عاجل خبرونه

د ټاکنو خپلواک کمیسون د دار الانشاء سرپرستې له دندې استعفا ورکړه

(Last Updated On: May 28, 2018 2:34 pm)

د ټاکنو خپلواک کمیسون د دار الانشاء سرپرستې د تذکرو پر کاپۍ د ستیکر لګولو په غبرګون کې له خپلې دندې ګوښه شوې او په دې اړه یې رسنۍ هم ډاډه کړې دي.

د ټاکنو خپلواک کمیسون د دار الانشاء سرپرستې شهلا حق رسنیو ته په ډاګه کړې، چې د تاکنو لپاره د نوملیکنې د ګډونوالو پر تذکرو د ستیکر لګولو پر ځای د تذکرو پر کاپيانو د ستیکر لګولو سره مخالفت لري او په دې اړه له دې سره مشوره هم نه ده شوې.

د ټاکنو خپلواک کمیسیون د نوملیکنې په بهیر کې د ګډونوالو د امنیت په خاطر دغه پرېکړه کړې؛ ځکه، چې له یوې خوا په ښارونو او ولایتونو کې زورواکي پر زور له خلکو تذکرې ټولوي او له بلې خوا خلک د طالبانو له وېرې پر اصلي تذکرو ستیکرونه نه لګوي.

د شهلا حق د څرګندونو له مخې: پر کاپۍ د ستیکر لګول عملي نه دي او کیدای شي نورې ډېرې ستونزې رامنځته کړي؛ نو د دې لپاره، چې مسلکي او باتجربه کادرونو ته د کار زمينه برابره شوې وي، د انتخاباتو قانون د ٢٤مې مادې د ٤ مې فقرې له مخې، زه د کميسيون د دارالانشاء رياست له سرپرستۍ  خپله استعفا وړاندې کوم.

باید وویل شي، چې یو شمېر نورو کارپوهانو او ادارو هم اندېښنه څرګنده کړې، چې پر کاپيو د ستیکر لګول به په ټاکنو کې پراخو درغلیو او ګډوډیو ته لار اواره کړي.

About Ariana News

Check Also

د هند اعلان شوې مرستې به د اقتصادي پراختیا لامل شي

(Last Updated On: September 20, 2018 4:55 pm) د هېواد د سوداګرۍ نړیوالې خونې مسوولین …