عاجل خبرونه

د وسلوالو مخالفینو د جګړې په وړاندې جګړه نه کول ښه غوراوی نه دی-مک ماستر

(Last Updated On: اګست 26, 2017)

د امریکا د ملي امنیت سلاکار وایي، که وسلوال مخالفین تاوتریخوالي روان ساتيي؛ نو په وړاندې یې جګړه نه کول ښه غوراوی نه دی.

جګړه او سوله د امریکا د تګلارې دوه مهم اړخونه بلل کیږي، چې د افغانستان او سویلي کوریا په وړاندې اعلان شوې ده او موخه یې له تاوتریخوالي څخه د افغانستان ژغورل ګڼل شوي دي.

د امریکا د ملي امنیت سلاکار مک ماسټر وایي، د افغان دولت وسلوالو مخالفینو ته د سولې ور پرانیستی دی که؛ له تاوتریخوالي لاس واخلي، اساسي قانون ومني او د افغانستان په راتلونکي کې برخه واخلي.

نوموړی دا هم په ډاګه کړې، چې په افغانستان کې بریالیتوب، د ترهګرو ډلو له منځه وړل دي.

د مک ماستر په وینا؛ مخالفې ډلې باید له افغان دولت سره خپله دښمني پای ته ورسوي، اساسي قانون ومني او د افغانستان راتلونکي کې ونډه واخلي، چې د افغانانو لپاره د منلو وړ وي؛ خو که ستاسو دښمنان سخت وجنګیږي، دا ښه غوراوی نه دی، چې ووایاست له هغو سره نه جنګیږئ او پایلې ته یې په طمع شئ.

د امریکا تګلاره د سیمه ییزې کړنلارې له لارې د افغانستان د مسالې پر حل متمرکزه ده.

نوموړی زیاتوي؛ ولسمشر له مونږ غواړي، چې یوه سیمه ییزه تلپاتې تګلاره ولرو، نه داسې تګلاره، چې یوکال دوام وکړي. حقیقت دا دی، چې مونږ په افغانستان کې شپاړس یو کلنې تګلارې درلودې. تاسې غوښتل په تګلاره کې  بنسټیز بدلون ووینئ، چې زماني قید ونلري. نوې تګلاره د دې پر ځای، چې پر یوې وړې ډلې ولاړه وي، پر سیمه ییزې تګلارې متمرکزه شوې ده.

هغه  تېرې تګلارې تر پوښتنې لاندې راولي، چې د ځواکونو د ویستلو لپاره یې مهال وېش ټاکه او په وینا یې کارنده نه وې.

مک ماستر په افغانستان کې د بریا  ځنګړی تعریف لري او وایي، په افغانستان کې د ګټلو موخه په واقعیت کې دا ده، چې اجازه ورکړو، افغانستان، افغانستان وي. لکه، چې ولسمشر وویل؛ نه دا، چې ملت جوړونه وکړو او نه دا، چې د امریکا په فکر هېواد جوړ کړو. په افغانستان کې بریا په دې معنا ده، چې نور په کې ترهګرې ډلې نه وي؛ ځکه، چې د افغانستان مساله په سیمه کې له پراخو اندېښنو سره تړاو لري.

دا په داسې حال کې ده، چې د امریکا ملاتړ د نوې تګلارې په اډانه کې د افغان دولت له اصلاحاتو او  پرمختګ رامنځته  سره تړلې ده.

خبریال: ههیم نوري

About Ariana News

Check Also

حکومت د سولې عالي مشورتي بورد غړي اعلام کړل

(Last Updated On: دسمبر 11, 2018) د افغانستان د ملي امنیت شورا په ډاګه کړې، …