عاجل خبرونه

د پروان ولایت د امنیتي عملیاتو په پایله کې ۶ کسان وژل شوي

(Last Updated On: April 27, 2019)

د امنیتي ځواکونو د همغږۍ قومندان ویلي، چې د پروان ولایت د مرکزي سیمو د عملیاتو په پایله کې ۶ کسان وژل شوي دي.  

د امنیتي ځواکونو د همغږۍ قومندان الوزي احمدي زیاته کړې، چې دغه عملیات له طالبانو څخه د دې ولایت د بګرام ولسوالۍ د خلازیو او رباط د اړوند سیمو د پاکولو په موخه تر سره شوي دي.

د نوموړي د څرګندونو له مخې؛ د دغو عملیاتو په بهیر کې دوه عام وګړي وژل شوي او نور وژل شوي تر دې دمه پېژندل شوي ندي.

هغه دا هم ویلي؛ ځانګړیو امنیتي ځواکونو له یادو سیمو ۱۵ کسان هم له ځان سره وړي، چې کیدی شي له طالبانو سره لاس ولري.

د پروان پولیسو ویلي، چې دغه تر سره شوي عملیات له دوی سره همغږي شوي ندي.

د یادو کلیو اوسیدونکیو لاریون کړی، چې په تر سره شویو عملیاتو کې ۶ عام وګړي وژل شوي دي.

طالبانو په یوه خپره شوې خبرپاڼه کې څرګنده کړې، چې د دغو عملیاتو په بهیر کې د دغو کلیو اووه کسان وژل شوي او اووه نور د ملي امنیت ځواکونو له ځان سره وړي دي.

About Ariana News

Avatar

Check Also

په مزار ښار کې د یکشنبې پر شپه د مخابراتي شبکو فعالیت ودرید

(Last Updated On: July 21, 2019)په مزار ښار کې د یکشنبه پر شپه(د چنګاښ ۲۹) …