا بهرنیو چارو وزیر انټوني بلینکن ویلي، چې په افغانستان کې د ښځو او نجونو لپاره کاري او تعلیمي فرصتونه محدود دي او د غیر اخلاقي کړنو پر تور د ښځو او نرینهوو په وهلو ټکولو کې زیاتوالی راغلی دی.
د اسلامي امارت ویاند ذبیح الله مجاهد له بشري حقونو څخه د سرغړونې په اړه د امریکا بهرنیو چارو وزارت د راپور په غبرګون کې ويلي، چې د افغانستان خلک ټول مسلمانان دي او حقوق یې د اسلامي شریعت له مخې تعریف شوي او ورکړ شوي دي. په امریکا او نورو لویدیځو هېوادونو کې تعریف شوي بشري حقونه او کلتور له افغانستان سره توپیر لري او لویدیځوال باید خپل کلتور پر نورو هېوادونو ونهتپي.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه5 days ago
تېر ۲۰۲۳ کال د افغانستان د خلکو لپاره د سترو ننګونو کال و -راپور
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه23 hours ago
د ایران ولسمشر پر درې ورځني سفر پاکستان ته ولاړ
-
تازه خبرونه7 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي