Connect with us

تازه خبرونه

د چین په درې اړخيزه ناسته کې پر کاري ډلو او میکانیزمونو هوکړه وشوه

خپور شوی

د

(Last Updated On: لړم ۲, ۱۴۰۱)

 

د افغانستان، پاکستان او چين د بهرنيو چارو وزيرانو درې اړخيزې خبرې د سې شنبې پر ورځ( د مرغومي ۵) د دغه هېواد په پلازمېنه بيجنګ کې پيل شوه او په کې پر کاري ډلو او یو لړ میکانیزمونو هوکړې رامنځته شوې.

د چین د بهرنیو چارو وزیر ویلي، چې درې واړو هېوادونو تر منځ اړیکې به پر درې اړخیزو همکاریو ولاړې وي؛ لومړی به هڅه کوو، چې د سولې او روغې جوړې لپاره ګډ کار و شي، په دوه یم ګام کې به مو هڅه دا وي، چې د پاکستان او افغانستان په اړیکو کې ښه والی رامنځته شي او بیا درې واړه هېوادونه به په خپل قلمرو کې د ترهګریزو هڅو مخه نیسو.

د چین د بهرنیو چارو وزارت د تروریزم په وړاندې د افغانستان هڅې ستایلي او وایي، چې له دغه هېواد سره به په ټولو اړوند برخو کې خپلې مرستې جاري ساتي او د افغانانو په مشرۍ به د سولې له هڅو ملاتړ کوي.

د چين د بهرنيو چارو وزیر دا هم په ډاګه کړې، چې هېواد يې هڅه کوي، چې د دواړو گاونډيانو (افغانستان او پاکستان) په اړيکو کې ښه والى راشي.

د نوموړي په وینا؛ افغانستان به ډېر ژر د سولې یو پیلان طالبانو ته وړاندې کړي. پاکستان او افغانستان هم د چین له پلان او برنامي ملاتړ څرګند کړی دی.

د وانګ په وینا؛ چین او پاکستان دواړه له افغانستان سره مرستې ته چمتو دي.

دغه راز چين خپل افغان او پاکستاني سيالان د کابل او اسلام آباد تر منځ د لانجو کمولو ته وهڅول او د دواړو هېوادونو تر منځ د ستونزو د را کمولو ژمنه وشوه.

د افغانستان د بهرنيو چارو سرپرست وزير صلاح الدين رباني د يوه لوړپوړي پلاوي په مشرۍ، چې د ملي دفاع او کورنيو چارو وزارتونو مرستيالان په کې برخه لري په دې غونډه کې وویل، چې چین غواړي د افغانستان او پاکستان تر منځ رغنده او جوړونکې برخه واخلي او د سولې په بهیر کې هر اړخیزه مرسته تر سره کړي.

هغه وویل: مونږ د تروریزم په وړاندې پر ګډه مبارزه ټینګار کوو او هر ګواښ، چې له هرې سیمې وي باید وځپل شي.

د پاکستان د بهرنیو چارو وزیر وویل؛ زه باور لرم، چې دغه درې اړخیزې خبرې به په سیمه کې له سولې او بثات سره مرسته وکړي.

د نوموړي په وینا؛ په افغانستان کې د سولې او ثبات رامنځته کیدل د سیمې اقتصادي وده پیاوړې کوي.  

دغه راز په سیاسي، اقتصادي، پوځي، استخباراتي او د کډوالو په چارو کې د همکارۍ کاري ډلې رامنځته شوې، چې درې واړه اړخونه ورته هیله من دي.

دغه راز ټینګار وشو ، چې دوه یمه درې اړخیزه ناسته به بل کال په کابل کې تر سره کیږي.

چین د روان میلادي کال په جون کې د دې ناستې طرحه وړاندې کړې وه.

