عاجل خبرونه

د ټاکنو تر وخته به لس میلیون تذکرې ووېشل شي- چارواکي

(Last Updated On: مې 28, 2018)

د وګړیو د احوال ثبتولو اداره وايي، چې د ټاکنو تر وخته به لس میلیون نوې تذکرې ووېشل شي، چې د جعل کولو امکانات یې ډېر کم دي.

د ټاکنو خپلواک کمیسیون او د وګړیو د احوال ثبتولو ادارې ویلي، چې افغانان به دا ځل په پارلماني ټاکنو کې د تذکرو له مخې ګډون کوي.

د وګړیو د احوال ثبتولو ادارې په کابل کې درې څانګې پرانیستي، چې خلک وکولی شي هره ورځ په آسانۍ تر ۱۵۰کاغذي تذکرې تر لاسه کړي.  

د وګړیو د احوال ثبتولو ادارې ویاند روح الله احمدزی وايي، چې د کاغذي تذکرو په وېش کې پوره پاملرنه روانه ده؛ ځکه، چې د همدغو تذکرو له مخې خلک په ټاکنو کې ګډون کوي.

نوموړي زیاته کړې؛ که څه هم تذکرې کاغذي دي، خو د پخوانیو سره توپیر لري او د جعل کولو امکانات یې ډېر کم دی.

د کابل اوسیدونکی جاوید نومی، چې تذکره اخیستي وايي؛ د تذکرې اخیستل ډېر آسانه شوي دي.

د یادونې ده، چې د کاغذي تذکرې اخیستو لپاره د ګذر د وکیل پخلی اړین دی.

 

About Ariana News

Check Also

د ولسي جرګې ۴۰ سلنه نوماندانو د خپلو ګټو د خوندي کولو لپاره تکل کړی

(Last Updated On: اکتوبر 15, 2018) د ځوانانو د ټولنیزو او مدني بنسټونو د همغږۍ …