تازه خبرونه
د ټاکنو خپلواک کمیسیون د نوملیکنې د بهیر له احتمالي غزیدو خبر ورکوي
د نوملیکنې روان پیکه بهیر د ټاکنو خپلواک کمیسیون ته د قناعت وړ نه بریښي؛ نو، ځکه د نوملیکنې د وخت غزولو خبره کوي.
که څه هم د ټاکنو خپلواک کمیسیون پخپل وخت د ټاکنو له تر سره کیدو خبرې کوي؛ خو د ټاکنو په وړاندې امنیت ستره ستونزه بولي.
د ولسي جرګې او ولسوالیو شوراګانو په ټاکنو کې د ګډون لپاره په لومړي بهیر کې، چې د تذکرې اخیستل او نوملیکنه ده، تر اوسه درې سوه زره کسانو نومونه لیکلي دي.
د اټکلي شمېر له مخې؛ د افغانستان دیارلس میلیون وګړي په ټاکنو کې د ګډون او رایې ورکولو لپاره برابر دي.
د ټاکنو خپلواک کمیسیون غړې ملیحه حسن وایي: هیله من یو، چې په نوملیکنه کې د خلکو ورځ په ورځ ډېریدونکی ګډون نور هم پراخ شي. الله مکړه که ترې راضي نه وو، کولی شو په ښارونو کې یې لومړی پړاو وغزوو.
د ټاکنو خپلواک کمیسیون مسوولینو د ټاکنو د تر سره کولو لپاره ډاډمن ګامونه پورته کړي؛ خو له امنیتي بنسټونو غواړي، چې د ټاکنو د بهیر لپاره مناسب چاپېریال برابر کړي.
د ټاکنو خپلواک کمیسیون ريیس عبدالبدیع صیاد وایي: کمیسیون د نوملیکنې په اړه ښه ډاډمن روان دی، چې د یو شمېر لپاره د دیموکراسۍ او د دیني عالمانو لپاره د بیعت یو ښه اصل دی.
د ټاکنو خپلواک کمیسیون مالي او اداري مرستیال معاذ الله دولتي وایي: هیله من یو، چې امنیتي ځواکونه د ورته بریدونو مخه ونیسي؛ خلک وکړای شي په ډاډمنه توګه د تذکرو او نوملیکنې مرکزونو ته ولاړ شي.
دیني عالمان هم په ټاکنو کې ګډون د هر وګړي اسلامي مسوولیت ګڼي.
د افغانستان د عالمانو شورا غړی مصطفي بارکزی وایي: په تخنیکي برخه کې مونږ له ننګونې سره مخ یو، چې امنیت په کې ستره ونډه لري.
د افغانستان د عالمانو شورا غړی حافظ نصرالله د خلکو پر یووالي ټینګار کوي او وایي: مونږ د دین عالمان له خلکو غواړو، چې د یو او بل په ډاډ د نوملیکنې مرکزونو ته ولاړ شي.
ځيني په دې باور دي، چې د ټاکنو لپاره اوسني اخیستل شوي ګامونه باید درې میاشتې مخکې پورته شوي وای.
د ټاکنو خپلواک کمیسیون د دارالانشا پخوانی رییس امام محمد وریماچ وایي: مونږ باید د نوملیکنې او پوهاوي دغه بهیر درې میاشتې مخکې پیل کړی وای؛ ځکه، چې کمیسیون اوس ډېر لږ وخت لري.
دا په داسې حال کې ده، چې په ټاکنو کې د ګډون لپاره د تذکرو اخیستو او نوملیکنې مهم بهیر په پلازمېنه کابل کې په ټپه ولاړدی.
د تذکرو د وېش دفترونه وروسته له هغې وتړل شول، چې د کابل د برچي پر یوه دفتر ځانمرګي برید ۵۷ کسان ووژل او ۱۱۹ نور یې ټپیان کړل.
خبریال: علی اصغري
تازه خبرونه
د ټاپي ګاز شرکت اجرائیه رییس د پروژې له پرمختګه خوښ شو
د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
تازه خبرونه
تحول: په افغانستان کې د بریټانیا د پوځي ماموریت ارزونه
تازه خبرونه
په فاریاب او سرپل کې سېلابونو ځاني او مالي زیانونه اړولي
سیمهییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.
دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.
د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه2 days ago
په بلوچستان کې د پاکستان د بحري ځواک پر هوايي اډه وسلوال برید وشو