دغه غونډه په داسې حال کې ترسره کېږي، چې روسي چارواکو په افغانستان کې د داعش اړوند اندېښنې راپورته کړي، چې دغه وسلوال اوس پر غربي وسلو سمبال شوي او د منځنۍ آسیا هېوادونو ته يې ګواښ ډېر کړی دی.‎

افغان چارواکو تل پاکستان د افغانستان په ناامنیو کې ښکې ګڼلی؛ خو د هغه هېواد چارواکي بیا د ترهګرۍ ځاله د ‏افغانستان ختیځ بولي.‎ وخت به وښيي، چې د دې ناستې پایلې د سیمې پر امنیتي او اقتصادي ودې څومره اغېز کولی شي.

تازه خبرونه

افغانستان د پاکستان سفارت چارسمبالی احضار کړ

Published

on

(Last Updated On: کب ۲۸, ۱۴۰۲)

د افغانستان اسلامي امارت بهرنیو چارو وزارت د پاکستانيو پوځیانو له‌خوا د افغانستان له حریمه د سرغړونې په غبرګون کې د پاکستان سفارت چارسمبالی احضار او احتجاج‌لیک یې ورته وسپاره.

د افغانستان اسلامي امارت د بهرنیو چارو وزارت د څرګندونو له مخې؛ افغانستان د نړۍ د زبرځواکونو پرخلاف د ازادۍ د اوږدې مبارزې تجربه لري،  پخپله خاوره تېری نشي زغملی.

پاکستانی ولس او نوی ملکي حکومت باید پرېنږدي، چې ځینې کړۍ پر غیر مسوولانه کړنو خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

Continue Reading

تازه خبرونه

افغان سرحدي ځواکونو فرضي کرښې ته نږدې د پاکستان پوځي مرکزونه وویشتل

Published

on

(Last Updated On: کب ۲۸, ۱۴۰۲)

د افغانستان ملي دفاع وزارت نن (دوشنبه د کب اته‌ویشتمه) څرګنده کړې، چې د پاکستان جنګي او جاسوسي جیټ الوتکې یو ځل بیا د افغانستان خاورې ته ننوتلي او د پکتیکا په سپیرې او د خوست برمل ولسوالیو کې یې د ملکي خلکو پر کورونو بمبارډ کړی دی.

د دغه وزارت ویاند عنایت الله خوارزمي په ایکس پاڼه کې لیکلي، چې: د پاکستان د هوایي یرخل او تېري په ځواب کې افغان سرحدي ځواکونو د فرضي کرښې په اوږدو کې د پاکستان پوځي مرکزونه پر درندو وسلو ویشتي دي.

خوارزمي زیاته کړې، د هېواد دفاعي او امنیتي ځواکونه د هر ډول تېري ځواب ورکولو ته چمتو دي او په هر حالت کې به له خپلې ځمکنۍ بشپړتیا څخه دفاع کوي.

د پاکستان پر پوځي مرکز له خونړي برید وروسته د دغه هېواد لوړپوړو چارواکو د غچ اخیستو شعارونه ورکړل.

د پاکستان ولسمشر اصف علي زرداري ویلي: پاکستان پرېکړه کړې هر څوک، چې زمونږ پر پولو، زمونږ پر کور او یا زمونږ پر مالونو برید وکړي؛ مونږ به ورته سخت ځواب ورکړو، هغه که هر څوک وي او د هر هېواد وي.

د پاکستان د ولسمشر له دغو څرګندونو یوه ورځ وروسته تېره شپه د دغه هېواد کشفي او جنګي الوتکو د پکتیکا پر برمل او د خوست په سپېره ولسوالیو بریدونه وکړل.

د پاکستان له خوا ادعا شوې چې په دغو بريدونو کې د ټي ټي پي يو قوماندان پر نښه شوى دى.

له دغه برید څو ساعته وروسته د پاکستان د وزیرستان له سیمې د ټي ټي پي د یاد قوماندان عبدالله شاه ویډیو کلیپ خپور شو.

