عاجل خبرونه

د پاورلیفتنګ غوراوي سیالۍ په کابل کې پیل شوې

(Last Updated On: August 24, 2019)

په کابل کې د شنبې پر ورځ( د وږي ۲) د پاورلیفتنګ غوراوي سیالۍ پیل شوې، چې په کې به ۵۵ غوره څېرې د کابل ملي لوبډلې ته غوره شي.

د دروند وزن په پورته کولو د پاورلیفتنګ سیالۍ دولسم پړاو پیل شسو، چې په کې به غوره څېرې ټاکل کیږي.

د کابل پاورلیفتنګ فدراسیون رییس خواجه میرمجاهد ویلي؛ دا لوبې به درې ورځې روانې وي، چې د کابل له لس کلپونو څخه ۱۲۰ لوبغاړي په کې ګډون کوي او په پای کې به ۵۵ غوره څېرې د کابل ملي لوبډلې ته وټاکل شي.

د پاورلیفتنګ ملي لوبډلې غړی میرعبدالمتین سادات دا لوبې لومړنۍ ګڼي؛ خو د سیالیو په ترسره کیدو کې ځنډ، چی څوکاله لیدل کیږي؛ پرې اندېښنه څرګندوي.

د دغو سیالیو تنظیمونکی شاهپور توتا خېل امکانات کم بولي او وايي، چې دا مو مهمه ستونزه ده.

د نوموړي په وینا؛ ځوانان مو ښه ځواک لري او دا لوبې به ښه وده وکړي.

دا په داسې حال کې ده، چې ۲۵ ورځې وروسته به کابل د پاورلیفتنګ ملي لوبډلې لپاره د غوراوي سیالیو کوربه وي، چې له ۱۴ ولایتونو لوبغاړي به په کې ګډون وکړي.

About Ariana News

Avatar

Check Also

ورزش، ۲۸ عقرب، ۱۳۹۸

(Last Updated On: November 19, 2019)