د مسکو ناسته د خبرو لوی فرصت دی، باید له بندون سره مخ نشي

(Last Updated On: November 10, 2018)

د ولسي جرګې ځینې غړي وایي، د مسکو ناسته د سولې خبرو د پیل لپاره د زمینې برابرولو لوی فرصت دی او باید د سولې بهیر له بندون سره مخ نشي.

د مسکو په ناسته کې د طالبانو د پېنځه کسیز پلاوي ګډون د سولې خبرو د پیل لپاره هیلې را وټوکولې.

د ولسي جرګې ځینې غړي وایي؛ هر هېواد، چې وکولی شي په افغانستان کې د سولې او ثبات لپاره زمینه برابره کړي، د خلکو له هرکلي سره به مخ شي.

په ولسي جدګه کې د ننګرهار استازې آرین یون وایي: دا ناسته د سولې په ګټه ده او اړوند هېوادونه باید د سولې په اړه عملي ګامونه پورته کړي. دغه راز هر هېواد، چې د سولې لپاره ګام پورته کړي د افغانستان خلک ترې هرکلی کوي.       

په ولسي جرګه کې د غزني استازی محمد عارف رحماني له خلکو څخه پر ملاتړ ټینګار کوي او وایي؛ له دولت او نړیوالې ټولنې غواړم، چې په افغانستان کې د روانو وژنو په اړه بې تفاوتۍ ته د پای ټکی کیښودل شي او په دې سختو شرایطو کې ترې ملاتړ وکړي.          

د ولسي جرګې رییس ټینګار کوي، چې د مسکو په ناسته کې د طالبانو د ډلې د استازیو حضور وښوده، چې دا ډله د سولې خبرو ته علاقه لري.

د ولسي جرګې رییس عبدالرووف ابراهیمي وایي: د مسکو ناستې وښوده، چې طالبان سولې ته لیواله دي؛ خو هڅه کوي امتیاز تر لاسه او خپل واک و ځواک نندارې ته وړاندې کړي.           

که څه هم افغان حکومت له طالبانو سره د سولې خبرو ته دروازه پرانیستې پریښې؛ خو دغې ډلې د حکومت د سولې وړاندیز ته پر وسلوالو او ترهګریزو بریدونو ځواب ورکړی او ویلي یې دي؛ تر هغې  ، چې نړیوال ځواکونه له افغانستان ونه وځي، له حکومت سره خبرو ته نه کیني.

About Ariana News

Avatar

Check Also

په لومړي ځل په هېواد کې یوه سوداګریزه سړخونه جوړه شوه

(Last Updated On: November 14, 2019)په لومړي ځل په هېواد کې یوه ستره سوداګریزه سړخونه …