دغه هوايي بریدونه د اسلامي امارت له سخت غبرګون سره مخ شوي دي.

ذبيح الله مجاهد دغه بریدونه غندلي او وايي، چې دا ډول پېښې به ډېرې بدې پايلې ولري، چې د پاکستان له کنټروله به بهر وي.

اسلامي امارت وایي، چې پاکستان باید د خپلې بې کفایتۍ او ناکامۍ پړه پر افغانستان وانه‌چوي.

دا په داسې حال کې ده، چې د پاکستان په هوايي بريدونو کې د پکتيکا درې ښځې او درې ماشومان وژل شوي او دوه نورو میرمنو د خوست په سپیره ولسوالۍ کې خپل ژوند له لاسه ورکړیدی.

Continue Reading

تازه خبرونه

په پکتیکا او خوست کې د پاکستان هوایي بریدونه پر افغان خاورې ښکاره تېری دی – مجاهد

Published

on

(Last Updated On: کب ۲۸, ۱۴۰۲)

د اسلامي امارت ویاند څرګنده کړې، چې تېره شپه شاوخوا ۳ بجې پاکستانیو الوتکو د پکتیکا ولایت د برمل لمنه او د خوست سپیرې ولسوالۍ د افغان دوبۍ په اړوند سیمو کې د عامو وګړو پر کورونو بمبارد کړی دی.

ذبیح الله مجاهد د دوشنبې پر ورځ ( د کب پر اته‌ویشتمه ) په ایکس پاڼه کې یاد بريدونه پر کلکو ټکو غندي او دغه غيرسنجيده اقدام د افغانستان پر حریم تجاوز او تېری بولي.

ذبیح الله مجاهد وایي؛ د دې هوایي تېري په پایله کې د پکتیکا ۶ کسان ۳ ښځینه او ۳ ماشومان وژل شوي او یو کور نړیدلی. دغه راز په خوست ولایت کې یو کور نړیدلی ۲ ښځې وژل شوي دي.

ذبیح الله مجاهد د دغو بریدونو په غبرګون کې څرګنده کړې؛ د افغانستان اسلامي امارت، چې د نړۍ د زبرځواکونو پرخلاف د ازادۍ د اوږدې مبارزې تجربه لري، هیچاته پخپله خاوره د تېري اجازه نه‌ورکوي.

هغه ویلي: د عبدالله شاه په نامه کس، چې پاکستاني اړخ یې په پېښه کې د پر نښه کېدو ادعا لري؛ هغه په پاکستان کې دی. بله دا، چې د یادو سیمو په دواړو غاړو کې یو قوم اوسیږي، چې ورځنی تګ راتګ او ګنې خپلویانې لري.

د نوموړي په خبرپاڼه کې راغلي: پاکستانی ولس او نوی ملکي حکومت باید پرېنږدي، چې د پوځ څو جنرالان په دغه ډول بې باکه کړنو سره تېرو شل کلونو ته ورته د نورو جهتونو د ګټو لپاره خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

مجاهد زیاته کړې: پاکستان باید پخپله خاوره کې د پېښو د نه کنترول، ناتواني او ستونزو پړه پر افغانستان وانچوي؛ ځکه داسې پېښې خورا بدې پایلې درلودلی شي، چې بیا به یې کابو کول د پاکستان په اختیار کې نه وي.

د افغانستان اسلامي امارت هیچاته اجازه نه‌ورکوي، چې د افغانستان له خاورې څخه د چا امنیت خراب کړي.

دا په داسې حال کې ده، چې د شنبې پر ورځ وسله‌والو د پاکستان په میرعلي سیمه کې د امنیتي ځواکونو پر پوسته له چاودیدونکیو توکو ډکې لارۍ ته چاودنه ورکړ شوه او د پاکستان د پوځ اووه سرتېري او دوه افسران یې ووژل.

Continue Reading

Trending

Copyright © 2022 Ariana News. All rights reserved!